完整藏文原文 · 德格版页 当前仅加载第 93 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བྱང་ཆུབ་སེམས་དཔའ་རྣམས་འགོག་པ་ལ་སྙོམས་པར་འཇུག་པའི་ཕྱག་རྒྱ་སྟེ། བཅུ་གཅིག་པའོ། །ཡང་ཐལ་མོ་སྔ་མ་ལས་མཛུབ་མོ་གཉིས་བསྐུམ་ཞིང་བརྐྱང་བས་བསྐུལ་བར་བགྱིའོ། །འདི་བྱང་ཆུབ་སེམས་དཔའ་སངས་རྒྱས་ཐམས་ཅད་ཀྱི་ཏིང་ངེ་འཛིན་རྣམས་འཐོབ་པའི་
D690.093.0087b01.01ཕྱག་རྒྱ་སྟེ། བཅུ་གཉིས་པའོ། །གཟུངས་སྔགས་ནི་འདི་ལགས་ཏེ། ཨོྃ་སརྦ་བུད་དྷ་ས་མ་ཡ་ཨེ་ཧྱེ་ཧི་པ་ར་མ་ཤུད་དྷ་སཏྭ་སྭཱ་ཧཱ། དེ་ནི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་མིག་སྟོང་དང་ལྡན་པ། ལག་པ་སྟོང་དང་ལྡན་པའི་དཀྱིལ་འཁོར་ཁྲུ་བཅུ་དྲུག་
D690.093.0087b02.01པའི་ཆོ་ག་བརྗོད་པར་བགྱིའོ། །ཐོག་མར་རི་རྣམས་དང་ཉེ་བ། ས་གཞི་བཀྲ་ཤིས་པའི་ཕྱོགས་བཙལ་བར་བགྱིའོ། །དེར་ས་བརྐོས་ཏེ། གསེག་མ་དང་། གྱོ་མོ་དང་། རུས་པ་དང་། མི་གཙང་བ་རྣམས་བསལ་ལ། དྲི་ཞིམ་པོ་དང་བསྲེས་པའི་བའི་གཅིབ་དང་། འཇིམ་པར་བསྲེས་
D690.093.0087b03.01ཏེ་བྱུག་པར་བགྱིའོ། །དེར་ཆུ་ཞེང་དུ་ཁྲུ་བཅུ་དྲུག་པའི་སྟེགས་བུ་བགྱིའོ། །འཕང་དུ་ནི་མཐོ་གང་གི་ཚད་དུ་བགྱིས་ལ། སྒོ་བཞི་བཏོད་དེ། ཤར་གྱི་སྒོར་ནི་ཡུལ་འཁོར་སྲུང་། ལྷོའི་སྒོར་ནི་འཕགས་སྐྱེས་པོའོ། །ནུབ་ཀྱི་སྒོར་ནི་མིག་མི་བཟང་། བྱང་གི་སྒོར་ནི་རྣམ་ཐོས་
D690.093.0087b04.01ཀྱི་སྲས་ཏེ། དེ་དག་གི་གམ་ཡོར་རང་རང་གི་འཁོར་ཐམས་ཅད་བྲིའོ། །དཀྱིལ་འཁོར་གྱི་དབུས་སུ་ནི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་མིག་སྟོང་དང་ལྡན་པ་ལག་པ་སྟོང་དང་ལྡན་པ་གཞག་པར་བགྱིའོ། །དེའི་མདུན་དུ་ཁྲིའུ་བཞག་སྟེ། ཁྲིའུའི་
D690.093.0087b05.01སྟེང་དུ་གཟུངས་སྔགས་ཀྱི་ཆོ་ག་གཞག་པར་བགྱིའོ། །དེ་ལ་བདུག་པ་སྣ་ཚོགས་ཀྱིས་བདུག་གོ། །མེ་ཏོག་སྣ་ཚོགས་བཀྲམ་མོ། །ལྷ་བཤོས་སྣ་ཚོགས་དབབ་བོ། །དེར་མཆོད་པ་དེ་རྣམས་བཞག་སྟེ། སྒོག་པ་རྣམ་དགུ་དང་། ཤ་དང་ཆང་མི་དབབ་བོ། །གལ་ཏེ་རྒྱུན་མི་
D690.093.0087b06.01འཆད་པར་བགྱི་ན་ཉིན་གཅིག་བཞིན་མཆོད་པ་ཐམས་ཅད་ཀྱང་སར་པ་གཞན་གྱིས་བརྗེའོ། །ཆོ་ག་འདིས་ཉི་མ་ཉི་ཤུ་རྩ་གཅིག་ཏུ་དངོས་པོ་ཐམས་ཅད་ཀྱིས་མཆོད་པར་བགྱིའོ། །སྒྲུབ་པ་པོ་གང་དག་སྔོན་མཐོང་བ་དེ་དག་གིས་བྲི་བར་བགྱིའོ། །དེ་སྒྲུབ་པ་པོ་ཤར་ཕྱོགས་སུ་བལྟས་ཏེ།
D690.093.0087b07.01