完整藏文原文 · 德格版页 当前仅加载第 93 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ལྐུགས་པར་བྱེད་དོ། །གལ་ཏེ་རི་ལ་གནས་པའམ། དགོན་པ་ན་གནས་པ་གང་ཞིག་ཁ་ཏོན་པ་ལ་དེ་ན་གནས་པ་སྡིག་པ་བྱེད་པ་དང་། བགེགས་བྱེད་པ་དང་། གནོད་པ་བྱེད་པའི་ལྷ་དང་། འབྱུང་པོ་སྣ་ཚོགས་གང་དག་སེམས་འཁྲུགས་པར་བྱེད་ན། སྙིང་པོ་འདི་ལན་
D690.093.0073a01.01ཅིག་བརྗོད་པས་དེ་དག་ཐམས་ཅད་བཅིངས་པར་འགྱུར་རོ། །གང་ལ་ལ་ཞིག་ཚུལ་འདི་བཞིན་དུ་གསང་སྔགས་འདི་བརྗོད་ཅིང་འཛིན་ན། སྲོག་ཆགས་ཐམས་ཅད་ལ་སྙིང་རྗེ་བསྐྱེད་པར་བྱའོ། །དེའི་ཚེ་ཁོ་བོས་ཀྱང་ལྷ་དང་། ཀླུའི་རྒྱལ་པོ་ཐམས་ཅད་དང་། གསང་བའི་བདག་པོ་
D690.093.0073a02.01ལག་ན་རྡོ་རྗེ་ལ་རྟག་ཏུ་དེའི་ཕྱི་བཞིན་འབྲངས་ལ་བསྲུང་བ་བགྱིས་ཏེ། ཕྲད་པར་གྱིས་ཤིག་ཅེས་བསྒོ་བར་བྱའོ། །མིག་གི་འབྲས་བུ་དང་། རང་གི་སྲོག་ཇི་ལྟ་བ་བཞིན་དུ་སྲུང་བར་འགྱུར་རོ། །ཚིགས་སུ་བཅད་པ་དག་ཀྱང་སྨྲས་པ། གང་ཞིག་དད་པས་སྙིང་པོ་འདི། །ཁ་ཡིས་རྟག་ཏུ་
D690.093.0073a03.01འཛིན་པ་ཡི། །སྒྲུབ་པ་པོ་ལ་དུས་ཀུན་ཏུ། །སོམས་ལ་སྲུང་བགྱིས་ཤིག་ཅེས། །ཁུང་བུ་མིག་དང་དེ་བཞིན་དུ། །སྟོབས་པོ་ཆེ་དང་ལུ་གུ་རྒྱུད། །ལྷ་ཡི་དམ་པ་ལྕགས་ཀྱུ་དང་། །ལག་ན་རྡོ་རྗེ་བསྒོ་བར་བྱ། །ཁོ་བོའི་སྙིང་པོ་མཆོག་འདི་ནི། །དད་པས་རྟག་ཏུ་འཛིན་པ་ཡི། །
D690.093.0073a04.01སྒྲུབ་པ་སྡིག་དང་བྲལ་བ་ལ། །ཁྱེད་ཅག་སྲུངས་ཤིག་སྐྱོངས་ཤིག་ཅེས། །དབང་ཕྱུག་ཆེ་དང་ཁྱབ་འཇུག་དང་། །ནོར་གྱི་བུ་དང་དྲག་པོ་དང་། །ཀུམ་བི་ར་དང་སེར་སྐྱ་དང་། །དེ་དག་རྣམས་ལ་ཁོ་བོ་བསྒོ། །གང་ཞིག་རྟག་ཏུ་དད་པ་ཡིས། །གསང་སྔགས་འདི་བརྗོད་འཛིན་བྱེད་པའི། །
D690.093.0073a05.01རིག་སྔགས་འཆང་ལ་མི་གཡེལ་བར། །སོམས་ཤིག་སྲུང་བ་གྱིས་ཤིག་ཅེས། །ལྔས་རྩེན་དང་ནི་བདེ་མཆོག་དང་། །ཙིན་ད་ལ་དང་སུ་མ་ལ། །བིང་ག་ལ་དང་གཤིན་རྗེ་ལ། །ཁོ་བོས་ལུང་གིས་བསྒོ་བར་བྱ། །གང་ཞིག་རྟག་ཏུ་དད་པ་ཡི། །ཁོ་བོའི་གསང་སྔགས་འདི་
D690.093.0073a06.01འཛིན་ཅིང་། །རྟག་བརྗོད་རིག་སྔགས་འཆང་བ་ལ། །བསམ་པ་གྱིས་ཤིག་སྲུང་བ་གྱིས། །སྒྲུབ་པ་པོ་ལ་སྲུངས་ཤིག་ཅེས། །བདེན་པ་པོ་དང་སོ་བརྩེགས་དང་། །མི་མཇེད་བདག་དང་ལྷ་མོ་དཔལ། །དེ་དག་ཀུན་ལ་ཁོ་བོས་བསྒོ། །གང་ཞིག་དད་པས་ཁོ་བོ་ཡི། །
D690.093.0073a07.01