完整藏文原文 · 德格版页 当前仅加载第 93 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་མ་གཏོགས་སོ། །བུད་མེད་སུ་ཞིག་བུད་མེད་ཀྱི་ཆོས་ལ་ཡིད་བྱུང་ནས། བདག་སྐྱེས་པར་གྱུར་ཅིག་ཅེས་འཚལ་ཏེ། སྙིང་རྗེ་ཆེན་པོའི་རང་བཞིན་གྱི་གཟུངས་སྔགས་གཞི་འདི་བརྗོད་ཅིང་བཟུང་ལ་དེ་བུད་མེད་ཀྱི་ལུས་ལས་མ་གྱུར་ཅིང་། སྐྱེས་པའི་ལུས་མ་ཐོབ་ན། བདག་བྱང་
D690.093.0069b01.01ཆུབ་མངོན་པར་རྫོགས་པར་འཚང་རྒྱ་བར་མ་གྱུར་ཅིག །གལ་ཏེ་འཛིན་པར་བགྱིད་པས། དེ་ལ་ཐེ་ཚོམ་ཅུང་ཟད་ཙམ་ཞིག་བགྱིས་ན། གདོན་མི་འཚལ་བར་ཡིད་ལ་བསམས་པ་བཞིན་དུ་མི་འགྲུབ་བོ། །གང་གིས་དགེ་འདུན་གྱི་བཟའ་བ་དང་། ཐུག་པ་དང་། ནོར་དང་། འབྲུ་
D690.093.0069b02.01ཕྲོགས་སམ། ཆུད་གསན་ཏེ། གང་ལ་སངས་རྒྱས་སྟོང་གི་བཤགས་སུ་གནང་བས་བཤགས་སུ་ལགས་ཀྱང་བཤགས་པར་མ་གྱུར་ལ། གལ་ཏེ་གསང་སྔགས་འདི་བརྗོད་ཀྱང་། སྡིག་པ་ཐམས་ཅད་འབྱང་བར་མ་གྱུར་ན། དེའི་སླད་དུ་དགེ་འདུན་གྱི་རྫས་ཅི་སྤྱད་པ་དང་། ཆུད་
D690.093.0069b03.01གསན་པ་དང་། ཕྲོགས་པ་དང་། ཕྱོགས་བཅུ་དག་ན། རབ་ཏུ་བྱུང་བ་ཐམས་ཅད་ཀྱི་སོ་སོའི་མདུན་དུ་མཆིས་ལ་བཤགས་ན། དེའི་ཚེ་དེའི་བཤགས་པར་འགྱུར་རོ། །གལ་ཏེ་དེ་ལྟར་གསང་སྔགས་འདི་བརྗོད་པར་གྱུར་ན། ཕྱོགས་བཅུ་དག་ཏུ་གཏོགས་པའི་རབ་ཏུ་བྱུང་བའི་
D690.093.0069b04.01འདུས་པ་རྣམས་དེ་ལ་དབང་ཡིན་ནོ་ཞེས་སྨྲ་ཞིང་ལས་ཐམས་ཅད་ཀྱང་བཤགས་པར་ཆུད་པར་འགྱུར་རོ། །སྡིག་པ་བཅུ་པོ་ཐམས་ཅད་དང་། མཚམས་མེད་པ་ལྔ་དང་། འཕགས་པའི་གང་ཟག་རྣམས་ལ་མི་སྙན་པ་བརྗོད་པ་དང་། དམ་པའི་ཆོས་སྤང་བ་དང་། དུས་མ་ལགས་པར་ཟས་
D690.093.0069b05.01འཚལ་བ་དང་། བསླབ་པ་ཉམས་པ་དང་། མཆོད་རྟེན་དང་། དགེ་འདུན་གྱི་ཀུན་དགའ་ར་བ་དང་། དགེ་འདུན་གྱི་རྫས་ཆུད་གཟོན་པ་དང་། ཚུལ་ཁྲིམས་ཡོངས་སུ་དག་པར་གནས་པའི་སེམས་ཅན་རྣམས་ཀྱི་ཚུལ་ཁྲིམས་ཉམས་པར་བགྱིད་པ་དང་། དེ་ལ་སོགས་པའི་སྡིག་
D690.093.0069b06.01པའི་ལས་ཤིན་ཏུ་ལྕི་བ་ཐམས་ཅད་དང་། སྡིག་པ་ཐམས་ཅད་མ་ལུས་པར་བྱང་བར་འགྱུར་རོ། །གང་ཐེ་ཚོམ་འཚལ་བ་ནི་མ་གཏོགས་ཏེ། དེའི་སྡིག་པ་ཆུང་ངུ་དང་། ལས་ཡང་བ་ཡང་འབྱང་བར་མི་འགྱུར་ན། ཤིན་ཏུ་ལྕི་བ་ལྟ་སྨོས་ཀྱང་ཅི་འཚལ། སྡིག་པའི་ལས་ཤིན་ཏུ་ལྕི་བ་
D690.093.0069b07.01