完整藏文原文 · 德格版页 当前仅加载第 93 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་བྱང་བར་མ་གྱུར་དུ་ལགས་ཀྱང་། ཡུན་རིང་མོ་ཞིག་ན། སངས་རྒྱས་ཀྱི་རྒྱུར་འགྱུར་བར་བགྱིད་ནུས་པར་འགྱུར་རོ། །ཡང་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་མིའམ། མི་མ་ལགས་པ་ཞིག་གིས་སྙིང་རྗེ་ཆེན་པོའི་རང་བཞིན་གྱི་སྙིང་
D690.093.0070a01.01པོ་འདི་བརྗོད་པར་གྱུར་ན། དེ་སྐྱེ་བ་བཟང་པོ་རྣམ་པ་བཅོ་ལྔ་ཐོབ་པར་འགྱུར་རོ། །གཤིས་ངན་དུ་འགུམ་པ་རྣམ་པ་བཅོ་ལྔ་ནི་མྱོང་བར་མི་འགྱུར་ཏེ། བཅོ་ལྔ་གང་ཞེ་ན། དང་པོ་ནི་གང་ལྟོགས་པས་སྡུག་བསྔལ་ཏེ་འགུམ་པར་མི་འགྱུར་བའོ། །གཉིས་པ་ནི་གང་ཆད་པ་ངན་པས་
D690.093.0070a02.01བཅད་པའི་ཚོར་བས་ཉམ་ཐག་པའི་གནོད་པ་དག་གིས་འགུམ་པར་མི་འགྱུར་བའོ། །གསུམ་པ་ནི་དགྲ་དང་། ཁོན་མཆིས་པ་དང་། ཕྱིར་བཟློག་པ་རྣམས་ཀྱི་དུག་དང་། མཚོན་གྱིས་འགུམ་པར་མི་འགྱུར་བའོ། །བཞི་པ་ནི་གང་དམག་གི་གཡུལ་འགྱེད་པར་ཞུགས་པའི་
D690.093.0070a03.01ཚེ་འགུམ་པར་མི་འགྱུར་བའོ། །ལྔ་པ་ནི་གང་སྟག་དང་། སྤྱང་ཀི་ལ་སོགས་པ་གཅན་གཟན་མ་རུངས་པ་རྣམས་ཀྱིས་བསད་པས་འགུམ་པར་མི་འགྱུར་བའོ། །དྲུག་པ་ནི་གང་སྦྲུལ་གདུག་པ་དང་། རྩངས་པ་དང་། སྲོག་ཆགས་ཨུ་ཙི་ལིང་གས་ཟིན་ནས་འགུམ་པར་མི་འགྱུར་
D690.093.0070a04.01བའོ། །བདུན་པ་ནི་གང་མེ་དང་། ཆུས་འགུམ་པར་མི་འགྱུར་བའོ། །བརྒྱད་པ་ནི་གང་དུག་ཏུ་འགྱུར་རོ་འཚལ་བས། འགུམ་པར་མི་འགྱུར་བའོ། །དགུ་པ་ནི་གང་སྲོག་ཆགས་སྣ་ཚོགས་ཀྱི་དུག་གིས་འགུམ་པར་མི་འགྱུར་རོ། །བཅུ་པ་ནི་གང་རྨོངས་པ་དང་། རྣམ་
D690.093.0070a05.01པར་གཡེངས་པ་དང་། བརྗེད་པ་དང་། ཉལ་བས་འགུམ་པར་མི་འགྱུར་བའོ། །བཅུ་གཅིག་པ་ནི་གང་རི་དང་། ཤིང་དང་། གཡང་ས་དང་། གད་པ་ལས་ལྟུང་བས་འགུམ་པར་མི་འགྱུར་བའོ། །བཅུ་གཉིས་པ་ནི་གང་བྱད་ཀྱིས་འགུམ་པར་མི་འགྱུར་བའོ། །བཅུ་གསུམ་
D690.093.0070a06.01པ་ནི་གང་དག་ལྷ་གཡོན་ཅན་རྣམས་དང་། འབྱུང་པོ་སྡིག་པ་ཅན་རྣམས་ཀྱིས་གླགས་བལྟས་པས་འགུམ་པར་མི་འགྱུར་བའོ། །བཅུ་བཞི་པ་ནི་གང་གསོར་མི་རུང་བའི་ནད་རྣམས་ཀྱིས་བཏབ་ནས་འགུམ་པར་མི་འགྱུར་རོ། །བཅོ་ལྔ་པ་ནི་གང་བདག་ལ་བདག་གསོད་པས་འགུམ་
D690.093.0070a07.01