完整藏文原文 · 德格版页 当前仅加载第 78 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཟངས་ལྟར་དམར་བ་སྟེ། །སྟོབས་ལྡན་སྔོ་བསངས་ནུ་མ་མེད། །རྐང་པའི་ཁྱད་པར་སྔར་བཤད་དང་། །སྦྲང་རྩི་ལྟ་བུའི་དྲི་དང་ལྡན། །སྒྲུབ་པོ་དབང་པོའི་ཡོན་ཏན་བྱེད། །དེ་རྣམས་ཐབས་ཀྱིས་སྦྱངས་ཡིན་ཏེ། །རྩུབ་དང་མཉེན་དང་ཡན་ལག་མཁྲང་། །
D370.078.0047a01.01སྟོབས་ལྡན་ཞེས་ནི་བྱ་བ་ཡིན། །དེ་དག་འཁྱུད་ལས་འབྱུང་བ་ནི། །རྫས་ནི་ཡོངས་སུ་སྦྱོར་བྱེད་དེ། །རྣོན་པོ་དང་ནི་ལྷང་ཚེར་ལ། །ཐུན་མོང་དུ་ནི་བརྟེན་ནས་སུ། །ཞ་ཉེ་བླུགས་པས་འཇོམས་པར་འགྱུར། །རོ་ནི་ཁ་དང་བསྐ་བར་འགྱུར། །དེ་ནས་རང་སྐྱུར་ནང་དུ་ནི། །གཅི་བས་
D370.078.0047a02.01བཙོས་ན་ཉེས་པ་འབྱང་། །དེ་ནས་གཅི་བའི་ལན་ཚྭ་དང་། །ཕག་གི་ཞག་དང་ཚིལ་དང་ཁྲག །བཅས་པར་མཉེས་ནའང་ཉེས་པ་འབྱང་། །སླར་ཡང་ཙུ་ཏ་ཛ་ཏི་ན། །ཚྭ་དང་དམར་པོ་ཉིད་དང་ནི། །པིན་ཛ་ར་དང་ཙམ་པ་ཀ །སྨྱོ་བྱེད་ཆ་མཉམ་དངུལ་ཆུ་གཅིག །དེ་དང་
D370.078.0047a03.01མཉམ་པའི་སྦྲང་རྩི་ཆུ། །མཉེས་ན་ཉེས་པ་ཟད་པར་འགྱུར། །དེ་ནས་མ་ཧེའི་རྨིག་པར་ནི། །ཆར་པའི་ཆུ་དང་བཅས་པ་ལ། །ཟངས་ཀྱི་ཕྱེ་མ་འཁར་ཕྱེ་དང་། །མིག་སྨན་ཕྱེ་མ་བླུགས་ཤིང་བཙོ། །ཚོས་ནས་སྦྲང་རྩིའི་ནང་དུ་གཞུག །དེ་ཡིས་བཅིངས་པར་
D370.078.0047a04.01འགྱུར་བ་ཡིན། །དེ་ནས་ཁྲག་ནི་ཆ་བདུན་གྱིས། །སྦྱངས་ན་སྣུམ་ཞིང་སྟོབས་ལྡན་ལ། །སླར་ཡང་ཆ་མཉམ་ཁྲག་དང་ནི། །མཉེས་པས་སྣུམ་ཞིང་རྩུབ་པར་འགྱུར། །ར་གན་ཙུ་ཏའི་ཤིང་དང་ནི། །ཟངས་དང་ཡུང་བ་ལ་སོགས་དྲུག །བྱིན་པས་ཉེས་པ་ཚར་གཅོད་
D370.078.0047a05.01འགྱུར། །དེ་ནས་ཙན་ཏྲའི་ཤིང་དང་ནི། །སྦྲང་རྩི་འཛག་དང་སེན་མོ་དང་། །ཐལ་སྨན་འབུས་ཟོས་ཤིང་ཕྱེ་དང་། །མ་ཧཱ་ཧ་ཏ་མོ་ཀྵ་དང་། །བུཥྐ་ར་དང་བར་ཏ་ཀི། །ཀུ་བ་སིན་དུ་བ་རི་ཕྱེ། །བཅས་པར་མི་ཡི་རྐང་དུ་གཞུག །ཅུང་ཟད་བཞག་སྟེ་ཕྱུང་ནས་སུ། །རྡོ་
D370.078.0047a06.01ཡི་གཏུན་དུ་མཉེ་བར་བྱ། །འོད་མའི་ནང་དུ་བླུགས་ནས་ནི། །བཙོ་རྫ་རྒོད་མའི་ཁ་འདྲ་དང་། །ཀ་ར་ན་ད་ཡི་མཆུ་ཡི་དབྱིབས། །བོང་བུའི་གདོང་དང་རྔ་མོའི་གདོང་། །ཁ་ཆེན་འདི་དག་བཅིང་བ་དང་། །ཚར་བཅད་པ་ལ་བསྔགས་པ་ཡིན། །གང་ཡང་འཁྲུལ་འཁོར་
D370.078.0047a07.01