完整藏文原文 · 德格版页 当前仅加载第 54 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མཆོག་ཏུ་འཛིན་པར་མི་བྱའོ། །དེ་ལྟར་ཚུལ་ཁྲིམས་ཡོངས་སུ་དག་པ་ལ་སྒྲིབ་པ་མེད་པའི་རྣམ་པར་ཐར་པ་མངོན་དུ་འགྱུར་རོ། །སྒྲིབ་པ་མེད་པའི་རྣམ་པར་ཐར་པ་མངོན་དུ་གྱུར་པས་ཇི་ལྟར་བདག་གིས་སངས་རྒྱས་ཀྱི་ཞིང་དཔག་ཏུ་མེད་པ་ཡོངས་སུ་
D124.054.0229a01.01དག་པར་འགྱུར་སྙམ་སེམས་ལ་མི་བྱ་སྟེ། འོན་ཀྱང་སྒྲིབ་པ་མེད་པའི་རྣམ་པར་ཐར་པ་མངོན་དུ་གྱུར་ན་བསྒྲིམ་མི་དགོས་པར་སངས་རྒྱས་ཀྱི་ཞིང་དཔག་ཏུ་མེད་པ་ཡོངས་སུ་དག་པར་འགྱུར་ཏེ། སངས་རྒྱས་ཀྱི་ཞིང་གྲངས་མེད། བསམ་གྱིས་མི་ཁྱབ་མཚུངས་པ་མེད།
D124.054.0229a02.01གཞལ་དུ་མེད། བརྗོད་དུ་མེད་པ་ཡོངས་སུ་དག་པར་འགྱུར་རོ། །འདི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་ན། བཟོད་པའི་ཕ་རོལ་ཏུ་ཕྱིན་པ་ཡང་ཡོངས་སུ་དག་པར་འགྱུར་རོ། །དེ་ཅིའི་ཕྱིར་ཞེ་ན། གལ་ཏེ་ཚུལ་ཁྲིམས་ལ་མཆོག་ཏུ་འཛིན་པ་མེད་ན་དེའི་
D124.054.0229a03.01བཟོད་པའི་ཕ་རོལ་ཏུ་ཕྱིན་པ་ཡོངས་སུ་དག་པར་འགྱུར་ཏེ། དེ་ལྟར་མཆོག་ཏུ་འཛིན་པ་གང་གིས་ཀྱང་ཚུལ་ཁྲིམས་ལ་མཆོག་ཏུ་འཛིན་པ་མེད་དོ། །འཇམ་དཔལ་སྔོན་བྱུང་བ་འདས་པའི་དུས་ན་བསྐལ་པ་དཔག་ཏུ་མེད་པ་ནས་བརྗོད་དུ་མེད་པའི་བར་དུ་དེའི་ཕ་རོལ་གྱི་ཡང་ཆེས་ཕ་རོལ་
D124.054.0229a04.01ན་མི་འཆི་བ་ཀུན་དུ་འཕགས་པ་ཞེས་བྱ་བའི་བསྐལ་པ་བྱུང་སྟེ། འཇམ་དཔལ་མི་འཆི་བ་ཀུན་དུ་འཕགས་པའི་བསྐལ་པ་དེ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
D124.054.0229a05.01སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རྣམ་པར་སྣང་མཛད་ཅེས་བྱ་བ་འཇིག་རྟེན་དུ་བྱུང་ངོ་། །འཇམ་དཔལ་དེའི་ཚེ་དེའི་དུས་ན་དྲང་སྲོང་མི་འཁྲུགས་པའི་བློ་གྲོས་ཞེས་བྱ་བ་ཞིག་ཡོད་དེ། འཇམ་དཔལ་ཅིའི་ཕྱིར་དྲང་སྲོང་
D124.054.0229a06.01དེ་མི་འཁྲུགས་པའི་བློ་གྲོས་ཞེས་བྱ་ཞེ་ན། འཇམ་དཔལ་སྔོན་བྱུང་བ་བསྐལ་པ་མི་འཆི་བ་ཀུན་དུ་འཕགས་པ་དེའི་ཕ་རོལ་གྱི་ཡང་ཆེས་ཕ་རོལ་ན་བསྐལ་པ་གྲངས་མེད་བརྗོད་དུ་མེད་པ་ན་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པ་ཞེས་བྱ་བ་བྱུང་སྟེ། དེའི་ཚེའི་ཚད་དཔག་ཏུ་མེད་
D124.054.0229a07.01