完整藏文原文 · 德格版页 当前仅加载第 78 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་གསུངས་པ་ནི། མདོར་བསྡུས་ནས་ནི་བརྗོད་བྱ་བ། །དེ་ནི་བདག་གིས་བཤད་ཀྱིས་ཉོན། །རིགས་ལྡན་དང་ནི་རྟ་ཡི་འགྲོས། །གཤིན་རྗེ་{ཡི་དགས་,ཡི་དྭགས་}དེ་བཞིན་དུ། །གཞན་ཡང་རོ་ལངས་ཟུང་དང་ནི། །སྲིན་པོ་ཡི་ནི་ཁྱད་པར་གྱིས། །དེ་ནས་རིམ་དང་ཕྱི་རོལ་རིམ། །
D370.078.0021a01.01ངེས་འཇོམས་སྒོ་དང་སྟོང་པ་དང་། །གྲྭ་ཡི་མཐར་ནི་རྡོ་རྗེར་ལྡན། །འཁྲུལ་འཁོར་ཆེན་པོ་བཅུ་གཉིས་ནི། །སྔགས་ཀྱི་ཕྲེང་བས་ཁྱད་པར་བྱས། །རིམ་པ་འདི་བཞིན་བརྗོད་པ་ཡིན། །གྲུ་བཞི་ཤིན་ཏུ་ཚད་ལྡན་ཞིང་། །རེའུ་མིག་བཞི་བཅུ་དགུར་ལྡན་པ། །སྔགས་པས་མཉམ་པར་
D370.078.0021a02.01བཞག་སྟེ་བྱ། །དང་པོ་ཡི་ནི་ཕྲེང་བ་གཉིས། །ལྷག་བཅས་ཨ་ལ་སོགས་པ་དགོད། །རེའུ་མིག་ལྷག་མ་རྣམས་ལ་ནི། །ཀ་ལ་སོགས་པ་མདོར་བསྡུས་པའི། །ཡི་གེ་ཐམས་ཅད་ཅི་རིགས་པར། །{གོ་རིམས་,གོ་རིམ་}བཞིན་དུ་དགོད་པར་བྱ། །དབུས་ཀྱི་རེའུ་མིག་སྟོང་པ་ལ། །ཀ་ཥ་ཞེས་
D370.078.0021a03.01བྱ་ཡི་གེར་ནི། །གནས་པའི་པ་ནི་བྲི་བར་བྱ། །འཁོར་ལོ་རི་མོ་གཉིས་བསྐོར་ལ། །རི་མོའི་བར་དུ་རྣལ་འབྱོར་པས། །འཕེལ་བ་ལ་སོགས་བསྡུས་ཏེ་དགོད། །ཕྱི་རོལ་པདྨ་འདབ་བརྒྱད་ལ། །དབང་པོར་ཀ་སྟེ་ལུས་ངན་ཙ། །ཆུ་ལྷ་གཤིན་རྗེ་ཊ་དང་ཏ། །རླུང་དང་མེ་དང་དབང་ཆེན་ཆུར། །
D370.078.0021a04.01དེ་ལྟར་ཡ་ར་ལ་ཝ་དགོད། །འབྱུང་བ་ཆེན་པོ་ཁམས་ཞེས་བྱ། །སླར་ཡང་ཕྱི་རོལ་གྲུ་བཞི་ལ། །རླུང་དང་མེ་དང་བདུད་རྩི་རོ། །གཤིན་རྗེ་འཇོམས་མ་ལ་སོགས་ཏེ། །ཤ་ཥ་ས་ཧར་བསྟན་པ་དགོད། །རྀ་རཱྀ་ལྀ་ལཱྀ་ཞེས་བྱ་བ། །མ་ནིང་ཞེས་བྱར་བསྟན་པ་བཞི། །སྒོ་བཞི་རུ་ནི་དགོད་པར་
D370.078.0021a05.01བྱ། །ཆོ་གའི་སྦྱོར་བ་དེ་ལྟ་བུས། །སྔགས་ཀྱི་རྒྱལ་པོ་དེ་ནས་དགོད། །འབུགས་པ་རྨི་ལམ་ཟླ་བར་ལྡན། །རེའུ་མིག་དང་པོ་བརྒྱན་པར་བྱ། །གཉིས་པར་བདེན་བྲལ་ཕྱི་རོལ་གཟུང་། །རུས་སྦལ་དང་ནི་ལྡན་པར་དགོད། །རེའུ་མིག་གསུམ་པ་ལ་གནས་པ། །དབུ་མ་ཡི་ནི་མཐའ་མ་
D370.078.0021a06.01བཟུང་། །དེ་ཉིད་ཀྱི་ནི་བཞི་པར་གནས། །རེའུ་མིག་བཞི་པར་ལྷོ་ཡི་མཐའ། །བཟང་པོ་ཡིས་ནི་སྤྱི་བོར་བརྒྱན། །བདེན་བྲལ་ཕྱི་རོལ་བཟུང་ནས་ནི། །རུས་སྦལ་དང་ནི་ལྡན་པར་བྱ། །རེའུ་མིག་ལྔ་པར་ཡང་དག་དགོད། །དབུ་མའི་མཐའ་མ་བཟུང་ནས་སུ། །དེ་ཉིད་ཀྱི་ནི་བཞི་པར་གནས། །
D370.078.0021a07.01