完整藏文原文 · 德格版页 当前仅加载第 93 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་སྣང་བའི་སངས་རྒྱས་བཅོམ་ལྡན་འདས་ཞེས་བྱའོ། །དེ་ནི་སྙིང་རྗེ་ཆེན་པོ་དང་། སྨོན་ལམ་གྱི་དབང་གིས་སེམས་ཅན་ལ་ཕན་པ་དང་། བདེ་བའི་ཕྱིར་འདིར་བྱང་ཆུབ་སེམས་དཔའི་གཟུགས་སུ་སྣང་ངོ་། །བྱང་ཆུབ་སེམས་དཔའ་རྣམས་དང་། མི་མཇེད་ཀྱི་བདག་པོ་
D690.093.0078a01.01ཚངས་པ་དང་། ལྷའི་དབང་པོ་བརྒྱ་བྱིན་དང་། ཀླུའི་འཁོར་དང་ཁྱེད་ཐམས་ཅད་ཀྱིས་དེ་ལ་མཆོད་པ་གྱིས་ཤིག །དེ་ལ་བརྙས་པར་མ་བྱེད་ཅིག །ལྷ་དང་མི་ཐམས་ཅད་ཀྱིས་རྟག་ཏུ་མཆོད་པ་གྱིས་ཤིག །མིང་ཡང་བརྗོད་ཅིག་དང་། དགེ་བའི་རྩ་བ་སྐྱེ་ཞིང་སྡིག་པ་དུ་མ་ཡང་
D690.093.0078a02.01འབྱང་བར་འགྱུར་རོ། །ལུས་ཞིག་སྟེ་ཤི་བའི་འོག་ཏུ་དེ་བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བ་འཛིན་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །སུ་ནོར་བུ་དང་།
D690.093.0078a03.01འབྲས་བུ་དང་། རིན་པོ་ཆེ་དང་ཡོ་བྱད་འདོད་པ་དེས། ཡིད་བཞིན་གྱི་ནོར་བུ་རིན་པོ་ཆེ་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་ནད་སྣ་ཚོགས་ཀྱིས་བཏབ་སྟེ། ནད་མེད་པར་འདོད་པ་དེས་དོན་ཡོད་པའི་ཞགས་པ་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་
D690.093.0078a04.01ལྟོ་ན་བ་དེས་རིན་པོ་ཆེའི་ལྷུང་བཟེད་ཐོགས་པའི་ལག་པ་ལ་བལྟས་ཏེ་བསམ་པར་བྱའོ། །སུ་འབྱུང་པོ་རྣམས་དང་བགེགས་བྱེད་པའི་ལྷ་ལ་སོགས་པ་གདུལ་བར་འདོད་པ་དེས། རིན་པོ་ཆེའི་རལ་གྲི་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་འདོད་པའི་དབང་ཕྱུག་བདུད་འདུལ་
D690.093.0078a05.01བར་འདོད་པ་དེས། རྡོ་རྗེ་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་དགྲ་ཚར་གཅོད་པར་འདོད་པ་དེས། རྡོ་རྗེ་ཅན་གྱི་གཏུན་ཤིང་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་ཐམས་ཅད་དུ་འཇིགས་པར་གྱུར་ཏེ། བདེ་བ་མ་ཐོབ་པ་དེས་མི་འཇིགས་པ་སྦྱིན་པའི་
D690.093.0078a06.01ལག་པ་ལ་བལྟ་བར་བྱའོ། །སུ་མིག་ན་ཞིང་མཐོང་བ་ཉམས་པ་དེས་ནོར་བུ་རིན་པོ་ཆེ་མེ་ཤེལ་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །སུ་ཚ་བའི་ནད་ཀྱིས་བཏབ་པ་དང་། དུག་འཐུངས་པ་དེས་ནོར་བུ་རིན་པོ་ཆེ་ཆུ་ཤེལ་ཐོགས་པའི་ལག་པ་ལ་བལྟ་བར་བྱའོ། །སུ་བདག་
D690.093.0078a07.01