完整藏文原文 · 德格版页 当前仅加载第 54 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། རིགས་ཀྱི་བུ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །བཅོམ་ལྡན་འདས་ལེགས་སོ་ཞེས་གསོལ་ནས་བྱང་ཆུབ་སེམས་དཔའ་བརྩོན་འགྲུས་བརྩམས་པས་བཅོམ་ལྡན་འདས་དེའི་ལྟར་ཉན་པ་དང་། བཅོམ་ལྡན་འདས་ཀྱིས་
D124.054.0264a01.01དེ་ལ་འདི་སྐད་ཅེས་བཀའ་སྩལ་ཏོ། །ནམ་བྱང་ཆུབ་སེམས་དཔའ་མཉམ་པ་ཉིད་རབ་ཏུ་རྟོགས་པར་བྱ་བའི་ཕྱིར་བརྩོན་པ་མི་འདོར་བར་གྱུར་ཏེ། སྐད་ཅིག་ཀྱང་མི་འདུག་ཅིང་། འདི་ལྟར་ཆོས་ཐམས་ཅད་ལ་རབ་ཏུ་རྟོགས་པར་བྱ་བའི་ཕྱིར་བློ་གྲོས་གཞན་དུ་མི་འགྱུར་ཏེ་ཡིད་གཞན་
D124.054.0264a02.01དུ་མི་འཇུག་ན། དེ་ཙམ་གྱིས་རིགས་ཀྱི་བུ་བྱང་ཆུབ་ཀུན་བསྒྲུབ་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་བརྩམས་པ་ཡིན་ནོ། །གཞན་ཡང་རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D124.054.0264a03.01པའི་སངས་རྒྱས་རྣམས་ཀྱི་བརྩོན་འགྲུས་རྗེས་སུ་དྲན་ཏེ། དེ་ལྟར་སྔོན་གྱི་དེ་བཞིན་གཤེགས་པ་དེ་དག་བྱང་ཆུབ་སེམས་དཔའི་སྤྱད་པ་སྤྱོད་པ་ན་ལུས་དང་སེམས་གཉིས་ཡང་དག་པར་རབ་ཏུ་བཟུང་ནས་སྦྱིན་པ་སྦྱིན་པ་དེ་བཞིན་དུ་བདག་གིས་ཀྱང་སྦྱིན་པ་སྦྱིན་ནོ། །དེ་ལྟར་སྦྱིན་པ་ན་དེ་བཞིན་དུ་
D124.054.0264a04.01རབ་ཏུ་རྟོགས་ན་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་དག་པར་འགྱུར་རོ། །ཇི་ལྟར་ན་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ཞེ་ན། འདི་ལྟ་སྟེ། དེ་ནི་སྦྱིན་པ་དང་། སྦྱིན་པ་པོ་དང་། ལེན་པ་དང་། ལེན་པ་པོ་མི་དམིགས་པ་སྟེ། དེ་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །
D124.054.0264a05.01སངས་རྒྱས་ཀྱི་ཞིང་བརྗོད་དུ་མེད་པ་བདག་གིས་ཡོངས་སུ་སྦྱང་ངོ་སྙམ་པ་ནི་ལུས་དང་སེམས་ཡང་དག་པར་བཟུང་བ་ཡིན་ཏེ། འདི་ལྟར་སངས་རྒྱས་ཀྱི་ཞིང་བརྗོད་དུ་མེད་པ་ཡོངས་སུ་དག་པར་བྱའོ་སྙམ་པ་ནི་ལུས་དང་སེམས་ཡང་དག་པར་བཟུང་བ་ཡིན་ནོ། །འདི་ལྟར་བདག་གིས་བརྗོད་དུ་མེད་
D124.054.0264a06.01པའི་སེམས་ཅན་རྣམས་ཡོངས་སུ་སྨིན་པར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་བདག་གིས་དེ་བཞིན་གཤེགས་པའི་སྟོབས་རྣམས་ཡོངས་སུ་རྫོགས་པར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་བདག་
D124.054.0264a07.01