完整藏文原文 · 德格版页 当前仅加载第 78 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ཉིས་འགྱུར་ལྡན། །བཞི་འགྱུར་གྱི་ནི་མེ་ཏོག་བཅས། །སྣ་སྨན་ལྡག་པའི་མཆོག་ཡིན་ཏེ། །ཁྲག་དང་དངུལ་ཆུ་བཅུ་འགྱུར་དུ། །རིམ་གྱིས་སྤེལ་ཏེ་བཟའ་བར་བྱ། །དེ་ཕན་ཆད་ནི་འབྲས་བུ་མེད། །དངུལ་ཆུ་བསོ་བས་རྨོངས་པ་དང་། །ཁྱད་པར་
D370.078.0048a01.01དུ་ནི་བསད་ཀྱང་རུང་། །སྔར་བསྟན་པ་ཡི་མེ་ཏོག་དང་། །བྱང་ཆུབ་སེམས་དང་བཅས་ཏེ་བཟའ། །ཐམས་ཅད་དུ་ནི་སྔ་དྲོ་བཟའ། །ཆོ་གའི་རིམ་པ་འདི་ཡིན་ནོ། །ལྷང་ཚེར་ཆུ་དང་དངུལ་ཆུ་ནི། །དགོངས་མོའི་དུས་སུ་བལྡག་པར་བྱ། །ཟླ་བ་ལ་ནི་ཟླ་བའི་ལམ། །ཉི་མ་ལ་ནི་ཉི་མ་
D370.078.0048a02.01སྟེ། །དེ་དང་དེ་ནས་སྦྱིན་པར་བྱ། །དེ་ལྟར་ཡུལ་དང་དུས་དང་ནི། །རྫས་རྣམས་རྒྱ་ཆེར་བསྟན་པ་དག །ཡིད་གཞུངས་ལ་སོགས་འཕེལ་བྱེད་ཡིན། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །
D370.078.0048a03.01བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། །བཅུད་ཀྱིས་ལེན་གྱི་ཆོ་གའི་རིམ་པར་ཕྱེ་བ་སྟེ་བཅུ་བདུན་པའོ།། །།དེ་ནས་ཡང་དག་བཤད་བྱ་བ། །རྒྱུད་དུ་སྦས་པ་ངེས་པར་བྱ། །ཡང་དག་བསྡུས་པའི་ཆོ་ག་ནི། །བཤད་
D370.078.0048a04.01ཀྱིས་སྒྲུབ་པ་པོ་རྣམས་ཉོན། །བདེ་མཆོག་བླ་མའི་གནས་ལ་སོགས། །མཁའ་འགྲོ་མས་ནི་ཐམས་ཅད་ཁྱབ། །ཡེ་ཤེས་ལྡན་པའི་རང་སྐྱེ་གནས། །ཡུལ་དང་ཡུལ་དུ་མངོན་པར་སྐྱེ། །དེ་ནི་མཁའ་འགྲོ་མ་ཞེས་བྱ། །རྡོ་རྗེ་དཀྱིལ་འཁོར་གཙོ་མོ་ཡིན། །རྣལ་འབྱོར་མ་
D370.078.0048a05.01དྲུག་སྒྲུབ་པོ་ལ། །བརྡ་ཡི་སྐད་ཀྱིས་བཤད་པ་ཡིན། །ཀུ་ལུ་ཏཱ་དང་མ་རུ་ཡི། །ཡུལ་དུ་གནས་པ་མ་མོ་སྟེ། །སིནྡྷུ་དང་ནི་ནཱ་ག་རར། །རིགས་ཀྱི་གཙོ་མོ་རྣམས་ཡིན་ནོ། །ལམ་བཱ་ཀ་དང་སཽ་རཱཥྚར། །གང་གནས་རིགས་ཀྱི་ལྷ་མོ་ཡིན། །ཁ་བའི་རི་དང་ཀཱན་ཙི་ན། །གང་
D370.078.0048a06.01ཡོད་བྱིས་བཅས་མོ་ཞེས་བྱ། །བཱན་ཙ་ལ་ཡི་ཡུལ་དག་དང་། །གྲྀ་ཏ་དེ་བ་ཏཱ་དག་ན། །ལྷན་ཅིག་སྐྱེས་པའི་བུ་མོ་གནས། །ཀ་ལིང་ཀ་དང་ཀོ་ས་ལར། །བརྟུལ་ཞུགས་འཛིན་མ་ཤ་ཆེན་ཟ། །པྲེ་ཏ་པུ་རི་ཞེས་བྱ་དང་། །ཏྲི་ཤ་ཀུ་ནིར་སྦོམ་དབང་ཕྱུག །ཁཎྜ་རོ་ཧ་ཞེས་བྱ་
D370.078.0048a07.01