完整藏文原文 · 德格版页 当前仅加载第 78 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
ཤར་དང་བྱང་དུ་གཞོལ་བ་ནི། །སྔགས་པ་རྣམས་ཀྱི་དངོས་གྲུབ་འགྱུར། །དབུས་སུ་མཐོ་བས་རྒྱལ་སྲིད་དང་། །རིག་པ་འཛིན་པའི་གནས་དག་འཐོབ། །བྱང་དུ་མཐོ་བས་འཆི་འགྱུར་རམ། །ནོར་རྣམས་བརླག་པར་འགྱུར་བ་སྟེ། །ཡང་ན་ནད་ཀྱིས་འདེབས་པར་
D370.078.0100a01.01འགྱུར། །ཇི་སྐད་བཤད་པའི་ཤར་མཐོ་བས། །མྱུར་དུ་རིགས་རྣམས་ཟད་པར་འགྱུར། །དབུས་སུ་དམའ་བའི་རང་བཞིན་ས། །སྒྲུབ་པ་པོ་ནི་འཇོམས་དང་ལྡན། །དེ་ཉིད་བསྡུས་དང་བདེ་མཆོག་དང་། །གསང་དང་རྡོ་རྗེ་འཇིགས་བྱེད་དུ། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་
D370.078.0100a02.01བྱུང་འབྱུང་བར་མི་འགྱུར་རོ། །བཤད་དང་མ་བཤད་གང་ཅི་འང་རུང་། །ཐམས་ཅད་ཧེ་རུ་ཀ་ལ་གནས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་
D370.078.0100a03.01ཆེན་པོ་དཔལ་རྡོ་རྗེ་མཁའ་འགྲོ་ལས་ས་གཟུང་བ་དང་། སྟ་གོན་ལ་གནས་པ་དང་། ཐིག་བྲི་བའི་ཆོ་གའི་རིམ་པར་ཕྱེ་བ་སྟེ་བཞི་བཅུ་རྩ་དྲུག་པའོ།། །།དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །རིམ་པར་ཕྱེ་བ་བཅུ་
D370.078.0100a04.01བདུན་པར། །ཁྱོད་ཀྱིས་ཁམས་ཀྱི་བཅུད་ལེན་གསུངས། །ཕྱི་རོལ་རྣམ་པ་དུ་ཞིག་དང་། །ནང་ནི་རྣམ་པ་དུ་རུ་དབྱེ། །དགྲ་དང་མཛའ་བཤེས་བར་མ་དང་། །དེ་བཞིན་གཞན་ཡང་ཚད་དབྱེ་དང་། །སྐམས་ས་དང་ནི་རླན་ཅན་ཡུལ། །ཁམས་ཀྱི་སྡེ་ཚན་བསྡུས་པ་དག །
D370.078.0100a05.01ངོ་མཚར་ཆེན་པོ་འདི་དག་ལ། །བདག་ནི་ཐེ་ཚོམ་སྐྱེ་བར་གྱུར། །བཅོམ་ལྡན་འདས་ཀྱིས་བཀའ་སྩལ་པ། །ད་ནི་སྡེ་ཚན་རྣམས་དང་ནི། །འབྲེལ་བ་རབ་ཏུ་བཤད་ཀྱིས་ཉོན། །སྦོམ་པོ་ཕྲ་མོའི་སྦྱོར་བ་ཡིས། །ཆུང་ངུ་ལ་སོགས་བྱེ་བྲག་དག །རླུང་དང་མཁྲིས་པ་བད་ཀན་སོགས། །
D370.078.0100a06.01སྐྱེས་པ་དང་ནི་བུད་མེད་ཀྱང་། །རེ་རེ་ཞིང་ཡང་གསུམ་གསུམ་འདོད། །ནག་པོ་སེར་སྐྱ་སྔོ་སངས་དང་། །རྩུབ་དང་འཇམ་དང་ཡན་ལག་མཁྲང་། །མཛེར་པ་ཅན་ཞེས་བྱ་བ་ཡིན། །སྦོམ་ཐུང་བོང་ཚོད་རན་དང་རིང་། །སྔོ་སངས་མཚུངས་རྩུབ་མགྲིན་པ་རིང་། །མིག་ནི་ཟངས་ལྟར་
D370.078.0100a07.01