完整藏文原文 · 德格版页 当前仅加载第 54 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་བདེ་བར་གཤེགས་པས་ཆོས་བསྟན་ཏེ། །སྟོན་པ་གང་ལགས་དེ་ཡང་དེ་དང་འདྲ། །སྔོན་ཆད་ཐེ་ཚོམ་ནེམ་ནུར་གང་བྱུང་བ། །དེ་ཡང་འདྲེན་པའི་དྲུང་དུ་བྲལ་གྱུར་ཏེ། །བདེ་བར་གཤེགས་པས་གསུངས་པའི་ཆོས་ཀྱང་རིག །འགྲོ་བ་སྒྲོལ་མཛད་རྣམ་པར་འདྲེན་
D124.054.0282b01.01པར་ཤོག །སྟོབས་བཅུ་དག་གིས་བསྒྲུབས་པ་ཅི་འདྲ་བར། །རྒྱལ་བའི་ཞིང་མཆོག་བཟང་པོ་སྦྱང་བར་བགྱི། །སངས་རྒྱས་རྒྱལ་བ་རྐང་གཉིས་གཙོར་གྱུར་ཏེ། །སྐྱེ་བོ་མ་རྟོགས་པ་རྣམས་རྟོགས་པར་བགྱི། །སྲིད་པའི་རྒྱ་མཚོས་ཁྱེར་བའི་འགྲོ་བ་རྣམས། །གནས་དང་སྐྱབས་དང་
D124.054.0282b02.01རྟེན་ཀྱང་མ་མཆིས་པའི། །སྐྱབས་སུ་འགྱུར་ཞིང་སྡུག་བསྔལ་ཐར་བགྱི་སྟེ། །རྒ་ཤི་བྲལ་བའི་གནས་ཀྱང་བསྟན་པར་བགྱི། །བྱེ་བ་ཁྲག་ཁྲིག་བདུད་ཀྱི་སྤྱོད་ཡུལ་ནི། །ཐམས་ཅད་རྒྱལ་བའི་སྤྱོད་ཡུལ་དུ་ཡང་བགྱི། །སེམས་ཅན་བདུད་ཀྱི་ཡུལ་ནས་བཏོན་ནས་སུ། །དྲང་སྲོང་ཆེན་པོའི་
D124.054.0282b03.01ཡུལ་དུ་དྲང་བར་བགྱི། །བདེ་བར་གཤེགས་པས་ཞི་བའི་ཆོས་བསྟན་པ། །གང་གིས་ཐོས་ནས་གང་ལའང་མི་རེག་པ། །དེ་དག་མཆོག་གི་ཚུལ་ལ་གནས་པར་འགྱུར། །འདྲེན་པ་སྲོག་ཆགས་རྣམས་ཀྱི་སྟོན་པར་འགྱུར། །ཆོས་ཉིད་འདི་ལྟར་མི་གང་རབ་རྟོགས་ཤིང་། །སྟོན་པ་རྒྱལ་
D124.054.0282b04.01བའི་དབང་པོའི་སྤྱན་སྔ་ནས། །བསྟན་བཅོས་ཀུན་ལ་མཁས་ཤིང་འཇིགས་བྲལ་བ། །དེ་དག་བླ་ན་མེད་པའི་བདེ་གཤེགས་འགྱུར། །སྟོང་པ་འདི་ཉིད་གང་གིས་རབ་རྟོགས་ཤིང་། །སྟོང་པར་དམིགས་པའི་འདུ་ཤེས་བྲལ་གྱུར་ན། །དེ་དག་མ་སྨས་བདེ་བར་གཤེགས་པར་འགྱུར། །
D124.054.0282b05.01སྲོག་ཆགས་བྱེ་བ་མང་པོ་འགྲོལ་བར་བགྱིད། །མཁས་པ་བཙོག་པ་ལ་ནི་མི་དགའ་སྟེ། །ཟས་ཀྱི་རོ་རྣམས་ལ་ཡང་ཆགས་མ་མཆིས། །རྟོགས་པ་དགོན་པའི་གནས་ལ་ཤིན་ཏུ་མོས། །དེ་དག་རྐང་གཉིས་དམ་པ་མཁས་པར་འགྱུར། །སྦྱངས་པ་གང་དག་སྟོབས་བཅུས་བསྔགས་པ་དག །དེ་
D124.054.0282b06.01དག་རྟག་ཏུ་རབ་ཏུ་གནས་པར་འགྱུར། །འཕགས་པའི་རིགས་ལ་དེ་དག་རྟག་ཏུ་དགའ། །རབ་ཏུ་དགའ་བས་བྱང་ཆུབ་མཆོག་ཀྱང་ཐོབ། །དེ་དག་ཆོས་རྣམས་བདེ་བར་གཤེགས་པས་བསྔགས། །དེ་ལ་མཁས་པ་གནས་པས་འདི་མཐོང་སྟེ། །ཞི་བ་གང་ལ་བདེ་གཤེགས་གནས་པ་ཡི། །
D124.054.0282b07.01