完整藏文原文 · 德格版页 当前仅加载第 54 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པ་ལ་བརྩོན་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་མཁས་པ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་ས་ཞི་བར་ངེས་པར་འབྱུང་བར་འགྱུར་རོ། །དེ་བྱང་ཆུབ་སེམས་དཔའི་ས་ཞི་བ་ལ་བསྙེན་ཅིང་
D124.054.0254a01.01གོམས་པར་བྱས། མང་དུ་བྱས་པས་གང་ལ་དམིགས་པར་བྱེད་པ་དེ་ཐམས་ཅད་སངས་རྒྱས་ཀྱི་སྐུར་ཤེས་སོ། །འཇམ་དཔལ་འདི་ལྟ་སྟེ་དཔེར་ན་སྨན་གསེར་འོད་ཀྱིས་མིག་བསྐུས་པའི་མིས་གཟུགས་ཅི་མཐོང་བ་དེ་ཐམས་ཅད་གསེར་གྱི་ཁ་དོག་ཏུ་མཐོང་སྟེ། ཁ་དོག་གཞན་དུ་མ་ཡིན་
D124.054.0254a02.01པ་དེ་བཞིན་དུ་འཇམ་དཔལ་བྱང་ཆུབ་སེམས་དཔའ་ཏིང་ངེ་འཛིན་ཞི་བ་ལ་བསྙེན་ཅིང་བསྒོམས་ཏེ་མང་དུ་བྱས་པས་བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་པ་གང་ལ་དམིགས་པར་བྱེད་པ་དང་། ཐམས་ཅད་ཀྱང་སངས་རྒྱས་ཀྱི་སྐུར་མཐོང་ངོ་། །འཇམ་དཔལ་འདི་ལྟ་
D124.054.0254a03.01སྟེ་དཔེར་ན་ཡོངས་སུ་དག་པའི་ནོར་བུ་རིན་པོ་ཆེ་སྣོད་གང་དུ་བཞག་པའི་སྣོད་དེ་ཐམས་ཅད་དེའི་ཁ་དོག་ཏུ་གནས་པ་དེ་བཞིན་དུ། འཇམ་དཔལ་བྱང་ཆུབ་སེམས་དཔའི་ཏིང་ངེ་འཛིན་ཞི་བ་ལ་བསྙེན་ཅིང་བསྒོམས་ཏེ་མང་དུ་བྱས་པས་བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་
D124.054.0254a04.01པ་གང་དང་སེམས་ཕྲད་པ་དེ་ཐམས་ཅད་སངས་རྒྱས་ཀྱི་སྐུར་མཐོང་ངོ་། །འཇམ་དཔལ་འདི་ལྟ་སྟེ། དཔེར་ན་སྐྱེས་བུ་གང་དང་གང་ལ་མང་དུ་རྟོགས་པ་རྨི་ལམ་ན་ཡང་དེ་དག་ཤེས་པ་དེ་བཞིན་དུ། འཇམ་དཔལ་བྱང་ཆུབ་སེམས་དཔའི་ཏིང་ངེ་འཛིན་ཞི་བ་ལ་བསྙེན་ཅིང་བསྒོམས་ཏེ་
D124.054.0254a05.01མང་དུ་བྱས་པས་ཆོས་གང་མངོན་དུ་གྱུར་པ་དེ་དག་སངས་རྒྱས་ཀྱི་སྐུར་མཐོང་ངོ་། །འཇམ་དཔལ་འདི་ལྟ་སྟེ། དཔེར་ན་སྐྱེས་བུ་བཟོ་ཅི་དང་ཅི་ལ་སློབ་པ་དེ་དང་དེ་ཚར་ཕྱིན་པར་འགྱུར་བ་དེ་བཞིན་དུ། འཇམ་དཔལ་བྱང་ཆུབ་སེམས་དཔའི་ཏིང་ངེ་འཛིན་ཞི་བ་ལ་སློབ་པའི་བྱང་ཆུབ་
D124.054.0254a06.01སེམས་དཔའ་སེམས་དཔའ་ཆེན་པོ་སངས་རྒྱས་མཐོང་བར་གནས་པར་འགྱུར་རོ། །དེ་སྦྱིན་པ་སྦྱིན་པ་ན་སྦྱིན་གནས་ཐམས་ཅད་སངས་རྒྱས་ཀྱི་སྐུར་བྱིན་གྱིས་རློབ་སྟེ། དེའི་སྦྱིན་པ་དེ་ཡང་དེ་བཞིན་གཤེགས་པ་ལ་ཕུལ་བར་འགྱུར་རོ། །དེས་སྦྱིན་པ་དེ་ཡང་དེ་བཞིན་
D124.054.0254a07.01