完整藏文原文 · 德格版页 当前仅加载第 93 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་དང་། སྙོམས་པར་འཇུག་པ་ཐོབ་པར་འགྱུར་རོ། །འདི་ནི་ཕྱག་རྒྱ་གསུམ་པའོ། །སྔོན་དེ་བཞིན་གཤེགས་པ་རྣམས་ཀྱིས་ཀྱང་མཐུན་པར་བསྒོམས་ཏེ། དེའི་ཚེ་བསམ་གཏན་རྣམས་དང་། སྙོམས་པར་འཇུག་པ་རྣམས་དང་། རྣམ་པར་གྲོལ་བ་
D690.093.0086a01.01བརྙེས་སོ། །ཡང་འདི་ནི་གཞན་ཏེ་འགྲེང་ལ་རྐང་པ་གཉིས་མཉམ་པར་གཞིབ་བོ། །ལག་པའི་གུང་མོ་དང་། སྲིན་ལག་དང་། མཐེའུ་ཆུང་རྒྱབ་སྦྱར་ཏེ། སེན་མོ་ཕྲད་པར་བགྱི། མཛུབ་མོ་གཉིས་བརྐྱང་སྟེ་རྩེ་མོ་ཕྲད་པར་བགྱི། མཐེ་བོ་གཉིས་མཛུབ་མོའི་ཚིགས་གཉིས་པ་
D690.093.0086a02.01ལ་རེག་པར་བགྱི། ལག་མཐིལ་ནང་ནས་སོར་བཅུ་ཙམ་གྱིས་བསྐྱེད་ལ་སྨིན་མཚམས་སུ་གཟུགས་སོ། །འདི་ནི་མིག་སྟོང་གི་ཕྱག་རྒྱ་སྟེ་བཞི་པའོ། །གལ་ཏེ་ཕྱག་རྒྱ་འདི་བཅིངས་ལ་གཟུངས་སྔགས་བརྗོད་ན། སྐད་ཅིག་དེ་ཉིད་ལ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཡོངས་
D690.093.0086a03.01སུ་དག་པ། དཀྲིགས་པ་བྱེ་བ་ཕྲག་སྟོང་མཐོང་བར་འགྱུར་རོ། །གང་དག་རིག་སྔགས་འཆང་དེ་དང་ལྷན་ཅིག་སྤྱོད་ཅིང་གྲོགས་སུ་གྱུར་པ་ནི་ཞིང་རེ་རེ་ན་ཡང་བྱང་ཆུབ་སེམས་དཔའ་དཀྲིགས་པ་བྱེ་བ་ཕྲག་འབུམ་དང་། བཞི་སྟོང་ཉི་ཤུ་མཆིས་སོ། །གང་དཀྱིལ་འཁོར་དུ་མ་
D690.093.0086a04.01ཞུགས་པ་དེས་ནི་བལྟ་བར་མི་རིགས་ཏེ། ཕྱག་རྒྱ་དེའི་ཆོས་ཉིད་དོ། །སུ་ལ་རིགས་ཞེ་ན་གང་དཀྱིལ་འཁོར་དུ་ཞུགས་པ་དེ་ཉིད་ལའོ། །འདི་ལྟར་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་སྦྱིན་པ་ཡེ་ཤེས་ཀྱིས་རྟོགས་པར་འཚལ་བ་ཐམས་ཅད་ཡོངས་སུ་རྫོགས་པར་འགྱུར་
D690.093.0086a05.01རོ། །གཟུངས་སྔགས་ནི་འདི་ལགས་ཏེ། ཏདྱ་ཐཱ། ཨོཾ་བྷུ་སརྦ་ཙཀྵུཿཀཱ་རཱ་ཡ་དྷཱ་ར་ཎཱི་ན་དྲཱ་ཡ་སྭཱ་ཧཱ། ཡང་འགྲེང་ལ་རྐང་པ་མཉམ་པར་གཞིབས་ཏེ། ལག་པ་གཡས་པ་བཀན་ལ་སོར་མོ་ལྔ་གཞིབས་ཏེ་བརྐྱང་ལ། ལག་པ་གཡོན་པ་ཡང་དེ་བཞིན་དུ་བགྱིས་ཏེ་བཀན་
D690.093.0086a06.01ལ་ལག་པ་གཡས་པའི་རྒྱབ་ལ་སྦྱར་ཏེ་སྙིང་གར་བཞག་གོ། །འདི་ནི་ལག་པ་སྟོང་ཐམས་ཅད་བསྡུས་པའི་ཕྱག་རྒྱ་སྟེ་ལྔ་པའོ། །འདིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། བདུད་དང་དགྲ་མཆིས་པ་རྣམས་ཐུལ་ལོ། །གཟུངས་སྔགས་འདི་ལགས་ཏེ།
D690.093.0086a07.01