完整藏文原文 · 德格版页 当前仅加载第 93 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དུས་ཀྱི་སེམས་ཅན་ཐམས་ཅད་ལ་ཕན་པ་དང་། བདེ་བ་ཆེན་པོ་བྱ་བའི་ཕྱིར། སྙིང་ལྟ་བུའི་གསང་སྔགས་འདི་ཟུང་ཤིག །ཅེས་བཀའ་སྩལ་ཏོ། །བདག་ནི་དེའི་ཚེ་ཐོག་མ་ཉིད་དུ་ས་དང་པོ་ལ་གནས་པར་གྱུར་ཏོ། །འདི་ལྟར་བདག་གིས་གསང་སྔགས་འདི་ལན་ཅིག་ཐོས་
D690.093.0068a01.01པས་དེ་ཉིད་ན་གནས་བཞིན་དུ་ས་བརྒྱད་པ་ངེས་པར་རྟོགས་པར་གྱུར་ཏོ། །བདག་གིས་དེའི་ཚེ་སྙིང་ལ་བབ་པ་དང་། དགའ་བ་དང་། ཡིད་བདེ་བ་ཐོབ་ནས། དེ་ཉིད་དུ་བདག་གིས་སྨོན་ལམ་འདི་སྐད་བཏབ་སྟེ། འདི་ལྟར་བདག་མ་འོངས་པའི་དུས་ན། སེམས་ཅན་ཐམས་ཅད་ལ་ཕན་པ་དང་།
D690.093.0068a02.01བདེ་བ་དང་། ཞི་བར་བགྱིད་ནུས་པར་འགྱུར་ཞེ་ན། ད་ངེས་པར་བདག་གི་ལུས་ལ་ལག་པ་སྟོང་དང་། མིག་སྟོང་ཡོངས་སུ་རྫོགས་པར་གྱུར་ཅིག་ཅེས་བགྱིས་པ་དང་། སྨོན་ལམ་དེ་སྐད་བཏབ་མ་ཐག་ཏུ་དེ་ཉིད་ན་མཆིས་བཞིན་དུ། ལག་སྟོང་དང་། མིག་སྟོང་ཡོངས་སུ་རྫོགས་པར་
D690.093.0068a03.01གྱུར་ཏོ། །ཕྱོགས་བཅུ་དག་ཏུ་ས་ཆེན་པོ་ཡང་རྣམ་པ་དྲུག་ཏུ་གཡོས་སོ་ཕྱོགས་བཅུ་ནས་སངས་རྒྱས་བཅོམ་ལྡན་འདས་ཐམས་ཅད་ཀྱིས་འོད་ཟེར་སྟོང་སྟོང་བདག་གི་སྟེང་དུ་བཀྱེ་ནས། ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པ་སྣང་བར་གྱུར་ཏོ། །དེ་སླན་ཆད་སངས་རྒྱས་བཅོམ་
D690.093.0068a04.01ལྡན་འདས་དུ་མའི་འཁོར་གྱི་དཀྱིལ་འཁོར་རྣམས་སུ་ཡང་དང་ཡང་དུ་རྙེད་ཅིང་ཐོས་ཏེ། དེ་དག་གི་སྤྱན་སྔར་གཟུངས་སྔགས་འདི་བཟུང་ངོ་། །ཡང་དགའ་བ་དང་མགུ་བ་དུ་མ་སྐྱེས་པར་གྱུར་ཏོ། །བདག་གིས་བསྐལ་པ་དུ་མར་སྐྱེ་བ་དང་། འཆི་བ་ངེས་པར་རྟོགས་པ་ཕྲ་མོ་ཐོབ་པར་གྱུར་ཏེ།
D690.093.0068a05.01དེ་སླན་ཆད་རྟག་ཏུ་བརྗོད་ཅིང་བཟུང་སྟེ། བསྐྱུད་པར་མ་གྱུར་ཏོ། །གཟུངས་སྔགས་འདི་གཟུང་བའི་དོན་དུ་བདག་གང་དང་གང་དུ་སྐྱེས་པར་རྟག་ཏུ་སངས་རྒྱས་བཅོམ་ལྡན་འདས་རྣམས་ཀྱི་སྤྱན་སྔར་པདྨ་ལས་རྫུས་ཏེ་སྐྱེས་ནས། མའི་མངལ་དུ་སྐྱེ་བ་གཟུང་བར་མ་གྱུར་ཏོ། །དགེ་སློང་ངམ།
D690.093.0068a06.01དགེ་སློང་མའམ། དགེ་བསྙེན་ནམ། དགེ་བསྙེན་མའམ། ཁྱེའུ་འམ། བུ་མོ་གང་ལ་ལ་ཞིག་བརྗོད་ཅིང་འཛིན་པར་འཚལ་བ་དེས། སེམས་ཅན་ཐམས་ཅད་ལ་བྱམས་པའི་བསམ་པ་དང་། སྙིང་རྗེའི་བསམ་པའི་སེམས་བསྐྱེད་པར་བགྱིའོ། །ཐོག་མར་བདག་བརྗོད་པའི་
D690.093.0068a07.01