完整藏文原文 · 德格版页 当前仅加载第 78 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི། །དབྱངས་ཡིག་མཆོག་ནི་དྲུག་པ་སྟེ། །ཨཱུ་ཞེས་བྱ་བ་བསྒྲུབ་བྱ་ཡི། །སྙིང་གི་དབུས་སུ་བསྒོམ་པར་བྱ། །ལྐུགས་ཤིང་མྱོས་པར་གྱུར་པ་དང་། །ལུས་ནི་གཡོ་ཞིང་སེམས་དང་བྲལ། །གང་དུ་སྒྲུབ་པ་པོར་གནས་པར། །འཁྲུགས་པ་བཞིན་དུ་འོང་བར་འགྱུར། །
D370.078.0081b01.01བདག་ཉིད་དང་ནི་ནོར་དང་བཅས། །དབང་དུ་ཡང་ནི་འགྱུར་བ་ཡིན། །རྀ་ཞེས་བྱ་བ་དུ་བའི་མདོག །དཔྲལ་བ་ལུས་དང་བྲལ་བ་སྟེ། །དབྱངས་ཡིག་གི་ནི་དམ་པ་དེ། །སྙིང་ག་དང་ནི་གསང་བར་བསྒོམ། །དེ་ནས་རཱྀ་ནི་མུན་པའི་མདོག །བསྒྲུབ་བྱའི་ལུས་ཀྱི་མགོ་བོ་དང་། །དེ་
D370.078.0081b02.01བཞིན་རྐང་པ་མགྲིན་པ་རུ། །རིང་པོ་དེ་ནི་བསྒོམ་པར་བྱ། །བདུན་པ་དང་ནི་བརྒྱད་པ་འདིས། །མྱུར་དུ་སྐྲོད་པར་བྱེད་པ་སྟེ། །སེམས་ནི་རྨུགས་ཤིང་ཉམས་གྱུར་ནས། །ས་གཞི་མ་ལུས་རྒྱུ་འགྱུར་ཏེ། །མཐོང་བ་ཡི་ནི་ཚེ་འདི་ལ། །སླར་ཡང་ཟློག་པར་མི་འགྱུར་རོ། །ལྀ་
D370.078.0081b03.01ཞེས་བྱ་བ་སྲིད་པ་སྡོམ། །བྱ་རོག་གི་ནི་གཤོག་པ་འདྲ། །སྒྲུབ་པོས་བསྒྲུབ་བྱའི་མིག་དང་ནི། །མགྲིན་པ་དང་ནི་གསང་བར་བསྒོམ། །དབྱངས་ཡིག་རིང་པོ་ལཱྀ་ཞེས་པས། །བསྒྲུབ་པར་བྱ་བ་དཀྲིས་པར་བསམ། །བསྒྲུབ་བྱའི་ལུས་ལ་བསྒོམས་ཙམ་གྱིས། །སྡང་བར་
D370.078.0081b04.01བྱེད་པའི་མཆོག་ཡིན་ཏེ། །སེམས་ཅན་ཀུན་གྱིས་སྨད་པ་དང་། །སྐྱེ་བོ་ཀུན་གྱིས་བརྙས་པ་དང་། །མར་ཁུ་ཕྱུང་བའི་འབའ་ཆ་བཞིན། །སྐྱེ་བོ་ཀུན་གྱིས་སྤོང་བར་འགྱུར། །ཅོག་ལ་མ་ཡི་མཚལ་དང་ནི། །ལྷམ་བུ་ཆུ་གཤེར་ལྟ་བུའི་མདོག །ཨེ་ཞེས་བྱ་བ་དབྱངས་ཀྱི་
D370.078.0081b05.01རྒྱལ། །གསང་དང་ལྟེ་བ་སྙིང་གར་དགོད། །ཨཻ་ཞེས་བྱ་བ་གཟི་བརྗིད་ཆེ། །ལི་ཁྲི་དང་ནི་ཉི་མའི་མདོག །བསྒྲུབ་བྱའི་མིག་དང་དེ་བཞིན་དུ། །ཁ་དང་མགྲིན་པར་བསྒོམ་པར་བྱ། །སྒྲུབ་པའི་མཆོག་གིས་ཡིད་ལ་ནི། །ལས་འདི་བྱས་པ་ཙམ་གྱིས་སུ། །ཁམས་
D370.078.0081b06.01གསུམ་པོ་ནི་མ་ལུས་པ། །མཐེ་བོའི་ཁྱོན་ཙམ་དུ་ནི་མཐོང་། །གདོང་དང་གདོང་ནི་མངོན་ཕྱོགས་ཏེ། །དེ་ཡི་ཡི་གེའི་ཆ་ཤས་ཀྱིས། །དབུགས་ཀྱི་རི་མོ་ལྕུག་མས་དགུག །ཆ་ཤས་ལྕུག་མའི་དམ་ཚིག་དབང་། །ཨ་ཞེས་བྱ་བའི་དབྱངས་ཡིག་ནི། །ཐིག་ལེ་དང་ནི་ཟླ་ཕྱེད་
D370.078.0081b07.01