完整藏文原文 · 德格版页 当前仅加载第 54 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་བསྔགས། །སྲིད་པ་མཐར་ཕྱིན་སྲིན་འགགས་པ། །བཅོམ་ལྡན་འདས་ཀྱང་དེ་བཞིན་བསྟོད། །གང་ཟག་གང་དག་མི་སྐྱོ་བར། །ཞི་གནས་བརྩོན་འགྲུས་བརྩམས་གྱུར་པ། །མི་མཁས་འགྲོ་བ་རྟོགས་བགྱིའི་སླད། །དེ་དག་བྱང་ཆུབ་རྙེད་པར་འགྱུར། །ཞི་གནས་སྟོབས་
D124.054.0251b01.01ཀྱི་ཕ་རོལ་ཕྱིན། །བརྩོན་འགྲུས་མཉམ་རྙེད་འགྲོ་མཆོག་གང་། །འཇིག་རྟེན་མགོན་ཁྱོད་དེ་ཡི་ཡབ། །དེ་དག་རྣམས་ནི་ཁྱོད་ཀྱི་སྲས། །དེ་དག་རྙེད་པ་ལེགས་རྙེད་དེ། །མིར་ནི་ཡང་དག་ལེགས་པར་མཆིས། །དེ་དག་བརྩོན་འགྲུས་མཉམ་ཉིད་འདི། །སེམས་ལ་ཡང་དག་འགྲུབ་
D124.054.0251b02.01པར་འགྱུར། །གང་རྣམས་བརྩོན་འགྲུས་མཉམ་ཉིད་ལ། །འཇིག་རྟེན་སྒྲོན་མ་སེམས་འཇུག་པ། །དེ་དག་རང་འབྱུང་བདེ་བར་གཤེགས། །སྟོབས་བཅུའི་སྟོབས་རྣམས་འབྱུང་བར་འགྱུར། །དེ་ནས་དགེ་སློང་དེས་པ་དེས་བཅོམ་ལྡན་འདས་དེ་བཞིན་གཤེགས་པ་ཟླ་འོད་རྒྱལ་པོ་དེ་ལ་
D124.054.0251b03.01བརྩོན་འགྲུས་མཉམ་པ་ཉིད་དང་འཐུན་པའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བརྩོན་འགྲུས་མཉམ་པ་ཉིད་རྟོགས་ཏེ། དགེ་བའི་རྩ་བ་དེས་བསྐལ་པ་བརྗོད་དུ་མེད་པར་ནམ་ཡང་བརྩོན་འགྲུས་མཉམ་པ་ཉིད་ལ་མི་གནས་པར་མ་གྱུར་ཏེ། རྟག་ཏུ་རྒྱུན་མི་འཆད་པར་
D124.054.0251b04.01ཐབས་མཁས་པ་དང་ལྡན་པར་གྱུར་ཏོ། །དེའི་ཚེ་དེའི་དུས་ན་དགེ་སློང་དེས་པ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཡིད་གཉིས་དང་། སོམ་ཉི་དང་། ཐེ་ཚོམ་ཟ་ན་འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དོན་ཐམས་ཅད་
D124.054.0251b05.01གྲུབ་པ་དེ་དེའི་ཚེ་དེའི་དུས་ན་དགེ་སློང་དེས་པ་ཞེས་བྱ་བར་གྱུར་ཏོ། །འཇམ་དཔལ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་བརྩོན་འགྲུས་མཉམ་པ་ཉིད་ལ་བརྩོན་པར་བྱའོ། །བརྩོན་འགྲུས་མཉམ་པ་ཉིད་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ནི་
D124.054.0251b06.01བསམ་གཏན་གྱི་ཕ་རོལ་ཏུ་ཕྱིན་པ་མངོན་དུ་འགྱུར་ཏེ། བསྒོམ་པ་ཡོངས་སུ་རྫོགས་པར་འགྱུར་རོ། །དེ་ཅིའི་ཕྱིར་ཞེ་ན། བརྩོན་འགྲུས་མཉམ་པ་ཉིད་རྙེད་པར་བྱ་བའི་ཕྱིར་སེམས་རྩེ་གཅིག་པར་གྱུར་ཏེ་དེའི་ཕྱིར་དེ་ཞི་བ་མཆོག་ཏུ་འགྱུར་རོ། །འཇམ་དཔལ་སྔོན་བྱུང་བ་འདས་པའི་དུས་
D124.054.0251b07.01