完整藏文原文 · 德格版页 当前仅加载第 54 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པའི་བར་དུ་ཡང་འདི་ལྟར་འདུ་ཤེས་ཙམ་སྟེ། འདུ་ཤེས་ཙམ་ལས་གཟུགས་ནས་རྣམ་པར་ཤེས་པའི་བར་དུ་གཞན་མ་ཡིན་ནོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་བརྡ་ཙམ་སྟེ། བརྡ་ཙམ་ལས་ནམ་མཁའ་ལ་བྲིས་པ་
D124.054.0280a01.01གཞན་མ་ཡིན་པ་དེ་བཞིན་དུ་གཟུགས་ནས་རྣམ་པར་ཤེས་པའི་བར་དུ་ཡང་འདི་ལྟར་བརྡ་ཙམ་སྟེ། བརྡ་ཙམ་ལས་གཟུགས་ནས་རྣམ་པར་ཤེས་པའི་བར་དུ་གཞན་མ་ཡིན་ནོ། །ཉི་མས་བྱིན་འདི་ལྟ་སྟེ། དཔེར་ན་ཚིག་གང་གིས་ནམ་མཁའ་ལ་བྲིས་པར་བརྗོད་པའི་ཚིག་ནི་
D124.054.0280a02.01དོན་དམ་པར་མི་དམིགས་པ་དེ་བཞིན་དུ་འདི་ལྟ་སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཞེས་བྱ་བའི་ཆོས་དེ་དག་ཀྱང་འདས་པའི་དེ་བཞིན་གཤེགས་པ་རྣམས་ཀྱིས་ཀྱང་མ་དམིགས། མ་བྱོན་པ་དང་། ད་ལྟར་གྱི་དེ་བཞིན་
D124.054.0280a03.01གཤེགས་པ་རྣམས་ཀྱིས་ཀྱང་མ་དམིགས་སོ། །ཉི་མས་བྱིན་ཡེ་ཤེས་དེ་རྟོགས་པར་བྱ་བའི་ཕྱིར་སངས་རྒྱས་བཅོམ་ལྡན་འདས་རྣམས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྡུག་ཅིང་ཕངས་པའི་དངོས་པོ་ཐམས་ཅད་ཡོངས་སུ་བཏང་ཡང་ཞུམ་པར་མི་འགྱུར་ཏེ། གང་ཡེ་ཤེས་
D124.054.0280a04.01འདི་ལ་གནས་པ་དེ་དག་ནི་འཇིག་རྟེན་དུ་རྟོགས་པར་མི་བལྟའོ། །གང་ཡེ་ཤེས་འདི་ལ་གནས་པ་དེ་དག་ནི་འཇིག་རྟེན་གྱི་གྲངས་སུ་མི་འགྲོའོ། །གང་ཡེ་ཤེས་འདི་ལ་གནས་པ་དེ་དག་ནི་གདགས་པར་བྱ་བ་མ་ཡིན་ནོ། །གང་ཡེ་ཤེས་འདི་ལ་གནས་པ་དེ་དག་ནི་བྱང་ཆུབ་མངོན་པར་
D124.054.0280a05.01རྫོགས་པར་སངས་རྒྱས་སོ། །གང་ཡེ་ཤེས་འདི་ལ་གནས་པ་དེ་དག་ནི་འཁོར་བ་ལས་བསྐྱོད་པ་མ་ཡིན་ནོ། །གང་ཡེ་ཤེས་འདི་ལ་གནས་པ་དེ་དག་ནི་འཁོར་བའི་ཆོས་ཅན་ཡང་མ་ཡིན་ནོ། །མྱ་ངན་ལས་འདས་པའི་ཆོས་ཅན་ཡང་མ་ཡིན་ནོ། །གང་ཡེ་ཤེས་འདི་ལ་གནས་པ་
D124.054.0280a06.01དེ་དག་ནི་ཀུན་ནས་ཉོན་མོངས་པའི་ཆོས་ཅན་མ་ཡིན། རྣམ་པར་བྱང་བའི་ཆོས་ཅན་མ་ཡིན་ནོ། །གང་ཡེ་ཤེས་འདི་ལ་གནས་པ་དེ་དག་ནི་ཞི་བར་སྤྱོད་པ་ཡང་མ་ཡིན། མ་ཞི་བར་སྤྱོད་པ་ཡང་མ་ཡིན་ནོ། །དེ་ནས་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་གྱིས་
D124.054.0280a07.01