完整藏文原文 · 德格版页 当前仅加载第 54 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་བཀའ་སྩལ་པ། འཇམ་དཔལ་དེ་བཞིན་གཤེགས་པ་དོན་ཐམས་ཅད་གྲུབ་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། བྱང་ཆུབ་སེམས་དཔའི་ཏིང་ངེ་འཛིན་ཞི་བ་ཞེས་བྱ་བ་བསྒོམས་ཏེ། རབ་ཏུ་གོམས་པར་བྱས། ལམ་དུ་བྱས། རྟེན་དུ་བྱས། ནན་ཏན་
D124.054.0243a01.01དུ་བྱས། རབ་ཏུ་འདྲིས་པར་བྱས། ལེགས་པར་བརྩམས་ཤིང་རབ་ཏུ་རྫོགས་པར་བྱས་ཏེ། དེས་སྦྱིན་པའི་ཕ་རོལ་ཏུ་ཕྱིན་པ་ཞི་བ་དང་རབ་ཏུ་ཞི་བར་རྟོགས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་
D124.054.0243a02.01དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཞི་བ་དང་རབ་ཏུ་ཞི་བར་རྟོགས་སོ། །འདི་ལྟ་སྟེ། དཔེར་ན་འདུས་མ་བྱས་ཀྱི་ཁམས་ཞི་བ་དང་རབ་ཏུ་ཞི་བ་དེ་བཞིན་དུ་ཕ་རོལ་ཏུ་ཕྱིན་པ་དྲུག་ཀྱང་ཞི་བ་དང་རབ་ཏུ་ཞི་བར་རྟོགས་སོ། །འདི་ལྟ་སྟེ།
D124.054.0243a03.01དཔེར་ན་འདུས་མ་བྱས་ཀྱི་ཁམས་མི་སྐྱེ་མི་འགག་པ་དེ་བཞིན་དུ་ཕ་རོལ་ཏུ་ཕྱིན་པ་དྲུག་ཀྱང་མི་སྐྱེ་མི་འགག་གོ། །འདི་ལྟ་སྟེ། དཔེར་ན་བདག་ཐམས་ཅད་ཀྱི་ཐམས་ཅད་དུ་མི་དམིགས་པ་དེ་བཞིན་དུ་ཕ་རོལ་ཏུ་ཕྱིན་པ་དྲུག་ཀྱང་ཐམས་ཅད་ཀྱི་ཐམས་ཅད་དུ་མི་དམིགས་ཏེ། ཕ་རོལ་ཏུ་
D124.054.0243a04.01ཕྱིན་པ་དྲུག་ཇི་ལྟ་བ་དེ་བཞིན་དུ་ཆོས་ཐམས་ཅད་ཀྱང་མི་སྐྱེ་མི་འགག་གོ། །ཆོས་ཐམས་ཅད་ནི་ཞི་བ་སྟེ་ཞི་བ་དེ་ཡང་མི་དམིགས། གང་གི་ཞི་བ་དེ་ཡང་མི་དམིགས་སོ། །འཇམ་དཔལ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད། བསམ་གྱིས་མི་ཁྱབ། མཚུངས་པ་མེད།
D124.054.0243a05.01གཞལ་དུ་མེད། བརྗོད་དུ་མེད་པའི་ཕ་རོལ་གྱི་ཡང་ཆེས་ཕ་རོལ་ན། ཉི་མ་སྣང་བ་ཞེས་བྱ་བའི་བསྐལ་པ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་
D124.054.0243a06.01བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཐམས་ཅད་ཟིལ་གྱིས་གནོན་པ་ཞེས་བྱ་བ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པ་དེའི་རིམ་གྲོ་བྱེད་པ་དགེ་སློང་ཞི་བའི་བློ་གྲོས་ཞེས་བྱ་བ་ཞིག་
D124.054.0243a07.01