完整藏文原文 · 德格版页 当前仅加载第 93 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སྐྱོང་བ་དང་། ལྷའི་དྲང་སྲོང་དང་། ཀླུའི་རྒྱལ་པོ་ཐམས་ཅད་དབང་དུ་འགྱུར་རོ། །མིའམ་ལྷ་གང་ལ་ལ་ཞིག་གསང་སྔགས་འདི་ཁ་ཏོན་བྱེད་པ་དེ་འབབ་ཆུའམ། རྒྱ་མཚོར་ཁྲུས་བྱས་ན། དེ་ན་སྲོག་ཆགས་གང་དག་འཁོད་པ་ལ་དེས་རེག་པ་དེ་དག་གི་ལས་ཤིན་ཏུ་ལྕི་བ་
D690.093.0075b01.01ཐམས་ཅད་འབྱང་བར་འགྱུར། ཚེ་ཕྱི་མ་ལ་སངས་རྒྱས་ཀྱི་ཞིང་ཡོངས་སུ་དག་པར་པདྨ་ལས་བརྫུས་ཏེ་སྐྱེ་བར་འགྱུར། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། སྒོ་ང་ལས་སྐྱེ་བའི་སྐྱེ་བ་འཛིན་པར་མི་འགྱུར་ན། གང་འདི་འཛིན་པ་དང་། བརྗོད་པ་དང་། ཀློག་པ་ལྟ་ཅི་
D690.093.0075b02.01སྨོས། འདོན་ཅིང་བརྗོད་པ་ལྟ་ཡང་ཅི་སྨོས། རླུང་གང་གིས་རིག་སྔགས་འཆང་ལ་རེག་པའི་རླུང་དེས་སེམས་ཅན་གང་ལ་ལ་ལ་རེག་པར་གྱུར་པའི་ལས་ལྕི་བ་ཐམས་ཅད་འབྱང་བར་འགྱུར་རོ། །ཡང་དང་ཡང་ངན་སོང་གསུམ་དུ་འགྲོ་བར་མི་འགྱུར་རོ། །རྟག་ཏུ་སངས་རྒྱས་
D690.093.0075b03.01འབྱུང་བར་སྐྱེ་བར་འགྱུར་རོ། །འདི་ལྟར་ཡང་ཤེས་པར་བྱ་སྟེ། གང་འཛིན་པ་དང་། འཆང་བའི་བསོད་ནམས་ཀྱི་རྣམ་པར་སྨིན་པ་ནི། བསམ་གྱིས་མི་ཁྱབ་ཅིང་དཔག་ཏུ་མེད་དོ། །གང་ལ་ལ་སྙིང་པོ་འདི་བརྗོད་པ་དེའི་ཁ་ནས་ཚིག་དགེ་བའམ། མི་དགེ་བ་ཅི་བྱུང་ཡང་
D690.093.0075b04.01རུང་སྟེ། དེ་ཐམས་ཅད་བདུད་དང་གཞན་མུ་སྟེགས་ཅན་དང་། སྲུང་བའི་ལྷ་དང་ཀླུ་དང་། འབྱུང་པོ་རྣམས་ཀྱིས་ཡོངས་སུ་དག་པའི་ཆོས་སུ་ཐོས་པར་འགྱུར་རོ། །སུ་སྙིང་པོ་འདི་ཁ་ཏོན་བྱེད་པ་དེ་ལ་ཐམས་ཅད་སངས་རྒྱས་སུ་འདུ་ཤེས་བསྐྱེད་ཅིང་གུས་པར་འགྱུར་རོ། །
D690.093.0075b05.01སངས་རྒྱས་བཅོམ་ལྡན་འདས་གང་གཱའི་ཀླུང་དགུ་བཅུ་རྩ་དགུའི་བྱེ་མ་སྙེད་ཀྱི་རྡུལ་ཕྲ་རབ་སྙེད་དག་གིས་སྡུག་པར་དགོངས་ཤིང་ཡོངས་སུ་བཟུང་བ་དེ་ནི་སངས་རྒྱས་ཀྱི་སྐུའི་མཛོད་དུ་ཤེས་པར་བྱའོ། །དེ་ནི་སངས་རྒྱས་ཐམས་ཅད་ཀྱི་འོད་ཟེར་གྱི་སྣང་བས་སྣང་བར་འགྱུར་བས། ལུས་
D690.093.0075b06.01འོད་ཟེར་དང་ལྡན་པར་ཤེས་པར་བྱའོ། །གང་སྙིང་པོ་འདིས་སེམས་ཅན་རྣམས་ཡོངས་སུ་སྐྱོབ་པ་དེ་སྙིང་རྗེའི་མཛོད་དུ་ཤེས་པར་བྱའོ། །གང་གཟུངས་ཀྱི་སྒོ་རྣམས་སྡུད་པ་དེ་ཆོས་ཀྱི་མཛོད་དུ་ཤེས་པར་བྱའོ། །གང་ལ་ཏིང་ངེ་འཛིན་བརྒྱ་སྟོང་མངོན་དུ་སྣང་བ་དེ་བསམ་གཏན་
D690.093.0075b07.01