完整藏文原文 · 德格版页 当前仅加载第 93 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པ་སྟོང་དང་ལྡན་པའི་ཕྱག་རྒྱ་ལྔ་པས། རིག་སྔགས་འཆང་གིས་མཆོད་པ་བགྱིའོ། །གལ་ཏེ་ལག་པ་དང་། མིག་སྟོང་དང་ལྡན་པར་མ་གྱུར་ན། དཔྲལ་བར་མིག་གཅིག་བགྱིའོ། །ཡང་འདི་ནི་ཆོ་ག་གཞན་ཏེ། སུ་ཞིག་ཆོས་ཀྱི་སྒོ་འདི་མཆོད་པར་འཚལ་ན། ཐོག་
D690.093.0089b01.01མར་རས་ལ་བྲི་བར་བྱའོ། །དེ་ནི་འདི་ལྟར་བྲི་བར་བགྱི་སྟེ། ཆོ་ག་སྔ་མ་བཞིན་དུ་དཀྱིལ་འཁོར་བགྱིའོ། །དེ་ནས་རི་མོ་མཁན་བསླབ་པ་བརྒྱད་བཟུང་བ་ཆབ་ཁུང་སར་མཆིས་ཏེ། སླར་ལོག་ནས་ལེགས་པར་བཀྲུས་པ་གཙང་མས་བྲི་བར་བགྱིའོ། །ཚོན་རྩི་རུང་བས་
D690.093.0089b02.01ཆོ་ག་བཞིན་བྲིས་ལ། དེའི་ཚེ་དཀྱིལ་འཁོར་གྱི་དབུས་སུ་མཆིས་ཏེ། དེར་སྨྱུང་བ་བགྱིས་ལ་ཉི་མ་ཉི་ཤུ་རྩ་གཅིག་ཏུ་མཆོད་པའི་ལས་རྒྱ་ཆེར་བགྱིས་ན། དེ་ན་གནས་བྱང་ཆུབ་སེམས་དཔའ་འོད་ཟེར་གཏོང་སྟེ། དེ་ལ་ཐེ་ཚོམ་མི་བགྱིའོ། །སླད་ཀྱིས་ཟླ་བ་དང་། ཉི་མ་ལྟ་བུའི་
D690.093.0089b03.01འོད་ཀྱང་བགྱིད་དོ། །གང་དགེ་བ་དང་དད་པས་མི་བགྱིད་པ་དེས་མ་གཏོགས་སོ། །བྱང་ཆུབ་སེམས་དཔའ་ལག་པ་སྟོང་དང་ལྡན་པའི་ཆོ་གའོ། །དེ་བཞིན་གཤེགས་པ་རྣམ་པར་གཟིགས་བྱུང་བའི་ཚེ་ཡང་བདག་གིས་བདུད་འདུལ་བའི་ལུས་མིག་སྟོང་དང་ལྡན་པ་སྤྲུལ་པའོ། །
D690.093.0089b04.01མིག་རེ་རེ་ལས་ཀྱང་སངས་རྒྱས་རེ་རེ་སྤྲུལ་ཏེ། དེ་དག་ནི་བསྐལ་པ་བཟང་པོ་ལ་སངས་རྒྱས་སྟོང་འབྱུང་བ་ལགས་སོ། །ལག་པ་སྟོང་ལས་ལག་པ་རེ་རེ་ལ་ཡང་འཁོར་ལོས་སྒྱུར་བའི་རྒྱལ་པོ་རེ་རེ་སྤྲུལ་ཏོ། །དེ་དག་ནི་འཁོར་ལོས་སྒྱུར་བའི་རྒྱལ་པོ་སྟོང་འབྱུང་བ་ལགས་སོ། །བདུད་
D690.093.0089b05.01འདུལ་བའི་ཚོགས་ཀྱི་ནང་ན། བྱང་ཆུབ་སེམས་དཔའི་ལུས་ནི་ཐམས་ཅད་ཀྱི་མཆོག་གོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ངས་གསང་སྔགས་འདི་སངས་རྒྱས་ཀྱི་མཐུས་རྒྱས་
D690.093.0089b06.01པར་བཤད་ན། བསྐལ་པ་འདས་ཀྱང་མཐར་ཐུག་པར་མི་འགྱུར་རོ། །བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ལ་གསང་སྔགས་འདི་ཐོས་ནས་རབ་ཏུ་དགའ་སྟེ། ཡི་རངས་ནས་བཟུང་སྟེ། སངས་རྒྱས་ཀྱི་ཞབས་
D690.093.0089b07.01