完整藏文原文 · 德格版页 当前仅加载第 93 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕྱག་འཚལ་ནས་གཟུངས་སྔགས་འདི་བརྗོད་དོ། །ན་མོ་རཏྣ་རཤྨི་ཙནྡྲ་ཨ་ལཾ་ཀཱ་ར་མཱརྒ་ཏེ་ཛ་པུཎྱ་ཙཀྵུ་ར་པི་ཥ་ཡ་རཱ་ཛཱ་ཡ་ཏ་ཐཱ་ག་ཏཱ་ཡ། ཏདྱ་ཐཱ། རཏྣ་རཏྣ། ཏ་ཏ་ཤ་རཏྣ། རཏྣ་པྲ་ཏི་མ་ཏེ། རཏྣ་པྲ་བྷཱ་རཏྣ་ད་ཀ་ཏེ་སྭཱ་ཧཱ། བྱང་ཆུབ་སེམས་དཔའ་འཕགས་
D690.093.0090a01.01པ་སྤྱན་རས་གཟིགས་དབང་ཕྱུག་གིས་གཟུངས་སྔགས་འདི་བརྗོད་ནས། དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་ཐུག་གི་བར་དུ། རྣམ་པ་དྲུག་ཏུ་གཡོས་སོ། །རབ་ཏུ་གཡོས་སོ། །འོག་མིན་གྱི་ལྷའི་རིས་ན། དབང་
D690.093.0090a02.01ཕྱུག་ཆེན་པོ་ཡང་མི་བདེ་བར་གྱུར་ཏོ། །ལྷའི་གནས་དེར་འཇིགས་པ་ཆེན་པོ་ཡང་བྱུང་ངོ་། །ངན་སོང་དུ་གྱུར་པ་ཐམས་ཅད་ཀྱང་སྡུག་བསྔལ་ཆེན་པོ་རྙེད་དོ་ཞེས་སྒྲ་ཆེན་པོ་འབྱིན་ཅིང་། ཕར་འབྲོས་ཚུར་འབྲོས་ཏེ། གར་སོང་མི་ཤེས་སོ། །དེའི་ཚེ་སྤྲུལ་པས་ངན་སོང་དུ་གྱུར་པའི་
D690.093.0090a03.01འཁོར་ཆེན་པོ་ལ་འདི་སྐད་ཅེས་སྨྲས་སོ། །གལ་ཏེ་གསང་སྔགས་འདི་ལས་འདའ་ཞིང་འགྲས་པར་བྱེད་ན་མགོ་བོ་རྡུལ་ཕྲ་རབ་བཞིན་དུ་འགྱེས་སོ། །གསང་སྔགས་འདིའི་མཐུས་ནི་རི་འཐོར་རོ། །རྒྱ་མཚོ་ཆེན་པོ་སྐེམས་སོ། །ལྷ་མ་ཡིན་གྱི་དམག་ཕམ་པར་བགྱིད་དོ། །འབྱུང་
D690.093.0090a04.01པོ་རྣམས་ཚར་གཅོད་དོ། །སྡིག་པ་ཅན་གྱི་མི་རྣམས་ཀྱང་ཚར་གཅོད་དོ། །ནད་ཆེན་པོ་དག་ཀྱང་ཆད་པར་བགྱིད་དོ། །ཡུལ་བསྲུངས་པར་ཡང་འགྱུར་རོ། །སུམ་ཅུ་རྩ་གསུམ་གྱི་ལྷ་རྣམས་ཀྱང་ཕྱག་འཚལ་ལོ། །རིགས་ཀྱི་བུ་གང་ལ་ལ་ཞིག་གསང་སྔགས་འདི་བརྗོད་ཅིང་
D690.093.0090a05.01འཛིན་པ་དེའི་གཟི་བརྗིད་དང་། སྟོབས་ཡུན་ཐུང་དུས་བཤད་པར་མི་ནུས་སོ། །གཟུངས་སྔགས་འདི་འཆང་ཞིང་བརྗོད་པ་ནི་དཔའ་བར་འགྱུར་རོ། །ཕྱུག་པ་དང་། སྟོབས་དང་ལྡན་པ་དང་། དབང་དང་ལྡན་པར་འགྱུར་རོ། །ཇི་སྲིད་འཚོའི་བར་དུ་རྒྱལ་པོ་བྱམས་པར་འགྱུར་རོ། །ཅི་
D690.093.0090a06.01འཚལ་བ་ཐམས་ཅད་འགྲུབ་བོ། །སུ་ཞིག་བདུད་ཕམ་པར་བགྱིད་པར་འཚལ་བ་དེས་བདུག་པ་གཙང་མ་ལ་རྩ་བའི་གསང་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །སུ་ཞིག་འདི་སྙམ་དུ་བདག་ལ་སེམས་ཅན་ཐམས་ཅད་བྱམས་པར་འཚལ་བ་དེས། སོ་ཤིང་ལ་ལན་ཉི་
D690.093.0090a07.01