完整藏文原文 · 德格版页 当前仅加载第 54 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུས་མཉམ་པ་ཉིད་བརྩམས་ཀུན་འདྲི་སྟེ། བཅོམ་ལྡན་འདས་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པའི་རིགས་ཀྱི་བུའམ་རིགས་ཀྱི་བུ་མོས་ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རབ་ཏུ་རྟོགས་པར་བགྱི། ཇི་ཙམ་གྱིས་བརྩོན་འགྲུས་
D124.054.0251a01.01མཉམ་པ་ཉིད་ཁོང་དུ་ཆུད་པར་འགྱུར་བ་ལགས། དེ་ལ་དེ་བཞིན་གཤེགས་པ་ཟླ་འོད་རྒྱལ་པོས་ལོ་བྱེ་བ་ཁྲག་ཁྲིག་ཕྲག་སུམ་ཅུ་རྩ་དྲུག་གི་བར་དུ་བརྩོན་འགྲུས་མཉམ་པ་ཉིད་མཚན་ཉིད་གཅིག་པ་ལ་བརྩམས་ཏེ། བསྟན་པའི་ཚིག་བྱེ་བ་ཁྲག་ཁྲིག་ཕྲག་བརྒྱ་སྟོང་གིས་ལུང་བསྟན་ཏོ། །
D124.054.0251a02.01དེ་ནས་དགེ་སློང་དེས་པ་དེས་དེ་བཞིན་གཤེགས་པ་དེ་ལས་བརྩོན་འགྲུས་མཉམ་པ་ཉིད་ཐོས་ནས་བརྩོན་འགྲུས་མཉམ་པ་ཉིད་ཀྱི་མཆོག་དང་ལྡན་པར་གྱུར། དེས་བརྩོན་འགྲུས་ཀྱི་མཉམ་པ་ཉིད་རྟོགས་ནས་བཅོམ་ལྡན་འདས་དེ་བཞིན་གཤེགས་པ་ཟླ་འོད་རྒྱལ་པོ་དེ་ལ་བརྩོན་འགྲུས་
D124.054.0251a03.01མཉམ་པ་ཉིད་དང་འཐུན་པའི་ཚིགས་སུ་བཅད་པ་དག་གིས་མངོན་པར་བསྟོད་དོ། །ལྷ་དང་བཅས་དང་མི་དང་བདུད། །ལྷ་མིན་བཅས་རིས་འཇིག་རྟེན་ན། །འདྲེན་པ་ཁྱོད་དང་འདྲ་མ་མཆིས། །མི་འདྲ་ལྷག་པ་ག་ལ་མཆིས། །སྡིག་མ་མཆིས་པའི་འགྲོར་གཤེགས་པ། །
D124.054.0251a04.01བདེ་གཤེགས་མཚུངས་མཉམ་ཐུགས་ལྡན་པ། །བདེ་གཤེགས་ཁྱོད་ཀྱི་སྒྲུབ་པ་ནི། །མ་སྨད་མི་གཡོ་ཟླ་མ་མཆིས། །ཁྱོད་ལ་ལེ་ལོ་བརྩོན་འགྲུས་མཚུངས། །རྣམ་པར་འདྲེན་པ་ཆོས་འདི་དག །བྲག་ཅ་དང་ནི་མཚུངས་འདྲ་ཞེས། །བཅོམ་ལྡན་འདས་ནི་འདུད་ཅིང་སྟོན།
D124.054.0251a05.01ཆོས་རྣམས་བྱེ་བྲག་མེད་མཁྱེན་ནས། །ཁྱོད་ཀྱི་བརྩོན་འགྲུས་ཞན་མ་མཆིས། །བརྩོན་འགྲུས་སྟོབས་ནི་ཕ་རོལ་ཕྱིན། །བདེ་གཤེགས་རྐང་གཉིས་གཙོ་ཕྱག་འཚལ། །བརྩོན་འགྲུས་དག་གི་མཉམ་ཉིད་འདི། །གང་གིས་རབ་རྟོགས་སྨྲ་བའི་རྟག །ཁྲག་ཁྲིག་བདུད་རྣམས་བཏུལ་
D124.054.0251a06.01ནས་སུ། །བྱང་ཆུབ་དམ་པ་དེ་དག་རེག །སྟོབས་བཅུ་འཇིག་རྟེན་སྣང་མཛད་ཀུན། །བརྩོན་འགྲུས་མཉམ་ལ་བརྟེན་ནས་སུ། །རྐང་གཉིས་དམ་པ་རབ་རྙེད་དེ། །གཞན་ཡང་དེ་བཞིན་རྙེད་པར་མཛད། །འཇིག་རྟེན་མགོན་པོ་ཐམས་ཅད་ཀྱིས། །བརྩོན་འགྲུས་མཉམ་ཉིད་
D124.054.0251a07.01