完整藏文原文 · 德格版页 当前仅加载第 93 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་བཞག་གོ། །ལག་པ་གཡས་པ་ཡང་དེ་བཞིན་དུ་བགྱིའོ། །ལག་པ་གཉིས་ཀའི་གུང་མོ་བཀུག་པ་ལག་པ་ཕྲག་པ་དང་མཉམ་པར་བཞག་གོ། །ལག་མཐིལ་ནི་མདུན་དུ་བསྟན་ཏེ་བཞག་གོ། །འདི་ནི་ལུས་བསྡུ་བའི་ཕྱག་རྒྱ་དང་པོའོ། །སུ་ཞིག་བདུད་དང་། གཞན་མུ་
D690.093.0085b01.01སྟེགས་ཅན་དང་། དགྲ་རྣམས་ཕམ་པར་བགྱི་བ་དང་། ལམ་དང་པོ་ལ་གནས་པར་འཚལ་ན། ཕྱག་རྒྱ་འདི་བཅིངས་ལ་གཟུངས་འདི་ཡང་ལན་ཉི་ཤུ་རྩ་གཅིག་བརྗོད་པར་བགྱིའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་
D690.093.0085b02.01ཡ། ཏདྱ་ཐཱ། ཨ་བཏྟ། ཨ་བཏྟེ་པ་རི་བཏྟེ། ཨེ་ཧྱེ་ཧི་སྭཱ་ཧཱ། གང་གོང་དུ་ཕྱག་རྒྱ་ཇི་སྐད་སྨོས་པ་དེ་བཞིན་དུ་ལུས་གནས་པར་བགྱིས་ལ། སྙིང་གར་ཐལ་མོ་སྦྱར་ཏེ། སོར་མོ་ཐམས་ཅད་ཕན་ཚུན་ཐད་ཀར་བསྣོལ་ལ། གཡོན་པའི་སོར་མོ་རྣམས་ཀྱིས་གཡས་པ་རྣམས་ལ་འཁྱུད་
D690.093.0085b03.01བར་བགྱི། མཛུབ་མོ་གཉིས་གྱེན་དུ་སྒྲེང་ལ། རྩེ་མོ་གཉིས་སྤྲད་དོ། །མཐེ་བོང་གཉིས་མཛུབ་མོ་གཉིས་ཀྱི་ཚིགས་དང་པོ་ལ་རེག་པར་བགྱིའོ། །ལག་མཐིལ་ནི་མ་འབྱར་བར་བགྱིའོ། །འདི་ནི་གཟུངས་ཐམས་ཅད་ཀྱི་ཕྱག་རྒྱ་སྟེ་གཉིས་པའོ། །བསྐལ་པ་དུ་མར་ཚེ་རབས་
D690.093.0085b04.01སུ་བསགས་པའི་ལས་ཀྱི་སྒྲིབ་པ་མི་དགེ་བ་ཐམས་ཅད་འབྱང་བར་འགྱུར་རོ། །ཚེ་ཕྱི་མ་ལ་འགྱུར་རོ། །གང་གི་ཚེ་སངས་རྒྱས་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་བརྙེས་པར་མཛད་པར་བརྩམས་པའི་ཚེ་བདུད་ཀྱིས་མཐོ་བཙམས་པ་ན། ཕྱག་རྒྱ་འདིས་བཏུལ། དེའི་ཚེ་ཞི་བའི་བདེ་
D690.093.0085b05.01བ་དང་། བསམ་གཏན་དང་། སྙོམས་པར་འཇུག་པ་ཡང་བརྙེས་པར་འགྱུར་རོ། །གཟུངས་སྔགས་འདི་ཡང་བརྗོད་པར་བགྱིའོ། །ཏདྱ་ཐཱ། སརྦ་དྷཱ་ར་ཎི། མཎྜ་ལཱ་ཡ། ཨེ་ཧྱེ་ཧི་པ་ར་མ་ཤུད་དྷ་སཏྭཱ་ཡ་སྭཱ་ཧཱ། ཡང་ཐོག་མར་ལག་པ་གཡས་པ་འབྱིན་པ་ལྟར་
D690.093.0085b06.01བགྱིས་ལ། པུས་མོ་གཡས་པའི་ལྷ་ང་ས་ལ་བཙུགས་ཏེ། མགོ་བོར་ཐལ་མོ་སྦྱར་ལ་མཛུབ་མོ་གཉིས་བཀུག་སྟེ་རྩེ་མོ་སྤྲད། མཐེ་བོང་གཉིས་མཛུབ་མོ་གཉིས་ཀྱི་ཚིགས་གཉིས་པ་ལ་སྦྱར་རོ། །འདི་ནི་ཆོས་ཀྱི་ཕྱག་རྒྱ་སྟེ། རྣམ་པར་གྲོལ་བར་བགྱི་བའི་སླད་དུ། བསམ་
D690.093.0085b07.01