完整藏文原文 · 德格版页 当前仅加载第 54 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་དེས་བདག་ལ་ལུང་མ་བསྟན། །སྔོན་གྱི་སངས་རྒྱས་རྐང་གཉིས་མཆོག་བྱུང་བ། །ཐེ་ཙོམ་ཀུན་གྱི་བཅིངས་པ་གཅོད་མཛད་པ། །སྤྲིན་སྦྱིན་རྣམ་འདྲེན་བདེ་བར་གཤེགས་པ་སྟེ། །དེ་ལ་རིམ་གྲོ་བགྱིས་ཀྱང་ལུང་མ་བསྟན། །སྔོན་གྱི་སངས་རྒྱས་རྣམ་
D124.054.0241b01.01འདྲེན་སྡིག་མི་མངའ། །དགྲ་བཅོམ་ཞེས་ཀྱང་ཕྱོགས་སུ་གྲགས་པ་སྟེ། །འཇིག་རྟེན་མཁས་པ་དེ་ལ་མཆོད་བགྱིས་ཀྱང་། །དེ་བཞིན་གཤེགས་དེས་བདག་ལ་ལུང་མ་བསྟན། །སྔོན་གྱི་སངས་རྒྱས་ཁྲག་ཁྲིག་མཐའ་ཡས་པ། །འཇིག་རྟེན་མགོན་པོ་མཚུངས་
D124.054.0241b02.01མེད་ཉན་ཐོས་བཅས། །བྱང་ཆུབ་མཆོག་འཚལ་བཀུར་སྟི་རབ་བགྱིས་ཀྱང་། །བདེ་གཤེགས་དེ་དག་གིས་ཀྱང་ལུང་མ་བསྟན། །མཚུངས་མེད་འདྲེན་པ་རྣམས་ལ་བསྙེན་བཀུར་བགྱིས། །ཤེས་རབ་དམ་པ་མཆོག་ནི་བདག་གིས་སྦྱངས། །ཆོས་ཀྱི་ཚུལ་དང་མཚན་
D124.054.0241b03.01ཉིད་དེ་རྟོགས་ནས། །དེས་ན་དྲི་མེད་ཏོག་གིས་བདག་ལུང་བསྟན། །འདི་ལྟར་བདག་གིས་དེ་རིང་ཆོས་ཉིད་མཐོང་། །ཐེ་ཙོམ་མ་ལུས་པར་ནི་ཐམས་ཅད་བཅད། །སྒྱུ་མ་སྨིག་རྒྱུ་ཆུ་ཟླ་འདྲ་བ་རུ། །ཆོས་རྣམས་ཐམས་ཅད་སྐྱེ་བ་བདག་གིས་མཐོང་། །ཇི་ལྟར་མི་
D124.054.0241b04.01རྣམས་རི་ཡི་བར་ན་ཡང་། །ཡིད་དུ་འོང་བའི་གླུ་དབྱངས་སྐད་འབྱིན་ཏེ། །སྐད་ཅིག་ཏུ་ནི་བྲག་ཅ་གཞན་ཡང་འབྱུང་། །དེ་ཡི་སྒྲ་ལ་བྱེད་པ་པོ་མ་མཆིས། །རི་ཡི་བར་ནི་ཇི་ལྟར་བྲག་ཅ་བཞིན། །དེ་བཞིན་བདག་གིས་ཆོས་རྣམས་ཡང་དག་མཐོང་། །དེ་ལ་བདག་ནི་
D124.054.0241b05.01ཐེ་ཚོམ་མ་མཆིས་ཏེ། །དེས་ན་གང་ཟག་མཆོག་དེས་བདག་ལུང་བསྟན། །ནམ་མཁའ་བར་སྣང་ཇི་ལྟར་བྱ་ཡི་རྗེས། །དེ་དག་མ་མཆིས་མ་བྱུང་འབྱུང་མི་འགྱུར། །རྒྱལ་བས་བསྟན་པ་དེ་བཞིན་མཐོང་བས་ན། །དེས་ན་གང་ཟག་མཆོག་གིས་བདག་ལུང་བསྟན། །
D124.054.0241b06.01ཆོས་འདི་ཐམས་ཅད་བར་སྣང་ནམ་མཁའ་བཞིན། །དེ་རྣམས་གང་ལའང་མངོན་པར་ཆགས་མ་མཆིས། །ཕྱོགས་ནས་མཆིས་ཤིང་གང་དུའང་མཆིས་མ་མཆིས། །དེས་ན་གང་ཟག་མཆོག་གིས་བདག་ལུང་བསྟན། །ཇི་ལྟར་རྨི་ལམ་ན་ནི་སྐོམ་པའི་མིས། །ཆུ་
D124.054.0241b07.01