完整藏文原文 · 德格版页 当前仅加载第 93 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་འགྱུར་བ་སྟེ། གང་སྙིང་རྗེ་ཆེན་པོའི་རང་བཞིན་ཅན་ཏེ། གང་སྙིང་རྗེ་ཆེན་པོའི་རང་བཞིན་གྱི་སྙིང་པོ་འདི་བརྗོད་ཅིང་འཛིན་པ་དེ་ལ། གཤིས་ངན་དུ་འགུམ་པ་རྣམ་པ་བཅོ་ལྔ་འབྱུང་བར་མི་འགྱུར་རོ། །སྐྱེ་བ་བཟང་པོ་རྣམ་པ་བཅོ་ལྔ་ཡང་ཐོབ་པར་འགྱུར་ཏེ། དང་པོ་ནི་གང་དང་གང་དུ་
D690.093.0070b01.01སྐྱེ་བ་ཐམས་ཅད་དུ་ཆོས་དང་མཐུན་པའི་རྒྱལ་པོ་རྣམས་དང་ཕྲད་པར་འགྱུར་བའོ། །གཉིས་པ་ནི་གང་འཕགས་པའི་ཡུལ་དུ་སྐྱེ་བ་ཐོབ་པར་འགྱུར་བའོ། །གསུམ་པ་ནི་དུས་བཟང་པོ་དང་ཕྲད་པར་འགྱུར་བའོ། །བཞི་པ་ནི་གང་རྟག་ཏུ་དགེ་བའི་བཤེས་གཉེན་རྣམས་དང་ཕྲད་པར་འགྱུར་བའོ། །
D690.093.0070b02.01ལྔ་པ་ནི་གང་དབང་པོ་མཐའ་དག་ཚང་བའི་ལུས་འཐོབ་པར་འགྱུར་བའོ། །དྲུག་པ་ནི་གང་དགེ་བའི་ཕྱོགས་ལ་སེམས་ཡོངས་སུ་སྨིན་པར་འགྱུར་བའོ། །བདུན་པ་ནི་གང་ཚུལ་ཁྲིམས་ཉམས་པར་མི་འགྱུར་བའོ། །བརྒྱད་པ་ནི་གང་གཉེན་བཤེས་རྣམས་དང་། བྲན་གཡོག་རྣམས་ཀྱིས་བྱེ་བྲག་
D690.093.0070b03.01ཤེས་ཤིང་མཐུན་པར་འགྱུར་བའོ། །དགུ་པ་ནི་གང་ཡོ་བྱད་དང་། ནོར་དང་། ཟས་རྟག་ཏུ་རྒྱུན་མི་འཆད་པར་རྙེད་པར་འགྱུར་བའོ། །བཅུ་པ་ནི་གང་གཞན་གྱིས་གོ་འཕང་བསྟོད་པ་དང་། མཆོད་པ་དང་། བཀུར་སྟི་རྙེད་པར་འགྱུར་བའོ། །བཅུ་གཅིག་པ་ནི་གང་ནོར་དང་། ཡོ་བྱད་མི་འཕྲོགས་
D690.093.0070b04.01པར་འགྱུར་བའོ། །བཅུ་གཉིས་པ་ནི་གང་བསམས་པ་སེམས་དང་མཐུན་པར་འགྱུར་བའོ། །བཅུ་གསུམ་པ་ནི་གང་ལྷ་དང་ཀླུ་དང་། ལྷ་མ་ཡིན་རྣམས་ཀྱིས་ཀྱང་རྟག་ཏུ་སྲུང་བར་འགྱུར་བའོ། །བཅུ་བཞི་པ་ནི་གང་སངས་རྒྱས་བཅོམ་ལྡན་འདས་རྣམས་མཐོང་ཞིང་ཆོས་ཀྱང་ཐོབ་པར་འགྱུར་
D690.093.0070b05.01བའོ། །བཅོ་ལྔ་པ་ནི་གང་ཆོས་ཐོས་པ་དང་། དོན་ཟབ་མོ་ཤེས་རབ་ཀྱིས་རྟོགས་པར་འགྱུར་བ་སྟེ། གང་ལ་ལ་ཞིག་སྙིང་རྗེ་ཆེན་པོའི་རང་བཞིན་གྱི་སྙིང་པོ་འདི་བརྗོད་ཅིང་འཛིན་པ་དེས་གོང་དུ་སྨོས་པ་སྐྱེ་བ་རྣམ་པ་བཅོ་ལྔ་པོ་དེ་དག་འཐོབ་པར་འགྱུར་རོ། །དེའི་སླད་དུ་ལྷ་དང་མི་ཐམས་ཅད་ཀྱིས་རྟག་ཏུ་བརྗོད་
D690.093.0070b06.01ཅིང་གཟུང་བར་བགྱི་སྟེ། དེ་ལ་སྐྱོ་བ་བསྐྱེད་པར་མི་བགྱིའོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཚིག་དེ་སྐད་སྨྲས་ནས། དེའི་རྗེས་ལ་འཁོར་མང་པོའི་དབུས་དེ་ཉིད་དུ་འདུག་སྟེ། ལག་པ་གཉིས་མཉམ་པར་ཐལ་མོ་སྦྱར་ནས། སེམས་ཅན་
D690.093.0070b07.01