完整藏文原文 · 德格版页 当前仅加载第 54 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་མཁྱེན། །གང་དང་གང་གི་ལས་ཀྱིས་སུ། །སྐྱེ་བ་རྣམས་སུ་འགྲོ་བར་འགྱུར། །རྣམ་སྨིན་ཅི་འདྲ་འཐོབ་པ་ཡང་། །དེ་དག་མགོན་པོས་རབ་ཏུ་མཁྱེན། །གང་དུ་གནས་པ་དེ་དག་གི། །རྒྱུན་དུ་མཆི་བར་ངེས་པ་ཡང་། །དེ་ཡང་ཁྱོད་ཀྱིས་མ་ལུས་མཁྱེན། །དེ་
D124.054.0291b01.01སླད་ཡིད་གཉིས་མི་མངའ་ཁྱོད། །གང་གི་ལུས་ཀྱིས་སེམས་གང་སྐྱེས། །དེ་ཡང་ཁྱོད་ཀྱིས་རྣམ་པར་མཁྱེན། །སེམས་དེའི་རྒྱུ་ནི་གང་ལགས་པ། །དེ་ཡང་འདྲེན་པས་ཤིན་ཏུ་མཁྱེན། །སྔོན་ཆད་གནས་པ་མཁྱེན་པ་ནི། །ཁྱོད་དང་འདྲ་བ་ཡོང་མ་མཆིས། །སངས་རྒྱས་
D124.054.0291b02.01བྱེ་བ་སྟོང་རྣམས་དང་། །འདྲེན་པ་ཁྱོད་ནི་དེ་དང་འདྲ། །སྲོག་ཆགས་སོ་སོའི་དགེ་བ་རྣམས། །རྗེས་སུ་དྲན་པས་རབ་ཏུ་མཁྱེན། །དེ་སླད་སངས་རྒྱས་ཆོས་རྣམས་ལ། །འདྲེན་པའི་ཡེ་ཤེས་ཐོགས་མི་མངའ། །གང་དང་གང་གིས་ལུས་ཀྱིས་སུ། །ཇི་ལྟ་བུ་ཡི་རྒྱུད་དུ་
D124.054.0291b03.01མཆི། །དེ་ཡང་ཐམས་ཅད་མཁྱེན་པས་མཁྱེན། །དེ་སླད་རྒྱལ་བས་ལྷག་མ་མཆིས། །འདྲེན་པ་ཆོས་རྣམས་ཐམས་ཅད་ལ། །ཁྱོད་ནི་ཐེ་ཚོམ་ཡོང་མི་མངའ། །སེམས་ཅན་ཀུན་གྱི་སྤྱོད་ཡུལ་ཡང་། །སངས་རྒྱས་སྤྱན་གྱིས་རབ་ཏུ་གཟིགས། །སྐྱེ་བ་དང་ནི་འཆི་
D124.054.0291b04.01འཕོ་མཁྱེན། །ཁྱོད་འདྲ་བ་ནི་ཡོང་མི་གདའ། །ལྷར་བཅས་འཇིག་རྟེན་ཐམས་ཅད་ན། །ཐུབ་པ་ཁྱོད་ལས་ལྷག་མ་མཆིས། །ཟག་པ་ཟད་པའང་རབ་ཏུ་མཁྱེན། །མ་ལུས་པ་ཡང་རྟོགས་པར་གྱུར། །ཉོན་མོངས་ཐམས་ཅད་ཡོངས་སུ་སྤངས། །ཁྱོད་ཀྱིས་བག་ཆགས་
D124.054.0291b05.01ཀུན་ཀྱང་བཅོམ། །སེམས་ཅན་ཀུན་གྱི་ཉོན་མོངས་དང་། །སྤྱོད་པ་རྣམས་ཀྱང་འདྲེན་པས་མཁྱེན། །གང་ལ་ཉོན་མོངས་སྤྱོད་ཡུལ་དང་། །ཉོན་མོངས་འདི་དག་གར་འབྱུང་མཁྱེན། །ཉོན་མོངས་དག་ལ་སྤྱད་པས་ན། །བག་ཆགས་རྗེས་སུ་འཇུག་པ་རྣམས། །དེ་
D124.054.0291b06.01དག་ཀུན་ཀྱང་ཁྱེད་མཁྱེན་ཏེ། །དེ་ལས་ཁྱོད་ནི་ཕ་རོལ་ཕྱིན། །བདག་དང་ཕ་རོལ་རྣམས་ཀྱི་ཡང་། །ཉོན་མོངས་གང་གིས་སྤོང་བ་ཡི། །ལམ་དེ་རྣམས་ཀྱང་རབ་ཏུ་མཁྱེན། །དེ་སླད་ཁྱོད་ནི་ལམ་ལ་མཁས། །འཇིག་རྟེན་ཀུན་མགོན་རྣམ་འདྲེན་པ། །མཐའ་ཡས་
D124.054.0291b07.01