完整藏文原文 · 德格版页 当前仅加载第 54 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་སྒྲིབ་པ་མེད་པའི་ཆོས་ལ་བཟོད་པ་ཁོང་དུ་ཆུད་ཅིང་སེམས་ལ་ཀུན་ནས་དཀྲིས་པ་མེད་པས་གང་དང་གང་དུ་སྐྱེས་པ་དེ་དང་དེར་སྐྱེས་མ་ཐག་ཏུ་ཕྱོགས་བཅུའི་འཇིག་རྟེན་ཚད་མེད་པའི་འཇིག་རྟེན་གྱི་ཁམས་ན་སངས་རྒྱས་བཅོམ་ལྡན་འདས་རྣམས་མཐོང་སྟེ། སངས་རྒྱས་བཅོམ་
D124.054.0228b01.01ལྡན་འདས་དེ་དག་དང་ལྷན་ཅིག་ཏུ་སྨྲ་ཞིང་གཏམ་ཟེར་ཏེ། འདི་ལྟར་མུན་པ་མེད་པའི་ལུས་དང་ལྡན་པའི་ཕྱིར་སངས་རྒྱས་བཅོམ་ལྡན་འདས་དེ་དག་གིས་བོད་ཅིང་ཡང་དག་པར་མགུ་བར་བྱས་པ་ཡིན་ནོ། །འཇམ་དཔལ་དེ་ཇི་སྙམ་དུ་སེམས། དེའི་ཚེ་དེའི་དུས་ན་དྲང་སྲོང་མེས་
D124.054.0228b02.01བྱིན་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དྲི་མ་མེད་པའི་སྤྱན་དེ་དེའི་ཚེ་དེའི་དུས་ན་དྲང་སྲོང་མེས་བྱིན་ཞེས་བྱ་བར་གྱུར་ཏོ། །འཇམ་དཔལ་འདི་ཇི་སྙམ་དུ་སེམས།
D124.054.0228b03.01དེའི་ཚེ་དེའི་དུས་ན་དྲང་སྲོང་ཚངས་པའི་ལྷ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན། འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་སྤྱན་མཆོག་དེ་དེའི་ཚེ་དེའི་དུས་ན་དྲང་སྲོང་ཚངས་པའི་ལྷ་ཞེས་བྱ་བར་གྱུར་ཏོ། །འཇམ་
D124.054.0228b04.01དཔལ་འདི་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོ་སྡེ་མི་ཕམ་པ་ཞེས་བྱ་བ་གང་ཚུལ་ཁྲིམས་ཡོངས་སུ་དག་པ་ཐོས་མ་ཐག་ཏུ་ཀུན་ནས་དཀྲིས་པ་བསལ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན།
D124.054.0228b05.01དེ་བཞིན་གཤེགས་པ་དོན་ཐམས་ཅད་གྲུབ་པ་དེ་དེའི་ཚེ་དེའི་དུས་ན་རྒྱལ་པོ་སྡེ་མི་ཕམ་པ་ཞེས་བྱ་བར་གྱུར་ཏོ། །འཇམ་དཔལ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཚུལ་ཁྲིམས་མ་ཉམས་པར་བྱའོ། །ཚུལ་ཁྲིམས་ལ་སྐྱོན་མེད་པ་དང་། ཚུལ་ཁྲིམས་
D124.054.0228b06.01ཤིན་ཏུ་བསྡམས་པ་དང་། ཚུལ་ཁྲིམས་མ་འདྲེས་པ་དང་། ཚུལ་ཁྲིམས་རྣམ་པར་དག་པ་དང་། ཚུལ་ཁྲིམས་ཡོངས་སུ་དག་པ་དང་། ཚུལ་ཁྲིམས་རྫོགས་པར་བྱ་སྟེ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དེ་ལ་ཆགས་པར་མི་བྱ། ཚུལ་ཁྲིམས་ཀྱི་ཕ་རོལ་ཏུ་ཕྱིན་
D124.054.0228b07.01