完整藏文原文 · 德格版页 当前仅加载第 54 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
དེ། སངས་རྒྱས་ཀྱི་ཞིང་བརྗོད་དུ་མེད་ཅིང་ཚད་མེད་པ་ཡོངས་སུ་དག་པ་དང་ལྡན་ནོ། །ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བ་དང་ལྡན་པ་དེའི་སངས་རྒྱས་ཀྱི་ཞིང་ན་བློ་གྲོས་འབར་བ་ཞེས་བྱ་བ་བྲམ་ཟེའི་རིགས་ཤིང་སཱ་ལ་
D124.054.0229b01.01ཆེན་པོ་ལྟ་བུ་སངས་རྒྱས་ཁྲག་ཁྲིག་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་པ་ཞིག་ཡོད་དེ། བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་མི་ཕྱེད་པའི་གཡོག་སངས་རྒྱས་ཁྲག་ཁྲིག་དཔག་ཏུ་མེད་པ་ལ་དགེ་བའི་རྩ་བ་བསྐྱེད་པའི་བྲམ་ཟེ་ཁྲག་ཁྲིག་ཕྲག་བརྒྱད་
D124.054.0229b02.01ཅུ་ཡོད་དོ། །ཡང་འཇམ་དཔལ་བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེས་བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པ་དེ་ལ་ལོ་བྱེ་བ་ཁྲག་ཁྲིག་དགུ་བཅུར་མི་འཁྲུགས་པའི་དབྱིངས་ཞུས་ཏེ། བཅོམ་ལྡན་འདས་ཀྱིས་མི་འཁྲུགས་
D124.054.0229b03.01པའི་དབྱིངས་མི་འཁྲུགས་པའི་དབྱིངས་ཞེས་གསུངས་ན་བཅོམ་ལྡན་འདས་མི་འཁྲུགས་པའི་དབྱིངས་དེ་གང་ལགས། ཅིའི་སླད་དུ་མི་འཁྲུགས་པའི་དབྱིངས་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པས་བློ་
D124.054.0229b04.01གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་འབར་བ་མི་འཁྲུགས་པའི་དབྱིངས་མི་འཁྲུགས་པའི་དབྱིངས་ཞེས་བྱ་བ་དེ་ནི་འདུས་མ་བྱས་པའི་དབྱིངས་ཀྱི་ཚིག་{བླ་དགས་,བླ་དྭགས་}སོ། །བློ་གྲོས་འབར་བ་ཅིའི་ཕྱིར་དབྱིངས་དེ་མི་འཁྲུགས་
D124.054.0229b05.01པའི་དབྱིངས་ཞེས་བྱ་ཞེ་ན། བློ་གྲོས་འབར་བ་འདུས་མ་བྱས་པའི་དབྱིངས་ནི་{སྩོགས་,སོགས་}པ་ཡང་མེད། འབྲི་བ་ཡང་མེད། ལེན་པ་ཡང་མེད། འགོད་པ་ཡང་མེད། ཟད་པ་ཡང་མེད། འགོག་པ་ཡང་མེད། འགྲིབ་པ་ཡང་མེད། འཕེལ་བ་ཡང་མེད། རིགས་ཀྱང་མ་ཡིན།
D124.054.0229b06.01རིགས་མེད་པ་ཡང་མ་ཡིན། འགྱུར་བ་ཡང་མ་ཡིན། འཛིན་པ་ཡང་མ་ཡིན། འདོར་བ་ཡང་མ་ཡིན། གཟུང་བ་ཡང་མ་ཡིན། གཏོང་བ་ཡང་མ་ཡིན། ཕྲ་བ་ཡང་མ་ཡིན། ཟབ་པ་ཡང་མ་ཡིན། མུན་པ་ཡང་མ་ཡིན། སྣང་བ་ཡང་མ་ཡིན། ཉིན་པར་ཡང་མ་ཡིན།
D124.054.0229b07.01