完整藏文原文 · 德格版页 当前仅加载第 54 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཕྱིན་ཅི་ལོག་ཅེས་བགྱི་བ་དེ་ནི་ཡང་དག་པ་ཉིད་ཀྱི་མཐའི་ཚིག་{བླ་དགས་,བླ་དྭགས་}ལགས་སོ། །བཀའ་སྩལ་པ། འཇམ་དཔལ་ཡང་དག་པ་ཉིད་ཀྱི་མཐའ་ནི་སྐྲག་པར་མི་འགྱུར་རོ། །གསོལ་པ། བཅོམ་ལྡན་འདས་དེ་དེ་ལྟ་ལགས་ཏེ། ཡང་དག་པ་ཉིད་ཀྱི་མཐའ་ནི་སྐྲག་
D124.054.0274b01.01པར་མི་འགྱུར་ཏེ། མི་སྐྲག་པ་ཞེས་བཤད་པ་ལགས་སོ། །བཅོམ་ལྡན་འདས་འདི་ལྟ་སྟེ། དཔེར་བགྱི་ན་ཡང་དག་པའི་མཐའ་ཡང་ཡང་དག་པའི་མཐའ་ཞེས་བརྗོད་ལགས་མོད་ཀྱི། དོན་དམ་པར་ན་ཡང་དག་པའི་མཐའ་ཡང་མི་དམིགས་ཏེ། དེ་བཞིན་དུ་བཅོམ་ལྡན་
D124.054.0274b02.01འདས་སྐྲག་པ་ཡང་མི་དམིགས། མི་སྐྲག་པ་ཡང་མི་དམིགས་ལགས་སོ། །བཅོམ་ལྡན་འདས་ཆོས་ཐམས་ཅད་བརྗོད་དུ་མ་མཆིས་ཏེ། བརྗོད་དུ་མ་མཆིས་པ་ཡང་མི་དམིགས་ལགས་སོ། །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་ཚིགས་སུ་བཅད་པ་འདི་དག་
D124.054.0274b03.01གསོལ་ཏོ། །ཆོས་རྣམས་ཐམས་ཅད་མི་སྐྲག་སྟེ། །མི་སྐྲག་པ་ཡང་མ་མཆིས་ལགས། །ཆོས་རྣམས་བརྗོད་པ་ཙམ་དུ་བས། །ཡང་དག་མཚན་ཉིད་དེ་མ་ལགས། །མ་སྐྱེས་པ་ཡི་བུ་ལ་ཡང་། །བུ་ཞེས་གདགས་པར་འགྱུར་མོད་ཀྱི། །དེ་ན་བུ་ནི་རྙེད་མི་འགྱུར། །
D124.054.0274b04.01ཀུན་རྫོབ་ཆོས་རྣམས་དེ་འདྲ་ལགས། །ཇི་ལྟར་མོ་ཤམ་བུ་རྣམས་ནི། །འཆི་བར་འགྱུར་བ་མི་དམིགས་པ། །དེ་བཞིན་ཀུན་རྫོབ་ཆོས་རྣམས་ཀྱང་། །རྣམ་པ་ཀུན་ཏུ་མི་དམིགས་ལགས། །ཀུན་རྫོབ་རྣམས་ཀྱང་ཀུན་རྫོབ་ཏུ། །མ་བྱུང་འབྱུང་བར་མི་འགྱུར་ཏེ། །ཇི་
D124.054.0274b05.01ལྟར་བར་སྣང་ནམ་མཁའ་ལ། །རི་མོ་བྲིས་པ་མ་མཆིས་བཞིན། །ཀུན་རྫོབ་ལ་ཡང་ཀུན་རྫོབ་ཅེས། །མི་གང་རྗེས་སུ་འབྲང་བ་ནི། །དེ་ལ་ཕྱིན་ཅི་ལོག་ཅེས་ཀྱང་། །མིག་ལྡན་རྣམ་པར་མཐོང་བ་སྨྲ། །ཀུན་རྫོབ་དང་ནི་དམ་པའི་དོན། །དེ་དག་གཉི་ག་མི་རྟོགས་ཏེ། །གང་
D124.054.0274b06.01གིས་དེ་དག་མི་རྟོགས་པ། །དེ་ནི་ཆོས་ཉིད་མི་རྟོགས་སོ། །གང་དག་ཆོས་ཉིད་མི་རྟོགས་པ། །དེ་དག་སོ་སོའི་སྐྱེ་བོར་གསུངས། །དེ་དག་འཇིག་རྟེན་མགོན་ཀུན་ཀྱིས། །མུ་སྟེགས་གཞན་ཞེས་རབ་ཏུ་གསུངས། །གང་གིས་ཆོས་ཉིད་རིག་པ་ནི། །དེ་དག་སངས་རྒྱས་བསྟན་ལ་
D124.054.0274b07.01