完整藏文原文 · 德格版页 当前仅加载第 78 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དུ་བསྲོ་བར་བྱ། །སྔགས་ཀྱི་རྒྱལ་པོ་བསྐུལ་བ་ཡིས། །བྱ་བ་ཐམས་ཅད་བྱེད་པར་འགྱུར། །འདི་ཡི་ནད་རྣམས་ཐམས་ཅད་ནི། །འཕེལ་དང་དེ་བཞིན་སྦྱོར་བྱེད་པའོ། །རིམས་ལ་{ཡི་དགས་,ཡི་དྭགས་}སྙིང་གར་བྲི། །འགའ་རེ་{ཡི་དགས་,ཡི་དྭགས་}ཀླད་པ་སྟེ། །བརྗེད་བྱེད་རླུང་དང་སྤྲིན་ལ་བྲི། །
D370.078.0042b01.01གཟེར་བར་བྱ་བ་མདུང་ལ་སྟེ། །དུག་དང་མཛེ་ནད་ལྟོ་འཕྱེ་ལ། །གཟའ་ལ་གཟའ་ཡི་མཚན་མར་བྲི། །མདོར་བསྡུས་ནས་ནི་འཁོར་ལོར་དགོད། །ཤེལ་དང་ཟླ་བའི་འོད་འདྲ་བའི། །ཡི་གེ་བདུད་རྩི་རྒྱུན་འབབ་པས། །སྟོན་ཀའི་ཟླ་ཟེར་ལྟ་བུར་ནི། །བསམ་གཏན་བསམས་པ་
D370.078.0042b02.01ཙམ་གྱིས་ནི། །འཆི་བའང་ངེས་པར་སློང་བར་འགྱུར། །སྦྲུལ་ཆེན་བརྒྱ་ཡིས་ཟིན་ནས་ནི། །འཆི་བའང་མྱུར་དུ་སློང་བར་བྱེད། །དུག་གིས་བརྒྱལ་བར་གྱུར་པ་དག །བསྟན་པ་ཙམ་གྱིས་སློང་བར་འགྱུར། །རིམས་དང་གདོན་དང་བརྗེད་བྱེད་དང་། །ལག་པ་མཐོང་བས་རླག་
D370.078.0042b03.01པར་བྱེད། །གྲིབ་མ་ཡང་ནི་མི་འགོམ་ན། །དེ་ཡི་ལུས་ལྟ་སྨོས་ཅི་དགོས། །ཟངས་མ་ཡི་ནི་འདབ་མའམ། །ལག་པ་གཡོན་པར་འཁོར་ལོ་འདི། །བ་བླ་དང་ནི་ཡུང་བས་བྲི། །དེ་ནས་ཆུ་ཡི་ནང་བཞག་ལ། །ཇི་ལྟར་འབྱུང་བཞིན་འབད་དེ་མཆོད། །མཚམས་ཀྱི་དུས་སུ་
D370.078.0042b04.01མཉམ་བཞག་པས། །དེ་བཞིན་དུ་ནི་སྔགས་བཟླས་བྱ། །ཆུ་ཡི་ནང་ནས་བཏོན་ནས་སུ། །འོ་མས་བཀྲུས་ལ་རྒྱ་མཚོར་གཞུག །གཡུལ་དུ་ཁུ་ཚུར་བཅངས་ནས་ནི། །རྒྱན་རྣམས་ཀུན་གྱིས་རྣམ་བརྒྱན་ཏེ། །ཡིད་ལ་རྟག་ཏུ་ཟློས་བྱེད་ན། །ཇི་སྲིད་ཁུ་ཚུར་མ་བཀྲོལ་བར། །
D370.078.0042b05.01མྱུར་དུ་ཐམས་ཅད་རེངས་འགྱུར་ཏེ། །དགྲ་བོ་གལ་ཏེ་ལག་ན་ནི། །མཚོན་ཆ་ཕྱར་ཏེ་ཐོགས་པ་ཡང་། །ཇི་སྲིད་ཁུ་ཚུར་མ་བཀྲོལ་བར། །མཚོན་ཆ་གཏོང་བར་མི་ནུས་སོ། །ཡི་གེ་བདུན་དང་རྣལ་འབྱོར་མ། །དྲུག་གི་ཡི་གེ་འདི་དག་ནི། །འཁོར་ལོ་དྲུག་ལ་གནས་པར་
D370.078.0042b06.01ནི། །ལག་པའི་དབུས་སུ་བཀོད་ནས་སུ། །ཆོ་ག་རིམ་པས་བཅང་བར་བྱ། །ཁ་ནས་གསང་སྔགས་རྒྱལ་པོ་ཟློས། །དེ་ཡི་གཟུགས་གྱུར་བཟུང་ནས་ནི། །དེ་ནི་འགུགས་འགྱུར་ཐེ་ཚོམ་མ་མེད། །ཙནྡན་དམར་པོའི་རྡུལ་དང་ནི། །ལན་ཚྭ་སྐེ་ཚེ་དེ་བཞིན་ཏེ། །བསྒྲུབ་
D370.078.0042b07.01