完整藏文原文 · 德格版页 当前仅加载第 93 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་རིང་བསྲེལ་དང་བཅས་པའི་མཆོད་རྟེན་གྱི་མདུན་དུ་ཚེས་བཅོ་ལྔའི་ཟླ་བ་ཉ་ལ། ཟས་མི་འཚལ་བར་ཕྱག་རྒྱ་འདི་བཅིངས་ལ། གསང་སྔགས་འདི་ཡང་ལན་བརྒྱ་རྩ་བརྒྱད་བཟླས་བརྗོད་བགྱིས་ན། སྔོན་གྱི་ལས་ཀྱི་སྡུག་བསྔལ་ཐམས་ཅད་འབྱང་བར་
D690.093.0094a01.01བགྱིད་ནུས་པར་འགྱུར་ཏེ། ལྷག་མ་ལུས་པ་ནི་གནས་མ་ལགས་ཤིང་སྐབས་མ་མཆིས་སོ། །ཡང་འགྲེང་སྟེ་ལག་པ་གཡོན་པས་རྐང་པ་གཡོན་པའི་མཐེ་བོང་ཆང་པར་བཅུག་ལ། ལག་པ་གཡས་པས་གཡོན་པའི་ལག་མཐིལ་ནས་བཟུང་སྟེ། རྩ་བའི་གསང་སྔགས་
D690.093.0094a02.01བརྒྱ་རྩ་བརྒྱད་བཟླས་བརྗོད་བགྱིའོ། །འདི་ནི་བྱང་ཆུབ་སེམས་དཔའི་དབང་དང་། རྫུ་འཕྲུལ་གྱི་རྐང་པའི་ཕྱག་རྒྱ་སྟེ། ཉི་ཤུ་རྩ་གསུམ་པའོ། །དཔག་ཚད་སྟོང་གི་ཕྱོགས་སུ་མཆི་འཚལ་ན་ཡང་དཀའ་བ་མ་མཆིས་སོ། །གསང་སྔགས་ནི་དབེན་པར་མཆིས་
D690.093.0094a03.01ལ་བཟླས་བརྗོད་བགྱིའོ། །ཡང་ལག་པ་གཡོན་པའི་མཐེ་བོས་མཐེའུ་ཆུང་གི་སེན་མོ་མནན་ལ། གཡས་པ་ཡང་དེ་བཞིན་དུ་བགྱིས་ཏེ། སོར་མོ་ལྷག་མ་གསུམ་གསུམ་མཆིས་པ་བརྐྱང་ལ། ལག་མཐིལ་དུ་བཀུག་སྟེ། སྤྱི་བོར་བཞག་ལ་རྩ་བའི་གསང་སྔགས་
D690.093.0094a04.01ལན་ཉི་ཤུ་རྩ་གཅིག་བཟླས་བརྗོད་བགྱིའོ། །འདི་ནི་བྱང་ཆུབ་སེམས་དཔའི་རྫུ་འཕྲུལ་གྱི་ཆོ་འཕྲུལ་དང་། དབང་གི་ཕྱག་རྒྱ་སྟེ། ཉི་ཤུ་རྩ་བཞི་པའོ། །འགྲོ་བ་ལ་དབང་བ་འཐོབ་བོ། །ཡང་ཐལ་མོ་རེག་པར་སྦྱར་ཏེ། ཐལ་མོའི་ནང་ཁོག་སྟོང་དུ་བགྱིས་ལ་མཛུབ་
D690.093.0094a05.01མོ་གཉིས་ཀྱིས་གཡབ་བོ། །འདི་ནི་བྱང་ཆུབ་སེམས་དཔའི་རྒྱལ་པོའི་སྙིང་པོ་ལས་སྤྱན་དྲང་བའི་ཕྱག་རྒྱ་སྟེ། ཉི་ཤུ་རྩ་ལྔ་པའོ། །གསང་སྔགས་ནི་འདི་ལགས་ཏེ། ཨོཾ་ཨཱ་རོ་ལི་ཀ་ཏྲཻ་ལོ་ཀྱ་བི་ཛ་ཡ། སརྦ་ཤ་ཏྲུཾ་པྲ་མ་ཐ་ན་ས་ར་ཡ་སུ་ཝཾ་ཕཊ་མྟ་སྭཱ་ཧཱ། བྱང་
D690.093.0094a06.01ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལག་པ་སྟོང་དང་། མིག་སྟོང་དང་ལྡན་པའི་ཆོ་ག་ཞིབ་མོ་རྫོགས་སོ།། །།
D690.093.0094a07.01