完整藏文原文 · 德格版页 当前仅加载第 78 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
བིལ་བའི་འབྲས། །དེ་བཞིན་དཱུར་བར་བཅས་པ་དག །རྒྱས་པའི་ལས་ལ་བསྲེག་པར་བྱ། །བུད་ཤིང་སྔར་བཞིན་ཁྱད་པར་དུ། །འབྲས་བུ་དང་ནི་བཅས་པས་བྱ། །ཙམ་པ་དང་ནི་ཨ་ཤོ་ཀ། །པུ་ན་ནཱ་ག་ནཱ་གེ་སར། །ཤིན་ཏུ་དམར་ཞིང་སྐྱུར་བ་དང་། །མེ་
D370.078.0105a01.01ཏོག་དང་ནི་འབྲས་བུར་བཅས། །ཡལ་ག་ཡི་ནི་ཆ་ལས་བྱ། །སོར་ལྔ་པ་ཡི་ཚད་དུ་ནི། །དབང་གི་ལས་ཀྱི་ཡམ་ཤིང་བྱ། །བུད་ཤིང་ཡང་ནི་སྐྱུར་བ་དང་། །མེ་ཏོག་བཅས་པའི་ཤིང་ལ་བྱ། །མེ་ཏོག་དྲི་ངན་རྣམས་དང་ནི། །དེ་བཞིན་འབྲུ་ནི་ནག་པོ་དང་། །ཕུབ་མ་དག་ནི་གཏོར་
D370.078.0105a02.01བར་བྱ། །དེ་བཞིན་མི་རུས་ཕྱེ་མ་དང་། །དུག་ལ་སོགས་པ་དབུལ་བར་བྱ། །ཚ་ཞིང་ཁ་དང་ཚེར་མར་བཅས། །དུར་ཁྲོད་དུ་ནི་སྐྱེས་པའི་ཤིང་། །རྩ་བའི་ཆ་ལས་བྱས་པ་སྟེ། །སོར་མོ་བཅུ་གཉིས་ཡམ་ཤིང་ཚད། །རྩེ་མོ་རྣོ་ལ་རྩུབ་པ་སྟེ། །རྩེ་གཉིས་དུག་ལ་སོགས་པ་
D370.078.0105a03.01སྦག །འུག་པའི་སྒྲོ་ལ་སོགས་པའང་རུང་། །དྲག་པོའི་ལས་ཀྱི་བུད་ཤིང་བྱ། །དེ་ནས་མཆོད་ཡོན་སྣོད་བཤམ་པ། །གསེར་དང་དངུལ་ལས་བྱས་པའམ། །དུང་དང་ཉ་ཕྱིས་དག་ཀྱང་རུང་། །ཟངས་དང་ཁར་བའི་རྫས་རྣམས་དང་། །ས་དང་ཤིང་ལོ་དག་ཀྱང་རུང་། །ཇི་ལྟར་
D370.078.0105a04.01འབྱོར་པ་བཤམ་པར་བྱ། །མེ་ཏོག་འོ་མར་བཅས་པ་ཡི། །ཨརྒྷའི་སྣོད་ནི་མདུན་དུ་གཞག །དྲི་ཞིམ་བདུག་པས་བདུགས་ནས་སུ། །རང་གི་སྔགས་ཀྱིས་ལན་བདུན་བཟླ། །གཡོན་དུ་ཆུ་སྣོད་གཞག་བྱ་སྟེ། །ཞི་བའི་ལས་ཀྱི་མཆོད་ཡོན་ཡིན། །ཞོ་དང་ཏིལ་དུ་བཅས་པ་དང་། །
D370.078.0105a05.01དྲི་སེར་ལ་སོགས་ལྡན་པའི་ཆུ། །རང་གི་སྔགས་ཀྱིས་མངོན་བཟླས་པ། །རྒྱས་པ་ཡི་ནི་ཨརྒྷ་ཡིན། །དབང་ལ་ཟངས་ཀྱི་སྣོད་སོགས་པར། །དྲི་དམར་ལ་སོགས་བཅས་པའི་ཆུ། །མེ་ཏོག་དམར་པོས་འབར་བ་སྟེ། །ཡོངས་སུ་བཀང་བས་ཆགས་པར་བྱ། །ཆུ་ནི་གནག་ཅིང་
D370.078.0105a06.01དྲི་མི་ཞིམ། །ཁྲག་དང་ལྡན་པས་བྱ་བའམ། །རང་སྐྱུར་དང་ནི་བ་གླང་གཅིན། །ཡང་ན་མི་ཡི་གཅི་བའམ། །ཡང་ན་བོང་བུའི་གཅིན་ཡང་རུང་། །ཕཊ་དང་སྤེལ་བའི་སྔགས་བཟླས་པ། །གཡས་ཀྱི་ཕྱོགས་སུ་བཞག་ནས་ནི། །དྲག་པོའི་ལས་ལ་སྦྱར་བར་བྱ། །ཨརྒྷའི་ཆོ་གའོ། །
D370.078.0105a07.01