完整藏文原文 · 德格版页 当前仅加载第 78 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཀྱིས་ནམ་མཁའི་ངོས་ཐམས་ཅད་གསལ་བའོ། །ཁྭ་གདོང་མ་ལ་སོགས་པ་ཐམས་ཅད་ཀྱང་སྦྲུལ་གྱི་རྒྱན་གྱིས་བཀླུབས་ཤིང་སྤྱན་གསུམ་པ། སྐྲ་གྱེན་དུ་འབར་བ། ཕྱག་ན་ཟངས་གྲི་དང་། ཁ་ཊྭཱྃ་ག་དང་། ཐོད་པ་བསྣམས་པ་ཐོད་པའི་ཕྲེང་བས་བཀླུབས་ཤིང་གཅེར་བུ་ཞལ་
D370.078.0016b01.01མཆེ་བ་གཙིགས་པ། འོད་ཟེར་སྣ་ཚོགས་འཕྲོ་བ། ཁྲོ་གཉེར་གྱི་རིམ་པ་ཅན། ཟུར་མིག་ཏུ་གཟིགས་པས་ས་གཞི་བསྐྱོད་ཅིང་། ཀླུའི་ཚོགས་སྐྲག་པས་ཁ་བུབ་ཏུ་འགྱེལ་བར་བསམས་ན་ནམ་མཁའ་ལ་གནས་ཏེ་ཆར་གྱི་རྒྱུན་གཏོང་བས་ས་གཞི་སྐད་ཅིག་གིས་གང་བར་
D370.078.0016b02.01བྱེད་དོ་ཞེས། མཁའ་འགྲོ་ཀུན་དང་མཉམ་སྦྱོར་བའི། །མཁའ་འགྲོ་མ་ནི་འབར་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །ཡང་ན་རྟ་བླ་མོ་ཞིབ་ཏུ་བཏགས་ལ་རས་ཀྱིས་གཡོགས་ཏེ་ལི་ཁྲི་དང་བསྲེས་ལ། སྦྲང་རྩིས་
D370.078.0016b03.01སྦྲུས་ཏེ། མགོ་བདུན་པའི་ཀླུའི་གཟུགས་སོར་བཅུ་གཉིས་པ་བྱས་ལ། དེའི་ཁང་པ་སོར་བཅུ་དྲུག་ཡངས་པར་བྱས་ནས། ཁང་པ་དེ་གྲུ་བཞི་ལ་གདོང་བཞི་བྱས་ཏེ། གྲུ་གཅིག་པ་ནི་རྟའི་གདོང་པ། གཉིས་པ་ལ་སེང་གེའི་གདོང་པ། གསུམ་པ་ལ་སྤྲེའུའི་གདོང་པ། བཞི་
D370.078.0016b04.01པ་ལ་ཉའི་གདོང་པ་བྱས་ཏེ། དེའི་ནང་དུ་ཀླུའི་རྒྱལ་པོ་རས་ཁ་དོག་སྣ་ཚོགས་པས་གཡོགས་ཏེ་བཞག་ལ། དེ་ནས་སྔགས་བརྒྱ་རྩ་བརྒྱད་ཡོངས་སུ་བཟླས་པས་བཏབ་སྟེ། ཡིད་ཀྱིས་ཇི་ལྟར་འདོད་པའི་མེ་ཏོག་དང་། བདུག་པ་དང་། གཏོར་མ་ལ་སོགས་པའི་མཆོད་
D370.078.0016b05.01པ་བསམས་ཏེ་བྱིན་ལ། ཡུངས་ཀར་ལ་ལན་བདུན་བསྔགས་ཏེ་ཀླུའི་སྟེང་དུ་གཏོར་ཏེ། དེ་ནས་འདོད་པ་ཐམས་ཅད་པའི་གཏོར་མ་བྱིན་ན། དེས་ཀླུའི་རྒྱལ་པོ་རྣམས་མཛའ་བོར་གྱུར་ནས། ཀླུ་ཐམས་ཅད་ཀྱིས་ཐན་པ་བྱུང་བའི་དུས་སུ་ཉི་མ་བདུན་དུ་ཆར་ཕབ་པས་
D370.078.0016b06.01འཛམ་བུའི་གླིང་ཐམས་ཅད་གང་བར་བྱེད་དོ། །ཆར་མི་འབབ་པའི་དུས་སུ་དེ་ལྟར་བྱས་ན་གདོན་མི་ཟ་བར་ཆར་འབབ་བོ། །ཅི་སྟེ་ཀླུ་གདུག་པ་ཅན་ཡིན་ན་ཡང་རླུང་གྲང་མོ་དང་། རྡོ་ཆར་དང་། གློག་དང་། སེར་བ་འབེབས་ཏེ་དེ་བཟློག་པར་འདོད་ན་རིག་པ་འཛིན་པས་ཐལ་
D370.078.0016b07.01