完整藏文原文 · 德格版页 当前仅加载第 54 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་བུ་དམ་པ་གྲགས་བྱིན་གྱིས་བཤད་པ་ལ་ལེགས་སོ་ཞེས་ཤིན་ཏུ་བསྟོད་དེ་རྗེས་སུ་ཡི་རང་ངོ་། །དེ་ནས་ཡང་སྐྱེས་བུ་དམ་པ་བཅུ་གཅིག་པོ་དེ་དག་གིས་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་དེ་རབ་ཏུ་དགའ་བར་བྱ་བའི་ཕྱིར་བྲམ་ཟེའི་རིགས་ཤིང་སཱ་ལ་ཆེན་པོ་
D124.054.0280b01.01ལྟ་བུའི་བུ་ཉི་མས་བྱིན་དེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་ཆོས་ཟབ་མོ་འདི་ཐོས་ཀྱང་མ་སྐྲག་སྐྲག་པར་མ་གྱུར། ཤིན་ཏུ་སྐྲག་པར་མ་གྱུར། མ་མྱོས་མྱོས་པར་མ་གྱུར་པ་ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་གང་ལ་བསླབ་པར་བྱ་བའི་ས་ནི་འདི་ཡིན་
D124.054.0280b02.01ནོ། །དེ་ནས་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་ཟབ་མོ་གོས་པ་མེད་པའི་ཆོས་བསྟན་པ་འདི་ཐོས་ནས་ཚིམ་ཞིང་མགུ་སྟེ་ཡི་རངས་ནས་རབ་ཏུ་དགའ་སྟེ། དགའ་བ་དང་། ཡིད་བདེ་བ་སྐྱེས་ནས་སངས་རྒྱས་ཀྱི་ཆོས་ཟབ་མོ་མཐར་ཕྱིན་པར་གྱུར་ཏོ།། །།བམ་
D124.054.0280b03.01པོ་བདུན་པ་སྟེ་ཐ་མ། དེ་ནས་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་དང་། སྐྱེས་བུ་དམ་པ་བཅུ་གཅིག་པོ་དེ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགའ་མཆོག་ཅེས་བྱ་བ་དེ་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་
D124.054.0280b04.01དེའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་སྐྱེས་བུ་དམ་པ་གྲགས་བྱིན་དེས་བཅོམ་ལྡན་འདས་དེ་བཞིན་གཤེགས་པ་དགའ་མཆོག་དེ་ལ་ཚིགས་སུ་བཅད་པ་འདི་དག་གསོལ་ཏོ། །ཞི་བའི་དབྱིངས་ལ་རབ་ཞུགས་ཚུལ་རྣམས་ལ། །མཁས་པ་
D124.054.0280b05.01འདྲེན་པ་རྣམས་ནི་ལེགས་སོ་ཞེས། །གང་གིས་མི་མཆོག་ཤིན་ཏུ་འཐོབ་འགྱུར་བ། །དེ་ནི་མི་རྣམས་དམ་པ་བསྟན་དུ་གསོལ། །འཇིག་རྟེན་མཁས་པས་བསྟན་པ་ཐོས་ནས་སུ། །བྱང་ཆུབ་མཆོག་ལ་མི་རྣམས་རབ་ཏུ་འཇུག །གང་ཐོས་དྲང་སྲོང་ཆེན་པོར་འགྱུར་བ་དག །ཚུལ་
D124.054.0280b06.01དེ་སྲོག་ཆགས་རྣམས་ལ་སྨན་སླད་གསུངས། །བདེ་གཤེགས་བདག་གི་རིགས་ལ་གནས་ནས་སུ། །ཐུབ་པས་སངས་རྒྱས་ཡེ་ཤེས་མངོན་པར་བསྟོད། །རྒྱལ་བས་དེ་ཡིད་རབ་ཏུ་དགའ་བར་མཛད། །དེ་དག་ཐོས་ནས་ཤིན་ཏུ་གནས་པར་འགྱུར། །རྒྱལ་བ་བདག་
D124.054.0280b07.01