完整藏文原文 · 德格版页 当前仅加载第 78 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བྲལ་བ་དང་། །ཁམས་ནི་སྙོམས་པར་གནས་པ་དང་། །རན་པར་ཟ་ཞིང་ཚུལ་བཞིན་རྒྱུ། །དེ་ཡི་མིག་འཛུམས་གཟུང་བར་བྱ། །མིག་འཛུམ་མིག་ནི་བཙུམས་པ་སྟེ། །མིག་འཛུམས་དྲུག་ལ་ཆ་ཤས་ནི། །གཅིག་ཅེས་བྱ་བར་བརྗོད་པ་ཡིན། །ཡུད་ཙམ་དྲུག་ནི་སྐད་
D370.078.0064b01.01ཅིག་སྟེ། །སྐད་ཅིག་དྲུག་ནི་ཐང་ཅིག་ཡིན། །ཐང་ཅིག་དྲུག་ནི་{ཆུང་ཟད་,ཅུང་ཟད་}ཡིན། །དུས་ཀྱི་{གོ་རིམས་,གོ་རིམ་}བྱ་བ་འདིས། །སུམ་ཅུ་ཐམ་པར་བསྒྱུར་བ་ལ། །ཡི་གེ་ལྕི་བའི་དུས་ཞེས་བརྗོད། །ཡི་གེ་ལྕི་བ་བཅུ་ལ་ནི། །སྲོག་གཅིག་ཅེས་བྱའི་དུས་སུ་བཤད། །དེ་ནི་བཅུ་གསུམ་བསྒྱུར་
D370.078.0064b02.01བ་ལས། །དེ་ཡང་གཉིས་སུ་བསྒྱུར་བ་ནི། །སྲང་གཅིག་ཞེས་ནི་བརྗོད་པ་ཡིན། །སྲང་ནི་དྲུག་ཅུ་ཐམ་པ་ལ། །ཆུ་ཚོད་གཅིག་ཏུ་བཞེད་པ་ཡིན། །དེ་བརྒྱད་ཐུན་གཅིག་ཞེས་བྱའོ། །དེ་བཞི་ལ་ནི་ཉིན་གཅིག་གོ། །ཉིན་མཚན་དུས་ནི་མཉམ་པ་ལ། །མཚན་མོའང་དེ་
D370.078.0064b03.01དང་མཉམ་པར་བཤད། །ཆུ་སྲིན་ནས་ནི་སྦལ་པའི་བར། །ཉི་མ་འཕེལ་བར་བརྗོད་པ་སྟེ། །ལྷ་མོ་སྲང་ནི་གསུམ་གསུམ་གྱིས། །ཉིན་རེ་ཞིང་ནི་སྤེལ་བར་བྱ། །ཆུ་སྲིན་ལས་ནི་འདས་ནས་སུ། །མཚན་མོ་སྲང་ནི་གསུམ་གསུམ་འབྲི། །ཚད་མ་དེ་དག་བསྟན་པའི་
D370.078.0064b04.01ཕྱིར། །ཟངས་མ་སྲང་ནི་བཅུ་གཉིས་ལ། །སྣོད་ནི་དཔངས་སུ་སོར་བརྒྱད་དང་། །རྒྱར་ནི་སོར་མོ་བཅུ་གཉིས་པ། །ལེགས་པ་ཉིད་དུ་བརྡུང་བར་བྱ། །གསེར་ནི་འོལ་སེ་སུམ་ཅུ་ལས། །སོར་དྲུག་པ་ཡི་ཚད་ཙམ་དུ། །ཐུར་མ་ལེགས་པར་བརྡུངས་ནས་ནི། །ཐུར་མ་དེ་ཡིས་བུ་
D370.078.0064b05.01ག་ནི། །ཟངས་མའི་སྣོད་ལ་མཁས་པས་དབུག །ཆུ་ནི་རྙོག་མ་མེད་པ་ལས། །སྲང་ནི་དྲུག་ཅུའི་ཚད་དུ་བྱ། །སྲང་འདིས་ཆུ་ཚོད་ཚད་ཡིན་ཏེ། །སྐྱེ་བོ་རྣམས་ལ་ཕན་ཕྱིར་བཤད། །ཆུ་ཚོད་དེ་ནི་ཡུད་ཙམ་སྟེ། །ཐུན་ཕྱེད་དང་ནི་ཐུན་གཅིག་དང་། །ཉིན་དང་མཚན་མོའི་ཚད་
D370.078.0064b06.01ཀྱིས་ནི། །རིམ་བཞིན་ཟླ་ཕྱེད་ཟླ་བརསྤེལ། །ཟླ་བ་གཉིས་ནི་དུས་ཡིན་ཏེ། །དེ་གསུམ་ཉི་མ་འགྲོ་ལྡོག་བརྗོད། །ཉི་མ་འགྲོ་ལྡོག་གཉིས་ལ་ནི། །ལོ་གཅིག་ཉིད་དུ་བརྗོད་པ་ཡིན། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་
D370.078.0064b07.01