完整藏文原文 · 德格版页 当前仅加载第 78 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཀྱིས་བྱའི་གདོང་པའི་རྩའི་བདུད་རྩིས་ཡོན་ཏན་དེ་ཡང་དང་ཡང་དུ་གོམས་པར་བྱ་བས་སོ། །བྱིས་པ་ཞེས་བྱ་བ་ནི་ཤེད་མ་བྱེ་བ་སྟེ། བུ་མོ་གཞོན་ནུ་མའོ། །ཉི་ཤུ་ཞེས་བྱ་བ་ལོ་ཉི་ཤུའི་བར་དུའོ། །དེ་རྣམས་ཐབས་ཀྱིས་སྦྱང་བར་བྱ་ཞེས་བྱ་བ་ནི་དེ་རྣམས་ཉིད་
D370.078.0109a01.01ས་བོན་གདབ་པའི་ཞིང་དུ་གྱུར་པས་སྦྱང་བར་བྱ་བ་ཡིན་ལ། དེ་རྣམས་ཉིད་ཐབས་ཡིན་ཏེ་མངོན་པར་འདོད་པའི་དོན་ཉེ་བར་གཏོད་ཅིང་སྟེར་ལ་འབྲས་བུ་མངོན་སུམ་དུ་བྱེད་པ་ཞེས་བྱ་བའི་བར་དུའོ། །ཕྲ་མོ་ནི་ཡིད་དུ་འོང་བ་སྟེ་ནམ་མཁའ་ལྟ་བུའི་སྤྱོད་ཡུལ་ལོ། །སྟོབས་ལྡན་གཟུང་བ་ཡི་ནི་
D370.078.0109a02.01གནས་ཞེས་བྱ་བ་ལ་སྟོབས་ལྡན་ནི་ནུས་པ་ཡོད་པའོ། །གཟུང་བ་ནི་བདག་གིར་བྱ་བའོ། །གནས་ནི་དབྱིབས་ཏེ་ཐུར་དུ་འབེབས་པ་དང་གྱེན་དུ་འཕེན་པའི་དོ་ལ་དང་ཀུརྦྦ་ལ་སོགས་པའོ། །རྫས་ནི་ཡོངས་སུ་སྦྱོང་ཞེས་བྱ་བ་ལ་རྫས་ནི་སྲིད་པའི་རྒྱ་མཚོའོ། །དེ་ལས་གྲུ་ལྟར་སྦྱོང་ཞིང་ཕན་
D370.078.0109a03.01འདོགས་པར་བྱེད་པས་ན་ཡོངས་སུ་སྦྱོང་བའོ། །ཀུན་གབ་ཅེས་བྱ་བ་ནི་སྲོག་ཆགས་ནེའུ་ལེ་ལྟར་ཀུན་དུ་འཁྱུད་པ་དང་། ཕུག་རོན་ལྟར་འོ་བྱེད་ཅིང་སོས་མ་མཆུ་བཟུང་སྟེ་འཇིབ་པ་དང་སྐྲ་ནས་གཟུང་བ་དང་། སེན་མོ་འདེབས་པ་དང་ཁུ་ཚུར་སྣུན་པ་དང་། སོས་འདེབས་ཤིང་འདྲལ་བ་དང་མཆན་
D370.078.0109a04.01ཁུང་དང་ནུ་མ་དང་། རྐེད་པ་དང་བརླ་གཉིས་དང་མགྲིན་པ་དང་རྒྱབ་ཏུ་སེན་མོས་འདྲལ་ཞིང་སིད་ཅེས་བྱ་བའི་སྒྲ་དང་བཅས་པར་སྔགས་པས་སྔོན་དུ་བྱ་ཞིང་། །གཞན་ཡང་ནུ་མ་མཉེ་བ་ལ་སོགས་པས་དེའི་སེམས་རྣམ་པར་འདུལ་བའི་བྱ་བ་དེ་དག་སོ་སོར་བྱེད་པའི་ཚུལ་རྣམ་པ་བརྒྱད་དང་སྦྱར་
D370.078.0109a05.01རོ། །སེན་མོ་འདེབས་པ་དེ་ཡང་འཇམ་ཞིང་གཞོན་ནུ་ལ་ནི་ཀུ་ཤའི་ཚད་ཙམ་དུ་གདབ་པ་དང་དྲལ་བར་བྱས་ཏེ། རྐེད་པ་དང་རྒྱབ་དང་བྷ་གའི་སྟེང་དང་སྐྲ་དང་འགྲམ་པ་ལ་སོགས་པ་རྣམས་སུ་འབྲས་ཀྱི་གཟེགས་མའི་ཚད་ཙམ་གྱི་རི་མོ་ཅི་རིགས་པར་ཆགས་པ་ལྷོད་པ་རྣམས་ལ་གདབ་བོ།།
D370.078.0109a06.01དེ་ཡང་སེན་མོ་འབའ་ཞིག་ནི་མ་ཡིན་གྱི། འོ་བྱ་བ་ལ་སོགས་པ་རྣམས་ཀྱིས་ཚིམ་པར་བྱའོ། །གང་ཞིག་ཆགས་པ་སྲ་བ་རྣམས་ལ་ནི་སོར་མོ་རིང་པོ་གསུམ་སྦྲུལ་གྱི་མགོ་ལྟར་བྱས་ལ། མོ་མཚན་གྱི་བུ་གར་བཅུག་ནས། སིད་ཅེས་བྱ་བའི་སྔགས་འབྱུང་གི་བར་དུ་བྲུད་པར་བྱས་པས་རྒན་
D370.078.0109a07.01