完整藏文原文 · 德格版页 当前仅加载第 93 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
འདིས་ལས་མི་དགེ་བ་ཐམས་ཅད་འབྱང་བར་འགྱུར་རོ། །གལ་ཏེ་སྒྲུབ་པ་པོ་སྐྱིལ་མོ་ཀྲུང་བཅས་ཏེ་མཆིས་པ་ལ་ཆོས་རྣམས་མངོན་དུ་གདའ་བར་མ་གྱུར་ན། གདུགས་བདུན་གྱི་བར་དུ་དགོན་པའི་ཕྱོགས་ཀྱི་གནས་སུ་ཕྱག་རྒྱ་འདིས་གཟུངས་འདི་བརྗོད་ལ་ཤིན་ཏུ་དད་པས་
D690.093.0093a01.01སངས་རྒྱས་ལ་ཕྱག་བགྱི་ཞིང་། གདུགས་མཚན་དྲུག་ཏུ་ལས་རྣམས་སོ་སོར་བཤགས་ན། དེའི་ཚེ་ཆོས་མདུན་དུ་གདའ་བར་འགྱུར་རོ། །བསོད་ནམས་དཔག་ཏུ་མ་མཆིས་ཤིང་གྲངས་མ་མཆིས་པར་འགྱུར་རོ། །ཡང་ལག་པ་གཡོན་པའི་སོར་མོ་བཞི་ཁུ་ཚུར་བཅངས་ལ་གཡས་པའི་
D690.093.0093a02.01སོར་མོ་བཞིས་གཡོན་པའི་མཐེ་བོང་བཅངས་ཏེ། ཅུང་ཞིག་མཆིས་ལ་གཡས་པའི་མཛུབ་མོས་གཡབ་བོ། །འདི་ནི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་སུམ་ཅུ་རྩ་གསུམ་གྱི་ལྷའི་རྣམ་པ་རྣམས་དགུག་པའི་ཕྱག་རྒྱ་སྟེ་ཉི་ཤུ་པའོ། །གསང་སྔགས་ནི་འདི་
D690.093.0093a03.01ལགས་ཏེ། ཨོཾ་ཀུ་ཊེ་ཀུ་ཊེ། ཀུ་ན་རེ་ཙི་ལེ་ཙི་ལེ། ཙི་ལི་ལེ་སྭཱ་ཧཱ། གསང་སྔགས་འདི་དང་། ཕྱག་རྒྱ་འདི་ནི་ལྷག་པར་རྒྱ་ཆེ་བའོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཅི་རྩོམ་པ་རྨི་ལམ་དུ་མཐོང་བར་འཚལ་ན། གསང་སྔགས་འདི་ལན་བརྒྱ་རྩ་བརྒྱད་བཟླས་བརྗོད་
D690.093.0093a04.01བགྱིས་ན། ཡིད་ལ་ཅི་བསམས་པ་རྨི་ལམ་དུ་མཐོང་བར་འགྱུར་རོ། །སུ་ཞིག་གདུགས་གཅིག་བཞིན་དུ་གོམས་པར་བགྱིད་ན། ལས་རྣམས་བྱང་བར་འགྱུར་རོ། །བྱང་ཆུབ་ཀྱི་སེམས་མི་བསྐྱུད་དོ། །རྨི་ལམ་བཟང་པོ་དཔལ་དུ་འགྱུར་བ་དང་། བྱང་ཆུབ་ཀྱི་ཤིང་དྲུང་ན་བཞུགས་
D690.093.0093a05.01པའི་སངས་རྒྱས་ཀྱི་བར་དུ་མཐོང་ཞིང་། བྱང་ཆུབ་ཏུ་ལུང་སྟོན་པར་རྨི་བར་འགྱུར་རོ། །བརྒྱ་བྱིན་དང་། ཚངས་པ་ལ་སོགས་པ་ལྷ་རྣམས་ཀྱང་ཀུན་ཏུ་སྲུང་བར་འགྱུར་རོ། །ཡང་འགྲེང་སྟེ་རྐང་པ་ཕན་ཚུན་བསྙེན་ལ། ལག་པ་གཡོན་པའི་མཐེ་བོང་ལག་མཐིལ་དུ་བཀུག་སྟེ། སོར་མོ་
D690.093.0093a06.01བཞིས་ཁུ་ཚུར་བཅངས་ལ་སྙིང་གར་བཞག །གཡས་པ་ཡང་དེ་བཞིན་བགྱིས་ལ། རྣ་བ་གཡས་པའི་སྟེང་དུ་བཞག་སྟེ། མཛུབ་མོས་གཡབ་བོ། །འདི་ནི་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་ལྷ་དང་། ཀླུ་ལ་སོགས་པ་འཁོར་བརྒྱད་པོ་དག་
D690.093.0093a07.01