完整藏文原文 · 德格版页 当前仅加载第 54 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་བཀུར་བྱས་ཏེ། དེའི་དགེ་བའི་རྩ་བ་བསགས་པས་ང་སངས་རྒྱས་ཀྱི་ཞིང་རྒྱ་ཆེར་ཡོངས་སུ་དག་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །
D124.054.0290b01.01བརྗོད་ཀྱིས་མི་ལང་འཁོར་བ་ན། །བསམ་གྱིས་མི་ཁྱབ་འདས་པའི་དུས། །སངས་རྒྱས་ཞིང་གི་རྒྱ་བསྐྱེད་ཕྱིར། །དེ་ན་ང་ཡིས་བརྩོན་འགྲུས་བརྩམས། །བརྩོན་འགྲུས་མཐའ་ཡས་ཞེས་བྱ་བ། །གང་ཟག་མཚུངས་པ་མེད་པ་བྱུང་། །སེམས་ཅན་བྱེ་བ་རྣམ་པར་འདུལ། །ལྷར་
D124.054.0290b02.01བཅས་འཇིག་རྟེན་རྣམས་ལ་སྟོན། །སངས་རྒྱས་ཆོས་ལ་དབང་བྱེད་ཅིང་། །སྟོབས་རྣམས་ཀྱི་ཡང་ཕ་རོལ་ཕྱིན། །མི་འཇིགས་པ་ལ་ཤིན་ཏུ་གནས། །སོ་སོ་ཡང་དག་རིག་ལ་མཁས། །གནས་དང་གནས་མིན་དབང་ཡང་ཐོབ། །ལས་དང་ཡེ་ཤེས་རྟོགས་པར་རིག །
D124.054.0290b03.01ལས་རྣམས་ཡང་དག་འཛིན་པ་དང་། །རྣམ་པར་སྨིན་ལ་ཐེ་ཚོམ་མེད། །ཁམས་རྣམས་དུ་མར་ཤེས་པ་དང་། །རྣམ་པར་འདྲེན་པ་ཤིན་ཏུ་ལྡན། །སེམས་ཅན་རྣམས་ཀྱི་དད་པ་རྣམས། །མ་ལུས་ཡང་དག་རབ་ཏུ་མཁྱེན། །སེམས་ཅན་རྣམས་ཀྱི་དབང་པོ་
D124.054.0290b04.01ཡི། །རིམ་པ་བཞིན་དུ་ཡང་དག་མཁྱེན། །དབང་པོ་མཆོག་དང་ཐ་མ་རྣམས། །མ་ལུས་པར་ཡང་རབ་ཏུ་མཁྱེན། །བསམ་གཏན་ཡེ་ཤེས་རྣམ་ཐར་དང་། །ཏིང་ངེ་འཛིན་གྱི་ཕ་རོལ་ཕྱིན། །སྙོམས་པར་འཇུག་དང་ཚད་མེད་ལ། །རྐང་གཉིས་དམ་པ་ཤིན་
D124.054.0290b05.01ཏུ་བསླབས། །སངས་རྒྱས་རྣམས་ཀྱི་ཏིང་ངེ་འཛིན། །དེས་ནི་མི་མཁྱེན་གང་ཡང་མེད། །ཐམས་ཅད་མཁྱེན་ཅིང་ཐམས་ཅད་གཟིགས། །གཟིགས་པ་ལ་ཡང་སྒྲིབ་པ་མེད། །དེ་བཞིན་གཤེགས་པ་དེ་ལ་ངས། །སངས་རྒྱས་ཞིང་གི་རྒྱ་དྲིས་ཏེ། །སངས་
D124.054.0290b06.01རྒྱས་ཞིང་གི་རྒྱ་ཆེ་བ། །བསྐལ་པ་ཆེན་པོ་བདག་ལ་གསུངས། །ཀུན་ནས་ཉོན་མོངས་རྣམ་པར་བྱང་། །མ་ལུས་ཡང་དག་རབ་ཏུ་མཁྱེན། །གང་རྣམས་ཁྱོད་ཀྱིས་མི་མཁྱེན་པ། །དེ་འདྲའི་ཆོས་ནི་ཡོང་མ་མཆིས། །སངས་རྒྱས་ཞིང་གི་སྐྱོན་རྣམས་དང་། །
D124.054.0290b07.01