完整藏文原文 · 德格版页 当前仅加载第 93 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པར་བྱའོ། །སུ་མི་འཇིགས་པ་ལ་སོགས་པ་སྦྱིན་པ་རྣམ་པ་བཞིས་འགྲོ་བ་ཚིམ་པར་འདོད་པས་མཆོག་སྦྱིན་པའི་ཕྱག་ལ་བལྟས་ཏེ་འདུག་པར་བྱའོ། །སུ་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་མྱུར་དུ་བྱོན་ཏེ། ཕྱག་གིས་མགོ་ལ་ཉུག་ཅིང་ལུང་སྟོན་པར་འདོད་པ་དེས། མགོ་
D690.093.0079b01.01ལ་སངས་རྒྱས་སྤྲུལ་པ་བཞུགས་པ་ལ་བལྟས་ཏེ་འདུག་པར་བྱའོ། །སུ་འབྲུ་དང་། འབྲས་བུ་ལ་སོགས་པ་བཏབ་ཅིང་བསྐྱེད་པ་རྣམས་ཕུན་སུམ་ཚོགས་པར་འགྱུར་བར་འདོད་པ་དེས། དགུན་གྱི་སྙེ་མ་ཐོགས་པའི་ལག་པ་ལ་བལྟས་ཏེ་འདུག་པར་བྱའོ། །དེ་ལ་སོགས་པ་འདོད་པའི་དངོས་
D690.093.0079b02.01པོ་རྣམས་རྣམ་པ་སྟོང་དུ་རིག་པར་བྱ་སྟེ། མདོ་ཙམ་ཞིག་བསྟན་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་སྙིང་པོ་འདི་ཅི་ནམ་འཛམ་བུའི་གླིང་འདིར་རྒྱུན་མི་འཆད་པར་འགྱུར་བར་དགེ་བའི་སེམས་ཀྱིས་ཟུང་
D690.093.0079b03.01ཤིག་ལོང་ཤིག་རྒྱས་པར་སྟོན་ཅིག །དེ་ལྟར་ན་སྙིང་པོ་འདི་དོན་ཆེན་པོ་བྱེད་པ་ཡིན་ནོ། །ཁམས་གསུམ་ན་སེམས་ཅན་ཇི་སྙེད་འཁོད་པའི་ལུས་ལ་ནད་གང་དག་ཡོད་པ་དེ་གལ་ཏེ་གསང་སྔགས་འདིས་གསོ་བར་བྱེད་ན། ནད་མེད་པར་མི་འགྱུར་བ་དེ་གང་ཡང་མེད་དོ། །སྙིང་པོ་འདིས་
D690.093.0079b04.01ཤིང་སྐམ་པོ་ལ་བཟླས་བརྗོད་བྱས་ན། དེ་ལ་ཡལ་ག་དང་། མེ་ཏོག་གི་སྙེ་མ་དང་། ལོ་མ་དང་། འབྲས་བུ་རྣམས་འབྱུང་བར་འགྱུར་ན། སེམས་ཡོད་པའི་སེམས་ཅན་བདེ་བར་འགྱུར་བ་ལྟ་ཅི་སྨོས་ཏེ། འདི་ལ་ཐེ་ཚོམ་ཟ་བར་མི་བྱའོ། །ཀུན་དགའ་བོ་སྙིང་པོ་འདིའི་མཐུ་སྟོབས་ནི་
D690.093.0079b05.01བརྟག་པར་མི་ནུས་ཤིང་བསམ་གྱིས་མི་ཁྱབ་སྟེ། དེ་བས་ན་ཡོན་ཏན་རྣམས་ཀྱི་ཕ་རོལ་ཏུ་ཕྱིན་ཏོ། །སྔོན་གྱི་དུས་དག་ན་དགེ་བའི་རྩ་བ་མ་སྐྱེས་པས་ནི་མིང་ཡང་མི་ཐོས་ན་མཐོང་བ་ལྟ་ཅི་སྨོས། ཁྱོད་ལ་སོགས་པའི་འཁོར་ཆེན་པོ་འདི་དང་། ལྷ་དང་། ཀླུ་དང་། མི་རྣམས་ཀྱི་སྙིང་པོ་
D690.093.0079b06.01འདི་ལ་རྗེས་སུ་ཡི་རང་བར་བྱའོ། །གང་གིས་ཐོས་ལ་སྤོང་བ་དེ་ནི། གང་གཱའི་ཀླུང་དགུ་བཅུ་རྩ་དགུའི་བྱེ་མའི་རྡུལ་ཕྲ་རབ་སྙེད་ཀྱི་སངས་རྒྱས་བཅོམ་ལྡན་འདས་རྣམས་སྤོང་བར་འགྱུར་རོ། །སུ་ཞིག་སྙིང་པོ་འདི་ལ་ཐེ་ཚོམ་བསྐྱེད་ཅིང་ཡིད་མི་ཆེས་པའི་མི་དེ་ནི། ཡུན་རིང་པོ་ནས་
D690.093.0079b07.01