完整藏文原文 · 德格版页 当前仅加载第 93 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ས་ལྔ་པ་ནས། ཁ་ཅིག་ས་བཅུ་པའི་བར་དུ་ཐོབ་བོ། །གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་སེམས་ཅན་དེ་དག་ཀྱང་དཔག་ཏུ་མེད་དོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ། གོས་ལེགས་པར་བགོས་ནས། གུས་པའི་
D690.093.0072a01.01སེམས་ཀྱིས་ཐལ་མོ་སྦྱར་ཏེ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །ཀྱེ་ཀྱེ་ལས་མཛད་པ་ལེགས་སོ་ལེགས་སོ། །བདག་ཀྱང་འདས་པའི་དུས་ན། དེ་བཞིན་གཤེགས་པ་དཔག་ཏུ་མེད་པ་དག་གི་འཁོར་རྣམས་སུ་འདུས་པར་གྱུར་
D690.093.0072a02.01ཏེ། བདག་གིས་དེ་དག་ཏུ་ཆོས་ཀྱི་རྣམ་གྲངས་དང་། གཟུངས་ཀྱི་སྒོ་སྣ་ཚོགས་དག་ཀྱང་ཐོབ་ན། བདག་གིས་སྙིང་རྗེ་ཆེན་པོའི་རང་བཞིན་གྱི་གཟུང་སྔགས་གཞི་ཐོགས་པ་མེད་པ་རྒྱ་ཆེན་པོ་འདི་མ་ཐོས་ཀྱིས། ད་བྱང་ཆུབ་སེམས་དཔའ་ལས་མཛད་པ་ཆེན་པོ་དེའི་ལུས་དང་། རྟགས་དང་།
D690.093.0072a03.01ཚུལ་དང་། མཚན་ཉིད་ངེས་པར་བཤད་དུ་གསོལ། བདག་ལ་སོགས་པ་འཁོར་ཆེན་པོ་འདི་ཐོས་པར་འཚལ་ཞིང་སྨོས་སོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས། ཚངས་པ་ཆེན་པོ་ལ་འདི་སྐད་ཅེས་སྨྲས་སོ། །ཀྱེ་ཁྱོད་ཀྱིས་ཐབས་མཁས་
D690.093.0072a04.01པས། སེམས་ཅན་གྱི་ཁམས་ཐམས་ཅད་ལ་ཕན་པ་དང་། བདེ་བའི་ཕྱིར་དྲི་བ་འདི་བྱས་སོ། །ད་ཉོན་ཅིག་དང་མདོར་ཅུང་ཟད་ཅིག་ཁོ་བོས་ཁྱོད་ལ་བཤད་པར་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་སྨྲས་སོ། །འདི་ནི་སྙིང་རྗེ་ཆེན་པོའི་སེམས་
D690.093.0072a05.01སོ། །འདི་ནི་མཚུངས་ཤིང་མཉམ་པའི་སེམས་སོ། །འདི་ནི་འདུས་མ་བྱས་ཀྱི་སེམས་སོ། །འདི་ནི་ཆགས་ཤིང་ཞེན་པ་མེད་པའི་སེམས་སོ། །འདི་ནི་སྟོང་པ་ཉིད་དུ་བལྟ་བའི་སེམས་སོ། །འདི་ནི་བསྟི་སྟང་དུ་བྱས་ཤིང་གུས་པའི་སེམས་སོ། །འདི་ནི་མ་འཁྲུགས་ཤིང་སྐྱོན་
D690.093.0072a06.01མེད་པའི་སེམས་སོ། །འདི་ནི་བླ་ན་མེད་པའི་བྱང་ཆུབ་ཀྱི་སེམས་ཏེ། སེམས་དེ་དག་ལ་སོགས་པ་ནི་སྙིང་པོ་འདིའི་མཚན་ཉིད་དང་། ཚུལ་ཡིན་པར་དེ་ལྟར་ཞེས་བྱའོ། །དེ་ལྟར་ཚུལ་འདིས་སྤྱད་པར་བྱའོ། །བསྒོམ་པར་བྱའོ། །ཚངས་པ་ཆེན་པོས་འདི་སྐད་ཅེས་སྨྲས་སོ། །
D690.093.0072a07.01