完整藏文原文 · 德格版页 当前仅加载第 93 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ། །ལ་ལ་ཞིག་ལྟོ་ན་ན་ཁྲོན་པའི་ཆུ་ལྷག་མར་མ་གྱུར་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་པའི་ནང་དུ་ལན་ཚྭ་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་བཏབ་སྟེ། ཁྱོར་ཕྱེད་འཐུངས་ན་སོས་པར་འགྱུར་རོ། །སུའི་མིག་ལ་མིག་ནག་ཆགས་སམ། རབ་རིབ་བམ།
D690.093.0082a01.01རྩ་དམར་པར་གྱུར་ན། ཤིང་ཤམ་མྱ་ཀའི་ལོ་མ་བཙིར་ཏེ། དེའི་ཁུ་བ་ལ་ལན་བདུན་བཟླས་བརྗོད་བྱས་ལ་ནང་དུ་འགྲོན་བུ་བཅུག་སྟེ། ཞག་གཅིག་བཞག་ལ་ནང་པར་ཡང་ལན་བདུན་བཟླས་བརྗོད་བྱས་ཏེ། མིག་ཏུ་བླུགས་ན་ཕན་ནོ། །སུ་ཞིག་མཚན་མོ་འཇིགས་ཤིང་མི་བདེ་ལ་སྐྲག་ན། སྐུད་
D690.093.0082a02.01པ་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མདུད་པ་ཉི་ཤུ་རྩ་གཅིག་བོར་ལ་མགུལ་དུ་བཏགས་ན་འཇིགས་པར་མི་འགྱུར་རོ། །ལས་རྣམས་ཀྱང་བྱང་བར་འགྱུར་རོ། །ཁྱིམ་ཞིག་ཏུ་གློ་བུར་དུ་གནོད་པ་དག་བྱུང་ན། བལ་པོ་སེའུའི་ཤིང་གི་ལྕུག་མ་སོར་གཉིས་ཀྱི་ཚད་དུ་གཏུབས་པ་
D690.093.0082a03.01སྟོང་རྩ་བརྒྱད་བྱས་ལ། བ་མར་དང་། ཞོ་དང་། སྦྲང་རྩི་སྣོད་ཅིག་ཏུ་བླུགས་པ་དྲུང་དུ་བཞག་སྟེ། ལྕུག་མའི་དུམ་བུ་ཅིག་བླངས་ལ་ལན་ཅིག་བསྔགས་ཏེ། རྩེ་མོ་གཉིས་མར་དུ་སྨྱུགས་ལ་སྲེག་གོ། །དེ་བཞིན་དུ་ལྕུག་མའི་དུམ་བུ་ཐམས་ཅད་བསྲེགས་ན། ཡམས་ཀྱི་ནད་ཐམས་ཅད་
D690.093.0082a04.01མེད་པར་འགྱུར་རོ། །ལས་འདི་ནི་སངས་རྒྱས་ཀྱི་སྤྱན་སྔར་བྱའོ། །ཤུ་དག་དཀར་བོ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ཏེ། དཔུང་པ་གཡས་པར་ཐོགས་ན་ཐབ་མོའམ། འགྱེད་པའི་ཚེ་རྒྱལ་བར་འགྱུར་རོ། །ཤིང་ཤམ་མྱ་ཀའི་ལོ་མ་དང་བཅས་པ་སོར་གཉིས་ཀྱི་ཚད་གཏུབས་ལ་ཆོ་ག་གོང་
D690.093.0082a05.01མ་བཞིན་དུ་སྦྱིན་སྲེག་བྱའོ། །ཉི་མ་གཅིག་ལ་དུས་གསུམ་དུ་ལན་སྟོང་རྩ་བརྒྱད་སྦྱིན་སྲེག་བྱའོ། །གལ་ཏེ་ཉི་མ་བདུན་དུ་དེ་བཞིན་བྱས་ན། དངོས་གྲུབ་འཐོབ་བོ། །འཕགས་པའི་ལམ་ཡང་སྐྱེའོ། །གལ་ཏེ་འབྱུང་པོ་རྫུ་འཕྲུལ་ཆེན་པོ་ལས་རྒྱལ་བར་འདོད་ན། ལུང་ཏང་གི་ཤིང་ལ་ལན་
D690.093.0082a06.01བཞི་བཅུ་རྩ་དགུ་བཟླས་བརྗོད་བྱས་ལ་བ་མར་དང་། ཞོ་དང་། སྦྲང་རྩི་དང་སྦྱིན་སྲེག་བྱས་ཏེ། བྱང་ཆུབ་སེམས་དཔའི་མདུན་དུ་བྱའོ། །གླང་དཀར་པོའི་གིའུ་ཝང་སྲང་གཅིག་མཐིང་བུའི་སྣོད་དུ་བཅུག་ལ། བྱང་ཆུབ་སེམས་དཔའི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱ་སྟེ། ཡན་ལག་
D690.093.0082a07.01