完整藏文原文 · 德格版页 当前仅加载第 54 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
འགལ་བ། ཟབ་པ་མཐོང་བར་དཀའ་བ། རྟོགས་པར་དཀའ་བ། བརྟག་ཏུ་མེད་པ། མུ་སྟེགས་ཅན་གཞན་ཐམས་ཅད་ཀྱི་རྟོག་གེའི་སྤྱོད་ཡུལ་མ་ཡིན་པ། ཉན་ཐོས་རྣམས་ཀྱིས་མ་ཆུད་པ། རང་སངས་རྒྱས་རྣམས་ཀྱིས་མི་ཤེས་པ། བྱང་ཆུབ་སེམས་དཔའ་རྣམས་ཀྱི་
D124.054.0278b01.01སྤྱོད་ཡུལ་མ་ཡིན་པའི་ཆོས་སྟོན་ཏོ། །དེ་བཞིན་གཤེགས་པ་དེ་ལ་ཁྱོད་ཀྱིས་གུས་པ་བསྐྱེད་པར་བྱའོ། །བསྟི་སྟང་དང་བཅས། རི་མོ་དང་བཅས་པ་ལ་ནི་ཤེས་རབ་ཡང་དག་པར་གནས་ཤིང་བྱམས་པ་བསྐྱེད། ཡེ་ཤེས་རབ་ཏུ་འབྱུང་། རིག་པ་བསྐྱེད། མངོན་པར་ཤེས་
D124.054.0278b02.01པ་མངོན་དུ་འགྱུར། བྱང་ཆུབ་ཀྱི་ཕྱོགས་ཀྱི་ཆོས་རྣམས་མདུན་ན་གནས་པར་འགྱུར་རོ། །དེ་བཞིན་གཤེགས་པ་འཇིག་རྟེན་ཐམས་ཅད་དང་མི་འཐུན་པའི་ཆོས་ཇི་ལྟར་སྟོན་ཅེ་ན། ཉི་མས་བྱིན་ཆོས་ཐམས་ཅད་ནི་ནམ་མཁའ་ལ་བྲིས་པ་བཞིན་དུ་དངོས་པོ་མེད་པ་སྟེ། ཆོས་དེ་
D124.054.0278b03.01དག་ནི་འཇིག་རྟེན་ཐམས་ཅད་དང་མི་འཐུན་པའོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་བྱུང་མི་འབྱུང་བ་དེ་བཞིན་དུ་ཉི་མས་བྱིན་གཟུགས་ནི་ནམ་མཁའ་ལྟ་བུ་སྟེ་ངོ་བོ་ཉིད་ཀྱིས་འགགས་པའོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D124.054.0278b04.01པར་ཤེས་པ་ཡང་ནམ་མཁའ་ལྟ་བུ་སྟེ་ངོ་བོ་ཉིད་ཀྱིས་འགགས་པའོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་སྐྱེས་པ་སྟེ། དེ་བཞིན་དུ་གཟུགས་ཀྱང་མ་སྐྱེས་པའོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་མ་
D124.054.0278b05.01སྐྱེས་པའོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་འགགས་པ་སྟེ། དེ་བཞིན་དུ་ཉི་མས་བྱིན་གཟུགས་ཀྱང་མ་འགགས་པའོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའང་མ་འགགས་པའོ། །ཉི་མས་བྱིན་འདི་ལྟ་
D124.054.0278b06.01སྟེ། དཔེར་ན་ནམ་མཁའ་ལ་བྲིས་པ་ནི་མི་འོང་མི་འགྲོ་བ་དེ་བཞིན་དུ་ཉི་མས་བྱིན་གཟུགས་ཀྱང་མི་འོང་མི་འགྲོ་སྟེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་མི་འོང་མི་འགྲོ་བའོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་ནི་བྲིས་པ་
D124.054.0278b07.01