完整藏文原文 · 德格版页 当前仅加载第 93 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་པར་མི་འགྱུར་རོ་ཞེས་གསུང་ངོ་། །འགྲེང་སྟེ་ལག་པ་གཡོན་པ་གྲུ་མོ་བཀུག་པ་དྲང་པོར་བརྐྱང་སྟེ། མི་འཇིགས་པ་སྦྱིན་པར་བགྱི། ལག་པ་གཡས་པའི་མཐེ་བོང་ལག་མཐིལ་དུ་བཀུག་ལ་སོར་མོ་བཞིས་མནན་ཏེ། ཁུ་ཚུར་འདི་རྣ་བ་གཡས་པའི་གོང་དུ་བཞག་ལ་
D690.093.0091a01.01མཛུབ་མོ་སྒུལ་བར་བགྱི། བརྐྱང་བར་བགྱི། བསྐུམ་པར་བགྱིའོ། །ཕྱག་རྒྱ་འདི་ནི་སྟོང་ཆེན་པོའི་འཇིག་རྟེན་གྱི་ཁམས་སུ་གཏོགས་པའི་ལས་རྣམས་འབྱང་བར་བགྱི་བའི་སླད་དུ་སྨྲས་པ་སྟེ་བཅུ་བཞི་པའོ། །ཕྱག་རྒྱ་འདི་ནི་ཉིན་གཅིག་བཞིན་དུས་གསུམ་དུ་བཅིངས་ལ་གསང་
D690.093.0091a02.01སྔགས་ཀྱང་ལན་བདུན་བདུན་བརྗོད་ན། མཚམས་མེད་པ་ལྔ་པོ་དག་དང་། རྩ་བའི་ལྟུང་བ་བཞི་པོ་དག་ཀྱང་འབྱང་བར་བགྱིད་ནུས་པར་འགྱུར་རོ། །སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྐྱེད་ན། ལས་ཀྱི་རྩ་བ་ཐམས་ཅད་ཚིག་པར་འགྱུར་རོ། །གང་གི་ཚེ་ཚེ་འདི་འདོར་
D690.093.0091a03.01བ་ན། སངས་རྒྱས་དང་ཕྲད་པར་འགྱུར་རོ། །འཁོར་ལོས་སྒྱུར་བའི་རྒྱལ་པོར་འགྱུར་རོ། །དཔག་ཏུ་མེད་ཅིང་མི་ཟད་པའི་སྙིང་པོའི་གཟུངས་འཐོབ་པར་འགྱུར་རོ། །མཉམ་པ་ཉིད་ཀྱི་ཏིང་ངེ་འཛིན་འཐོབ་པར་འགྱུར་རོ། །ལུས་ལ་ལྟས་རྣམ་པ་ཉི་ཤུ་རྩ་བརྒྱད་འབྱུང་བར་
D690.093.0091a04.01འགྱུར་རོ། །ལུས་ལ་གནོད་པ་མི་འབྱུང་ངོ་། །མིག་ནད་དང་། རྣ་བའི་ནད་དང་། སྣའི་ནད་དང་། ལྕེ་ནད་མི་འབྱུང་ངོ་། །ཕྱི་དང་ནང་གི་ནད་ཐམས་ཅད་ཞི་བར་འགྱུར་རོ། །སྔོན་གྱི་ལས་མི་དགེ་བ་རྣམས་ཀྱང་འབྱང་བར་འགྱུར་རོ། །གལ་ཏེ་ཆར་མི་འབབ་ན་ཏིལ་ནག་པོ་
D690.093.0091a05.01ལ་ཨེ་རཎྜའི་མར་གྱིས་སྦྲུས་ཏེ། རིལ་བུར་བགྱིས་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། མཚེ་འུར་སྩལ་ན། དེའི་མོད་ལ་ཆར་དབབ་བོ། །གལ་ཏེ་ཆར་ཆེས་ན་ཡུངས་ཀར་གྱི་མར་གྱིས་སྣ་མའི་མེ་ཏོག་སྦྲུས་ལ་རིལ་བུར་བགྱིས་ཏེ། ལན་བརྒྱ་རྩ་བརྒྱད་བཟླས་བརྗོད་
D690.093.0091a06.01བགྱིས་ལ་མཚེའུར་སྩལ་ན་ཆར་འཆད་པར་འགྱུར་རོ། །སོར་མོ་ལྔ་ཕན་ཚུན་བསྣོལ་ཏེ། གཡོན་པའི་སོར་མོ་རྣམས་ཀྱིས་གཡས་པའི་སོར་མོ་རྣམས་དམ་དུ་འཁྱུད་ལ་མགོ་བོའི་སྟེང་དུ་བཞག་སྟེ། རྩ་བའི་གསང་སྔགས་བཟླས་བརྗོད་བགྱིའོ། །འདི་ནི་སྟོང་གསུམ་གྱི་སྟོང་
D690.093.0091a07.01