完整藏文原文 · 德格版页 当前仅加载第 93 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཆོས་ཀྱི་ཚིགས་སུ་བཅད་པ་ཁྲི་ལོབས་ནུས་པར་འགྱུར་རོ། །ཕྱག་རྒྱ་འདི་དང་། ཆོས་ཀྱི་སྒོ་འདི་ནི་དེ་བཞིན་གཤེགས་པ་ཉི་མའི་སྙིང་པོས། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་ཆེད་དུ་གསུངས་པའོ། །ཡང་འགྲེང་སྟེ་
D690.093.0087a01.01རྐང་པ་ཉེ་བར་གཞིབས་ལ། ལག་པ་ཐལ་མོ་སྦྱར་ཏེ། སྙིང་གར་བཞག་ལ་མཐེ་བོང་གཉིས་ལག་མཐིལ་དུ་བཀུག་སྟེ། རྩ་བའི་སྔགས་ཆེན་པོ་ལན་ཉི་ཤུ་རྩ་གཅིག་བརྗོད་པར་བགྱིའོ། །འདི་ནི་བྱང་ཆུབ་སེམས་དཔའ་རྣམས་ཀྱི་རང་རང་གི་ནོར་བུའི་ཡིད་བཞིན་ལྟ་བུའི་ཕྱག་
D690.093.0087a02.01རྒྱ་སྟེ་དགུ་བའོ། །འདིས་ངེས་པར་ལྷའི་གཞལ་མེད་ཁང་རྣམས་སུ་འཇུག་གོ། །ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་ཡང་མཆིའོ། །མཆོད་པའི་དོན་དུ་རིན་པོ་ཆེ་བརྒྱ་སྟོང་དག་ཀྱང་བསམས་པ་བཞིན་རྙེད་པར་འགྱུར་རོ། །སུ་ཞིག་ཆོས་ཀྱི་སྒོ་འདིའི་ལས་བགྱིད་ནུས་ན། དེ་ནང་
D690.093.0087a03.01པར་སྔར་ལངས་ལ་ཁྲུས་བགྱི་ཞིང་ཁ་གདོང་བཀྲུས་ཏེ། ཕྱག་རྒྱ་དེའི་དམ་ཚིག་བགྱིས་ན། དེས་ཕྱོགས་བཅུའི་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་མངོན་སུམ་དུ་མཐོང་བར་འགྱུར་རོ། །བསྐལ་པ་དུ་མར་ཚེ་རབས་སུ་བསགས་པའི་སྡིག་པ་མི་དགེ་བའི་ལས་ལྕི་བ་
D690.093.0087a04.01རྣམས་འབྱང་བར་འགྱུར་རོ། །ཕྱག་རྒྱ་དེའི་ཡོན་ཏན་དང་། བསྔགས་པ་ནི་རབ་ཏུ་མང་ངོ་། །ཡང་སྔ་མ་བཞིན་དུ་ཐལ་མོ་སྦྱར་ཏེ། མཛུབ་མོ་གཉིས་བཀུག་ལ་མཐེ་བོའི་སེན་མོ་ལ་བཅར་ཏེ། མཛུབ་མོ་གཉིས་ཀྱི་སེན་མོ་ཡང་ཕན་ཚུན་དུ་རྒྱབ་སྤྲད་ལ་རྩ་བའི་གསང་སྔགས་
D690.093.0087a05.01བརྗོད་པར་བགྱིའོ། །འདི་ནས་བྱང་ཆུབ་སེམས་དཔའ་རྣམས་ཀྱི་སེམས་ལ་འདོད་པའི་ཕྱག་རྒྱ་སྟེ་བཅུ་པའོ། །ཅི་འཚལ་བ་དེ་བཞིན་དུ་འགྲུབ་བོ། །ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཡང་ཐལ་མོ་སྔ་མ་ལས་མཐེ་བོང་དང་།
D690.093.0087a06.01མཛུབ་མོ་སོ་སོར་བརྐྱང་སྟེ་ལག་མཐིལ་དབྱེ་བར་བགྱིའོ། །འདི་ནི་རྒྱུའི་གནས་སྐབས་ཀྱི་ཚེ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱིས་བདག་ལ་སྩལ་བ་སྟེ། འདིས་བདག་བྱང་ཆུབ་ཀྱི་ལམ་རབ་ཏུ་རྟོགས་སོ། །འདིས་རྩ་བའི་གསང་སྔགས་བརྗོད་པར་བགྱིའོ།
D690.093.0087a07.01