完整藏文原文 · 德格版页 当前仅加载第 93 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་སོགས་པ་འཁོར་འདིས་སྙིང་པོ་འདིའི་ཚུལ་དང་། མཚན་ཉིད་དེ་དང་སླན་ཆད་མ་འཚལ་ཏོ། །ད་སླན་ཆད་ནི་བླང་ངོ་། །མི་བསྐྱུད་པར་བགྱིའོ། །བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་དེ་ལ་འདི་སྐད་ཅེས་སྨྲས་སོ། །རིགས་ཀྱི་བུའམ།
D690.093.0072b01.01རིགས་ཀྱི་བུ་མོ་གང་ལ་ལ་ཞིག་སྙིང་པོ་འདི་བརྗོད་ཅིང་འཛིན་ན། དེས་བྱང་ཆུབ་སེམས་དཔའ་ཆེན་པོ་ཡངས་པ་བསྐྱེད་པའོ། །དེ་ལྟར་ཡི་དམ་བཅས་ནས། བདག་གིས་སེམས་ཅན་ཐམས་ཅད་ཀྱི་ལུས་གཟུང་བར་བྱའོ། །ཟས་དུས་དུས་སུ་བཟའ་བ་དང་། ཚུལ་ཁྲིམས་དང་ལྡན་
D690.093.0072b02.01པར་བྱའོ། །སེམས་ཅན་ཐམས་ཅད་ལ་མཉམ་པའི་སེམས་བསྐྱེད་པར་བྱའོ། །རྟག་པར་རྒྱུན་དུ་རྒྱུན་མི་འཆད་པར་གསང་སྔགས་འདི་བརྗོད་པར་བྱའོ། །གཙང་མར་གནས་པས་གནས་པར་བྱའོ། །ཁྲུས་ལེགས་པར་བྱའོ། །གོས་གཙང་མ་བགོས་ལ་ལྷའི་བ་དན་དང་།
D690.093.0072b03.01མར་མེ་དང་། བདུག་པ་དང་། མེ་ཏོག་དང་། གཏོར་མ་ལ་སོགས་པས་མཆོད་པར་བྱའོ། །སེམས་རྩེ་གཅིག་ཏུ་གཟུང་བར་བྱའོ། །ཡང་དག་པར་མ་ཡིན་པ་ལ་བརྟག་པར་མི་བྱའོ་ཞེས་དེ་སྐད་ཅེས་བརྗོད་པར་བྱའོ། །དེ་ལྟར་གཟུང་བར་བྱའོ། །འོན་ཏང་བྱང་ཆུབ་སེམས་དཔའ་
D690.093.0072b04.01ཉི་འོད་དང་། བྱང་ཆུབ་སེམས་དཔའ་ཟླ་འོད་དང་། ལྷའི་དྲང་སྲོང་དུ་མ་ཡང་དེར་འགྲོ་སྟེ། དབང་བྱེད་ཅིང་དངོས་གྲུབ་ཀྱང་སྦྱིན་པར་འགྱུར་རོ། །ཁོ་བོས་ཀྱང་དེའི་ཚེ་མིག་སྟོང་གིས་སྒྲུབ་པ་པོ་དེ་ལ་བལྟའོ། །ལག་པ་སྟོང་གིས་སྦ་ཞིང་བཟུང་ངོ་། །འཇིག་རྟེན་གྱི་མདོ་དང་། ཡི་གེ་
D690.093.0072b05.01རྣམས་ལེན་ཅིང་འཛིན་ཀྱང་ནུས་པར་འགྱུར་རོ། །གཞན་མུ་སྟེགས་ཅན་ཐམས་ཅད་ཀྱི་ཆོས་དབང་དུ་བྱ་བ་དང་། རིག་བྱེད་རྣམས་ཀྱང་ངེས་པར་རྟོགས་པར་འགྱུར་རོ། །གང་ལ་ལ་ཞིག་གསང་སྔགས་འདི་བརྗོད་ཅིང་འཛིན་པས་ནི་འཇིག་རྟེན་ན་འབྱུང་པོས་ཕྱུང་བའི་ནད་ཀྱི་རྣམ་
D690.093.0072b06.01པ་བརྒྱད་ཁྲི་བཞི་སྟོང་གང་སུ་ལ་བྱུང་ཡང་རུང་སོས་པར་བྱེད་དོ། །དེས་ཞི་བར་མི་འགྱུར་བའི་ནད་གང་ཡང་མེད་དོ། །ཡང་འབྱུང་པོའམ། ལྷ་རྣམས་ལ་ཡང་རྒོལ་བའི་མཐུ་ཡོད་པར་འགྱུར་རོ། །བདུད་ཀྱང་ཕམ་པར་བྱེད་དོ། །གཞན་མུ་སྟེགས་ཅན་རྣམས་ཀྱི་ཕྱོགས་ཀྱང་
D690.093.0072b07.01