完整藏文原文 · 德格版页 当前仅加载第 93 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ན་མོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏདྱ་ཐཱ་སརྦ་དུཥྚ་ཨོྃ་ཧ་ཡ་མེ་སྭཱ་ཧཱ། ཡང་འགྲེང་སྟེ་རྟིང་པ་ཕྲད་པར་བགྱིས་ལ། ལག་པ་གཡོན་པ་མི་འཇིགས་པ་སྦྱིན་པར་བགྱིས་ཏེ། ལག་པ་གཡས་པ་ཡང་དེ་བཞིན་དུ་བགྱིས་ལ། ལག་མཐིལ་བདག་ལོགས་སུ་བསྟན་པར་བགྱིའོ། །འདི་
D690.093.0086b01.01ནི་ཏིང་ངེ་འཛིན་རབ་ཏུ་རྟོགས་པར་འགྱུར་བའི་ཕྱག་རྒྱ་སྟེ་དྲུག་པའོ། །འདིས་ཏིང་ངེ་འཛིན་ཐམས་ཅད་དང་། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་དང་། སངས་རྒྱས་ཀྱི་བྱང་ཆུབ་རབ་ཏུ་རྟོགས་པར་འགྱུར་རོ། །ཕྱག་རྒྱ་འདིས་ནི་ཐམས་ཅད་ཀྱང་འཐོབ་བོ། །གཟུངས་ཀྱི་རྩ་བའི་
D690.093.0086b02.01གསང་སྔགས་སྔ་མ། ན་མཿསརྦ་ཛྙཱ་ཞེས་བགྱི་བ་ལགས་སོ། །ཡང་འགྲེང་ལ་རྐང་པ་ཉེ་བར་གཞིབས་ཏེ། ལག་པ་གཡོན་པའི་སྲིན་ལག་གིས་མཐེ་བོའི་སེན་མོ་མནན་ཏོ། །གཡས་པ་ཡང་དེ་བཞིན་ཏེ་མཐེའུ་ཆུང་དང་། གུང་མོ་རྣམས་རྩེ་མོ་སྤྲད་ལ། ལག་རྟིང་དྲང་པོར་བསྲང་སྟེ། དགུག་
D690.093.0086b03.01པ་ནི་མཛུབ་མོ་གཉིས་དགུག་གོ། །སླར་བཏང་ན་ནི་བརྐྱང་ངོ་། །དེ་ལྟར་མཆིས་ལ་སྔགས་བརྗོད་པར་བགྱིའོ། །ལག་པ་གཡས་པའི་མཛུབ་མོ་གཉིས་ནི་དགུག་གོ། །གཡོན་པའི་མཛུབ་མོ་གཉིས་ནི་སླར་གཏང་ངོ་། །མགོའི་ཐོན་འཁོར་གཡས་ནས་བསྐོར་བར་བགྱི་སྟེ་བོད་པའོ། །
D690.093.0086b04.01གཡོན་པས་ནི་བསལ་བ་ལྟར་བགྱིས་ཏེ་སླར་བཏང་ངོ་། །ཕྱག་རྒྱ་འདིས་ནི་ལྷ་དང་ཀླུ་ལ་སོགས་པ་འཁོར་བརྒྱད་བསྡུ་བའི་སླད་དུ་དགུག་པའི་ཕྱག་རྒྱ་སྟེ་བདུན་པའོ། །གསང་སྔགས་ནི་འདི་ལགས་ཏེ། ཨོཾ་སརྦ་དེ་བ་ནཱ་ག་ཨ་ན་ལེ་སྭཱ་ཧཱ། ཕྱག་རྒྱ་སྔ་མ་ལ་རྩེ་མོ་བསྐྱེད་དེ། ལག་རྟིང་
D690.093.0086b05.01གཉིས་སྦྱར་བ་ལས་ཡུད་ཙམ་བཟུང་མཛུབ་མོས་གཡབ་སྟེ་སྔ་མ་བཞིན་ནོ། །འདི་ནི་བརྒྱ་བྱིན་དང་། ཚངས་པ་ཆོས་མཉན་པའི་སླད་དུ་དགུག་པའི་ཕྱག་རྒྱ་སྟེ་བརྒྱད་པའོ། །གསང་སྔགས་ནི་འདི་ལགས་ཏེ། ཨོཾ་མ་ཧཱ་པྲཧྨ་ཡེ། ཨེ་ཧྱེ་ཧི་སྭཱ་ཧཱ། ཕྱག་རྒྱ་འདི་དང་། གསང་སྔགས་འདི་ནི་
D690.093.0086b06.01གཟུངས་སྔགས་དང་། ཕྱག་རྒྱ་དང་། ཆོས་ཀྱི་སྒོ་དུ་མ་གཟུང་བའི་སླད་དུ་བསྡུ་བའོ། །ཉི་མ་སྤྱང་ཀིས་ཟིན་པ་དང་། ཟླ་བ་སྤྱང་ཀིས་ཟིན་པའི་ཚེ། བ་མར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། ཕྱག་རྒྱ་འདིས་ཕྱག་རྒྱས་བཏབ་ལ་འཐུངས་ན་དབང་པོ་རྣོ་བར་འགྱུར་རོ། །ཉིན་གཅིག་
D690.093.0086b07.01