完整藏文原文 · 德格版页 当前仅加载第 54 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་རོལ་ཏུ་ཕྱིན་པ་ཤིན་ཏུ་བསྔགས་སོ། །དེ་བཞིན་གཤེགས་པ་བཟང་པོའི་ལྷ་དེས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པའི་གཏམ་གྱིས་དེ་ཡང་དག་པར་དགའ་བར་བྱས། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་
D124.054.0234a01.01དག་པར་རབ་ཏུ་མགུ་བར་བྱས་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བའི་ཤུགས་འདི་ལྟ་བུ་རྙེད་དེ། དེ་ལྟ་བུའི་དགེ་བའི་ཤུགས་ཀྱིས་ནམ་མཁའ་ལ་ཏ་ལ་བདུན་སྲིད་དུ་འཕགས་ཏེ་འདུག་གོ། །འཇམ་དཔལ་དེ་ནས་དགེ་སློང་མོས་པའི་བློ་གྲོས་བར་སྣང་ལ་
D124.054.0234a02.01འདུག་ནས་འདི་འདྲ་བའི་ཡེ་ཤེས་རྙེད་དེ། གང་གིས་ཕྱོགས་བཅུའི་འཇིག་རྟེན་ན་འཇིག་རྟེན་གྱི་ཁམས་དཔག་ཏུ་མེད་པ་རྣམས་སུ་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་སྔོན་གྱི་སྤྱོད་པ་ཤེས། སངས་རྒྱས་ཀྱི་ཞིང་ཐམས་ཅད་ན་སེམས་ཅན་ཐམས་ཅད་ཀྱི་དབང་པོ་
D124.054.0234a03.01མཆོག་དང་མཆོག་མ་ཡིན་པ་ཤེས། སེམས་ཅན་དེ་དག་ཐམས་ཅད་ཀྱི་སེམས་དང་སྤྱོད་པ་ཤེས་སོ། །དེས་ཡེ་ཤེས་དེ་རྙེད་ནས་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་ཐེ་ཚོམ་མེད་ཅིང་སངས་རྒྱས་བཅོམ་ལྡན་འདས་དེ་དག་གི་སྔོན་གྱི་སྤྱོད་པ་ལའང་ཐེ་ཚོམ་མེད་དེ། དེ་བཞིན་
D124.054.0234a04.01གཤེགས་པ་བཟང་པོའི་ལྷ་དེ་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཚིགས་སུ་བཅད་པ་རྣམས་ཀྱིས་མངོན་པར་བསྟོད་དོ། །སྟོབས་བཅུ་སྟོབས་འཆང་སྟོབས་རབ་སྟོབས་ལྡན་པ། །ནོར་མང་བགེད་ཅིང་སྲས་རྣམས་ནོར་ལྡན་མཛད། །བདེ་གཤེགས་ཁྱོད་ཀྱི་སྲས་རྣམས་
D124.054.0234a05.01ནོར་མང་རྙེད། །འགྲོ་འདི་ཤིན་དུ་སྡུག་བསྔལ་ནོར་ལྡན་མཛད། །བདེ་གཤེགས་ཁྱོད་ཀྱི་ནོར་རྣམས་གཏོར་ཅིང་གོས། །རྒྱལ་བ་ཁྱོད་ཀྱི་སྲས་མཆོག་ནོར་རྙེད་ནས། །དགའ་ཞིང་འགྲོ་ལ་སྨན་པའི་སྤྱོད་མཆོག་སྤྱོད། །རྒྱལ་མཆོག་རྒྱལ་བ་དག་དང་འདྲ་བར་འགྱུར། །ཐུབ་མཆོག་
D124.054.0234a06.01ཁྱོད་སྲས་ཡོན་ཏན་བརྒྱས་ལྡན་པ། །སྤྱོད་པའི་ངེས་པ་མཆོག་འདི་རྣམ་སྤྱོད་ལ། །སྐྱེ་བར་ནུབ་ཅིང་རྒ་ཤིས་གཙེས་པ་དང་། །འགྲོ་བ་སྡུག་བསྔལ་བརྒྱ་ལྡན་གཟིར་བ་རྣམས། །སྡུག་བསྔལ་བདག་མེད་སྟོང་པར་རྟོགས་པས་ན། །ཤི་འཕོས་འགྲོར་མཆིས་འཁོར་བའི་
D124.054.0234a07.01