完整藏文原文 · 德格版页 当前仅加载第 78 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་མཉམ་པར་བཞག་པས་གཟུང་། །ཁྱུ་མཆོག་རྭ་ཡི་ས་དང་ནི། །ཕྱི་ནས་གཅིག་ཏུ་བསྲེ་བར་བྱ། །ལོ་གཅིག་བར་དུ་ནུས་དང་ལྡན། །དེ་ནས་གསར་པ་གཞན་གཟུང་བྱ། །ཇི་སྲིད་ལུས་ལ་གནས་ཀྱི་བར། །མཚོན་ཆས་ཆོད་ཅིང་ཕུགས་མི་འགྱུར། །སྒྲུབ་པོ་དེ་ཡི་
D370.078.0077a01.01ལུས་ལ་ནི། །དུག་ཀྱང་འཕོ་བར་མི་འགྱུར་རོ། །སྔོན་བསྟན་ཆོ་གའི་བྱ་བ་ཡིས། །བྷྲ་མ་དན་ཏའི་སྨན་གཟུང་བྱ། །པདྨ་ཡི་ནི་འདམ་དང་ནི། །ལྷན་ཅིག་ཏུ་ནི་བསྲེ་བར་བྱ། །སྔར་བསྟན་ཆོ་གའི་རིམ་པ་ཡིས། །ཨི་ཤྭ་རི་ནི་གཟུང་བར་བྱ། །མཚན་མ་གཅིག་གི་ས་དག་དང་། །
D370.078.0077a02.01ཤིན་ཏུ་མཉམ་པར་བཞག་སྟེ་བསྲེ། །ཡོན་ཏན་དག་ནི་སྔ་མ་བཞིན། །ཉོན་ཅིག་ལྷ་མོ་ཤེས་རབ་ཆེ། །ཀུ་མ་རཱི་ཞེས་བྱ་བའི་སྨན། །གཞོན་ནུ་མ་ཡི་རྐང་རྗེས་རྡུལ། །དེ་ཡི་གཅི་བའི་ས་དང་བཅས། །མ་ཧེ་རྭ་ཡིས་དང་ལྡན། །འདམ་འདི་སུམ་ཅུ་གསུམ་པས་མཆོད། །
D370.078.0077a03.01དེ་ནས་ཡང་དག་བཤད་བྱ་བ། །བིཋྞུ་བི་ཞེས་བྱ་བའི་སྨན། །སྔར་བསྟན་ཆོ་གའི་བྱ་བ་ཡིས། །ནགས་ཀྱི་ཕྲེང་བ་གཟུང་བར་བྱ། །བཟློག་སྟེ་འཁོར་བའི་འཁོར་ལོ་ཡི། །འཇིམ་པ་འབད་དེ་བླངས་ནས་སུ། །དེ་དང་ལྷན་ཅིག་ལྡན་པར་བྱ། །ལུས་ལ་གནས་ན་བསྲུང་བར་
D370.078.0077a04.01འགྱུར། །རྩེ་གཅིག་ཡིད་ཀྱིས་མཉམ་པར་གྱིས། །ཕག་མོ་ཞེས་བྱའི་སྨན་དང་ནི། །ཕག་གི་ལུས་ལས་བྱུང་བའི་འདམ། །མ་ཧེའི་རྭ་ཡི་ནང་དུ་གཞག །ལོ་གཅིག་བར་དུ་ནུས་དང་ལྡན། །དེས་ཀྱང་སྔ་མ་བཞིན་དུ་འགྱུར། །ལམ་གྱི་བཞི་མདོ་རི་རྩེ་དང་། །གླང་ཆེན་
D370.078.0077a05.01མཆེ་བར་ཆགས་པའི་ས། །དབང་པོ་ཤིང་གི་རྩ་བར་བཅས། །སུམ་ཅུ་གསུམ་དབང་འདམ་ཞེས་བྱ། །དེ་ནས་ཙ་མུཎྜ་བཤད་བྱ། །ཁ་དོག་གཅིག་པ་བླ་ན་མེད། །ཙཎྜ་ལི་ཡི་རྩ་བཟུང་ལ། །སྔར་བསྟན་བཞིན་དུ་བསྒྲུབ་པར་བྱ། །ཤིང་གཅིག་དང་ནི་མཚན་གཅིག་པའི། །
D370.078.0077a06.01ས་དང་སྦྱར་ཏེ་འདམ་དུ་བྱ། །དེ་ནི་ལུས་ལ་གནས་པར་དུ། །སུམ་ཅུ་གསུམ་པས་ཀྱང་མི་ཤིགས། །དེ་ནས་ཆོ་ག་གཞན་བཤད་བྱ། །སྙིང་པོ་ཐམས་ཅད་བསྡུས་པ་སྟེ། །མངལ་ནས་དང་པོ་བྱུང་བ་ནི། །མ་ཡི་ནུ་ཞོ་མ་འཐུངས་པ། །རྡོ་རྗེ་ཕག་མོར་བཅས་པ་ཡི། །ཧེ་རུ་
D370.078.0077a07.01