完整藏文原文 · 德格版页 当前仅加载第 93 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །བགེགས་དང་ཡམས་ཀྱི་ནད་ཐམས་ཅད་ཞི་བར་བྱེད་དོ། །སྡིག་པ་ཐམས་ཅད་དང་ནད་ཐམས་ཅད་བྱང་བར་བྱེད་དོ། །འཇིགས་པ་ཐམས་ཅད་དང་བྲལ་བར་འགྱུར་རོ། །དགེ་བ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་
D690.093.0080b01.01དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་སྤྱན་རས་གཟིགས་དབང་ཕྱུག་གིས་སྨྲས་པའི་གསང་སྔགས་འདི་ནི་དེ་བཞིན་ནོ། །མ་ནོར་བ་དེ་བཞིན་ནོ། །དོན་ཡོད་པའོ། །སུ་བྱང་ཆུབ་སེམས་དཔའ་འགུགས་པར་འདོད་པ་དེས། གུ་གུལ་གྱི་བདུག་པ་ལ་ལན་ཉི་ཤུ་རྩ་གཅིག་
D690.093.0080b02.01བཟླས་བརྗོད་བྱས་ཏེ་བསྲེགས་ན། བྱང་ཆུབ་སེམས་དཔའ་དེར་འོང་བར་འགྱུར་རོ། །སུ་ཞིག་བྱི་ལའི་གདོན་གྱིས་ཟིན་པར་གྱུར་ན། བྱི་ལའི་མགོ་རུས་བླངས་ཏེ་བསྲེགས་ལ་ས་གཙང་མ་དང་། ཐལ་བ་ཞིབ་མོ་དང་བསྲེས་ཏེ་ཆུས་སྦྲུས་ལ་བྱི་ལའི་གཟུགས་བྱས་ཏེ། བྱང་ཆུབ་སེམས་དཔའ་
D690.093.0080b03.01མིག་སྟོང་ལྡན་གྱི་མདུན་དུ་ཨུར་མོའི་རལ་གྲི་ལ་ལན་བརྒྱ་རྩ་བརྒྱད་བཟླས་བརྗོད་བྱས་ཏེ། རལ་གྲི་དེས་བྱི་ལའི་གཟུགས་དེ་བརྒྱ་རྩ་བརྒྱད་དུ་གཏུབས་ལ་དུམ་བུ་རེ་རེ་ལ་ཡང་ལན་རེ་བཟླས་བརྗོད་བྱས་ཤིང་མིང་ནས་ཀྱང་བརྗོད་ན། ཇི་སྲིད་འཚོའི་བར་དུ་མི་ལྡང་ངོ་། །སུ་ཞིག་ཧ་ལ་ཧ་ལའི་དུག་ཟོས་ན།
D690.093.0080b04.01དེས་གུ་གུལ་གྱི་བདུག་པ་དང་། ག་བུར་ཆ་བསྙམས་ཏེ་ཁྲོན་པའི་ཆུ་ལྷག་མར་མ་གྱུར་པ་དང་། བསྐོལ་བ་ཁྱོར་གང་ཙམ་ལུས་པ་དང་། བྱང་ཆུབ་སེམས་དཔའ་མིག་སྟོང་ལྡན་གྱི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་འཐུངས་ན། དུག་ལས་སོས་པར་འགྱུར་རོ། །སུ་ཞིག་སྦྲུལ་
D690.093.0080b05.01དང་། སྲོག་ཆགས་ཨུ་ཙི་ལིང་གས་ཟིན་པར་གྱུར་ན། སྒ་ཕྱེ་ལ་ལན་བདུན་བཟླས་བརྗོད་བྱས་ཏེ། རྨ་ཁར་བཏབ་ན་སོས་པར་འགྱུར་རོ། །སུ་ཞིག་སྡིག་པའི་འཆི་བ་དང་། སྐུར་བ་འདེབས་པས་མི་གཞན་ལ་འཆི་ན། དེས་ས་གཙང་མའམ། བག་ཕྱེའམ། སྦྲ་ཚིལ་ལས་དེའི་གཟུགས་
D690.093.0080b06.01བྱས་ལ། བྱང་ཆུབ་སེམས་དཔའ་མིག་སྟོང་ལྡན་གྱི་མདུན་དུ་ཨུར་མོའི་རལ་གྲི་ལ་ལན་བརྒྱ་རྩ་བརྒྱད་དུས་གཅིག་ཏུ་བཟླས་བརྗོད་བྱས་ཏེ། སྙིང་པོ་བརྗོད་ལ་དུམ་བུར་གཏུབས་ཏེ། དེའི་མིང་ནས་བརྗོད་ཅིང་ལན་བརྒྱ་རྩ་བརྒྱད་སྦྱིན་སྲེག་བྱས་ན། དགའ་བར་འགྱུར་ཏེ། ཇི་སྲིད་འཚོའི་བར་
D690.093.0080b07.01